पुणे – सीटू संघटनेच्या वतिने आज बांधकाम कामगारांच्या प्रलंबीत प्रश्नावर अपर कामगार आयुक्त कार्यालयावर निदर्शने करण्यात आली. शुभा शमीम , अजित अभ्यंकर , वसंत पवार यांनी या मोर्चाचे नेतृत्व केले
बांधकाम कामगारांसाठीचे स्वतंत्र जिल्हास्तरीय मंडळाचे गठण करुन, त्यासाठी पुरेसाआधिकारी/कर्मचारी भरावे.गृहपयोगी वस्तू खरेदीसाठीचे रु.3000/- त्वरीत द्या. स्थालांतरीत नोंदीत बांधकाम कामगारांना तात्पुरते रेशन कार्ड द्या.

· स्थालांतरीत नोंदीत बांधकाम कामगारांना लाभ देताना कागदपत्रासाठी आग्रह धरू नका.

· सर्व बांधकाम कामगारांना विनाअट अन्नसुरक्षा कायद्याअंतर्गत रेशन (धान्य) द्या.

· टॅब/लॅपटॉप जाहिर केल्याप्रमाणे विद्यार्थ्यांना ताबडतोब द्या.

· मागील वर्षातील शिष्यवृत्ती त्वरीत द्या.

· लाभामधील जाचक अटी काडून टाका.

· जनता आरोग्य विमा योजना इंश्युरन्स कंपनीला न देता, ती मंडळाने राबवावी.

· नोंदीत बांधकाम कामगारांना जनता आरोग्य विमा कार्ड कामगारांची नोंदणी झाल्यावर तात्काळ

द्या.

· घर दुरूस्ती व बांधणीचे अर्ज स्विकारून त्याची ताबडतोब पुर्तता करा.

· दिवंगत बांधकाम कामगारांच्या वारसाला कायमस्वरूपी रू.3000/-पेन्शन द्या.

· साठ वर्षावरील बांधकाम कामगाराला कायमस्वरूपी रू.5000/-पेन्शन द्या.

· बांधकाम कामगार कल्याणनिधीत साठलेले दोन हजार आठशे कोटी कामगारांसाठी खर्च करा!

· बांधकाम कामगाराच्या एका मुलीच्या लग्नाचा खर्च द्या.

· जनरल नॉलेज पुस्तिका संच कामगाराला देण्यासाठीचा वाहतूक खर्च मंडळाने करावा. अशा मागण्या यावेळी करण्यात आल्या .
यावेळी अभ्यंकर यांनी सांगितले कि महाराष्ट्र इमारत व इतर बांधकाम कामगार कल्याणकारी मंडळ, मुंबई या नावाने

बांधकाम कामगारांचे कल्याण करण्यासाठी कल्याणकारी मंडळाची स्थापना केली आहे. मंडळाकडे आज अखेर सुमारे

तीन हजार कोटी रुपये जमा आहेत. सदर मंडळाने 23 योजना जाहीर करुन कामगारांना लाभ देण्यास सुरुवात केली

आहे. परंतू या कामगारांना मंडळाचा स्वतंत्र आधिकारी/कर्मचारी वर्ग नसल्यामुळे कामगारांना त्याचा लाभ मिळत

नाही.

मे 2014 बांधकाम कामगारांसाठी गृहपयोगी वस्तू खरेदी करण्यासाठी रु.3000/- देण्याचे जाहीर केले व

कामगाराकडून विहीत नमुन्यात 2476 अर्ज भरुन दिले होते. परंतू मंडळाकडून फक्त 300 कामगारांना त्याचा लाभ

मिळाला. त्यामुळे बाकी राहिलेल्या कामगारामध्ये संभ्रमाचे वातावरण तयार झाले व संतापाची लाट तयार होऊ

घातली. त्यामुळे कामगारांच्या अग्रहाखातर आज निदर्शनाचा कार्यक्रम आयोजिक केला होता. मागील काँग्रेस आघाडी

सरकारने 6 सप्टेंबर 2013 च्या बालेवाडी, पुणे येथिल जाहिर कार्यक्रमात माजी अर्थमंत्री व उपमुख्यमंत्री अजित

पवार, माजी कामगार मंत्री हसनजी मुश्रीफ, कामगार आयुक्त गायकवाड या सर्वांनी सर्व जाहिर योजना

मिळतील अशी घोषणा केली. परंतू या घोषणा फक्त हवेतच राहतात की काय अशी शंका येत आहे. घरबांधणी व

घरदुरूस्ती ही योजना मिळणे तर लांबच राहिले, ते अर्जही आधिकारी स्विकारत नाहीत.

तसेच महाराष्ट्र इमारत व इतर बांधकाम कामगार कल्याणकारी मंडळाने जुलै 2013 अखेर नोंदणी ज्या

कामगारांची झाली आहे. त्यासाठी 2013 मध्ये 25 कोटी रुपये 2014 साठी 37 कोटी मंडळाने न्यु इंडिया अश्योरन्स

कडे भरल्याचे सांगितले. परंतू त्याचे कार्ड अद्यापपर्यंत मिळाले नाहीत. जनता आरोग्य विमा अंतर्गत बांधकाम

कामगारास व त्यांच्या कुटुंबास औषधोपचारासाठी मंडळाने 6 सप्टेबर 2013 रोजी जाहिर केल्याप्रमाणे ज्या

कामगारांना आरोग्य विमा कार्ड मिळाले आहे अशाच कामगारांना त्याचा लाभ मिळत आहे. असे कार्ड फक्त 31 डिसेंबर

2012 पुर्वी ज्यांची नोंदणी झालेली आहे. त्यांनाच आरोग्य विमा कार्ड मिळाले आहेत. त्याची मुदत जुलै 2014 ला संपत

आहे. या योजने अंतर्गत प्राथमिक उपचार मिळतील अशी घोषणा कामगार मंत्री हसन मश्रीफ यांनी 6 सप्टेंबर

2013 च्या कार्यक्रमात केली होती, परंतू न्यु इंडिया एश्योरन्स कंपनी.लि./मेडिकेअर टी.पी.ए सर्वव्हिसेस (आय) प्रा.लि.

यांनी रूग्णालयात पेशंट दाखल झाला तरच लाभ देत आहेत. 1 जानेवारी 2013 पासून नोंदणी केलेल्या कामगारांना

त्याचे लाभ मिळत नाहीत.आता असे सांगण्यात येत आहे की, जे सेवा पुस्तक (ओळखपत्र) दिले आहे. त्यावरच हा लाभ

घेता येईल. परंतू मेडिकेअर टी.पी.ए सर्वव्हिसेस (आय) प्रा.लि. यांनी रूग्णालयाची यादी दिली आहे. त्या रुग्णालयांत

कामगार पेशंट जातो, ते रुग्णालय ही योजना आमच्याकडे नाही असे सांगत आहे. ही तर कामगारांची फसवणूकच होत

आहे.

याप्रसंगी सीटूचे पुणे जिल्हा सचिव वसंत पवार यांनी मंडळाच्या कार्यपध्दतीवर खरपूस समाचार घेतला.

पुणे
ईशान्य भारतातील लेह-लढाख म्हणजे हिमालयातील पर्वतराजीने वेढलेला रम्य प्रदेश. या पर्वतराजीच्या सौंदर्याचे वर्णन जेवढे करता येईल तेवढे ते कमीच असेल. निसर्गाने जणू काही खास प्रयत्न करून या सृष्टीसौंदर्याची उधळण केली आहे असेच या पर्वतराजीकडे पाहिल्यावर वाटते. सृष्टीसौंदर्याने नटलेल्या या पर्वतरांगा छायाचित्रांच्या रूपाने प्रत्यक्ष पाहण्याची संधी पुणेकर रसिकांना चालून आली आहे. सुप्रसिद्ध छायाचित्रकार मिलिंद ढेरे यांच्या कैमेऱ्यातून टिपलेल्या या ”मिस्टिक माऊन्टन्स” च्या छायाचित्रांचे प्रदर्शन नववर्षाच्या प्रारंभीच म्हणजे दि. २ जानेवारीपासून पुण्यात आयोजित करण्यात आले आहे.
श्री मिलिंद ढेरे यांनी लेह-लढाख भागात प्रत्यक्ष जाऊन तेथील पर्वतराजींच्या ‘कुशीत’ पहुडलेल्या निसर्गाचे मनोहारी रूप आपल्या कैमेऱ्यात चित्रबद्ध केले असून त्यांच्या या छायाचित्र प्रदर्शनात विविध रंगातील पर्वतांच्या छटा पहावयास मिळतील. सूर्याची पिवळसर किरणे अंगावर झेलणारे पर्वत, धुक्याची शाल लपेटलेले पर्वत , गडद निळी दुलई परिधान केलेले पर्वत अशा विविध रंगाच्या पर्वतराजीबरोबरच सोबतीला तेथील अन्य निसर्गाची बोलकी छायाचित्रेही पहावयास मिळणार आहेत.
दि. दोन ते पाच जानेवारी दरम्यान, कोरेगाव पार्क भागातील ‘मोनालिसा कलाग्राम’ ( पिंगळे फार्म्स, साऊथ मेन रोड ) येथे भरविण्यात आलेल्या या छायाचित्र प्रदर्शनाचे उदघाटन २ जानेवारी रोजी सायंकाळी पाच वाजता पिनैकल ग्रुप, पुणे चे सीएमडी श्री गजेंद्र पवार यांच्या हस्ते होणार आहे. हे प्रदर्शन रसिकांसाठी दि. दोन ते पाच जानेवारी दरम्यान रोज सकाळी नऊ ते रात्री आठ या वेळेत पाहण्यासाठी खुले राहील.

पुणे – पुण्याचे माजी महापौर पांडुरंग दगडोबा तरवडे (वय 74) यांचे दीर्घ आजाराने मंगळवारी येथे निधन झाले. त्यांच्या मागे तीन मुलगे व दोन मुली असा परिवार आहे.
आर्थिक परिस्थिती बेताची असल्याने तरवडे यांनी लहानपणापासूनच हमालीला सुरवात केली. त्याचवेळी समाजवादी विचारांनी प्रेरित होऊन एस. एम. जोशी, नानासाहेब गोरे, भाई वैद्य यांच्या नेतृत्वाखालील समाजवादी चळवळीत त्यांनी कार्यकर्ते म्हणून काम केले. 1974 मध्ये ते नगरसेवक म्हणून निवडून आले. त्यानंतर 1979 ते 80 या वर्षात त्यांनी महापौरपद भूषविले. गरवारे भुयारी मार्ग, फरासखाना पोलिस स्टेशनचे नूतनीकरण, पर्वती जलतरण तलाव असे अनेक महत्त्वाचे प्रकल्प त्यांच्या काळात मार्गी लागले. त्यांच्याकडे सर्वपक्षीय नगरसेवकांना सोबत घेऊन काम करण्याची हातोटी होती. राजकारणाबरोबरच सामाजिक क्षेत्रात ते अप्पा म्हणूनच परिचित होते. राजकारणानंतर ते वाहतूक व्यवसायात रमले. त्यांच्या पार्थिवावर वैकुंठ स्मशानभूमीत अंत्यसंस्कार करण्यात आले.

पुणे- दुष्काळग्रस्त गावांसाठी राज्य सरकार लवकरच जलयुक्त शिवार योजना सुरु करणार असल्याची माहिती ग्रामविकास मंत्री पंकजा मुंडे यांनी दिली. आज (सोमवार) पुण्यात झालेल्या पत्रकार परिषदेत पंकजा मुंडे बोलत होत्या.

जलयुक्त शिवार योजने अंतर्गत दरवर्षी राज्यातली ५ हजार गावं निवडली जातील आणि या योजनेच्या माध्यमातून या गावांमधील दुष्काळ कायमस्वरूपी घालवण्यास राज्य सरकार प्रयत्नशील राहील, असंही पंकजा मुंडे यांनी स्पष्ट केलं आहे.

याशिवाय या योजनेला ५ हजार कोटींच्या निधीची आवश्यकता असून सध्या राज्य सरकारनं यासाठी १ हजार कोटी रूपये मंजूर केले असल्याचंही मुंडे यांनी सांगितलं.

पुणे- महिला काँग्रेसच्या प्रदेशाध्यक्षा कमल व्यवहारे यांनी लोकसभा आणि विधानसभा निवडणुकीत पक्षविरोधी कारवाया केल्या. तसेच पक्षातील महिला कार्यकर्त्यांची गळचेपी केली. त्यामुळे व्यवहारे यांना पदावरून हटवावे, अशी मागणी काँग्रेस पक्षातील महिला कार्यकर्त्यांनी पक्षाच्या अध्यक्षा सोनिया गांधी यांच्याकडे केली आहे.
यासंदर्भात पुणे महापालिका शिक्षण मंडळाच्या अध्यक्षा संगीता तिवारी, महिला आघाडीच्या शहर कार्याध्यक्षा शोभना पणीकर, उपाध्यक्ष व अन्य पदाधिकारी महिलांनी पत्रकार परिषदेत माहिती दिली.
या पदाधिकारी म्हणाल्या, लोकसभा आणि विधानसभा निवडणुकीत पुण्यामध्ये काँग्रेस पक्षाची पिछेहाट होण्यास प्रदेशाध्यक्षा कमल व्यवहारे यांची पक्षविरोधी भूमिकाही कारणीभूत आहे. पक्षाच्या उमेदवारांचा प्रचार करण्यापासून त्यांनी अनेक महिला कार्यकर्त्यांना रोखले. प्रसंगी त्यांना धमकावलेही. पुणेच नव्हे तर अन्य जिल्ह्यातही पक्षातील प्रामाणिक महिला कार्यकर्त्यांना डावलून ज्यांचा पक्षाशी संबध नाही, अशांना पदाची संधी देण्यात आली.

पुणे येथील श्री लक्ष्मी को-ऑप. बॅकेला , बँको या संस्थेच्या वतीने, तोट्यामधुन बाहेर पडून नफा कमविणारी बँक म्हणून पहिला पुरस्कार देण्यात आला असून, सदर पुरस्कार राष्ट्रीय सहकारी बँक फेडरेशनचे अध्यक्ष डॉ. श्री मुकूंद अभ्यंकर यांच्या हस्ते, लोणावळा येथील लगून रिसॉर्ट येथे देण्यात आला.

श्री लक्ष्मी को-ऑप. बँक ही गेल्या काही वर्षापासून थकबाकीमुळे तोट्यात होती. बँकेचे अध्यक्ष मा. श्री सुरेश कोते, उपादध्यक्ष श्री संजय गुगळे तसेच संचालक मंडळ व कर्मचारी वृंद यांच्या अथक परिश्रमातुन बँक तोट्यातुन बाहेर पडून सन 2013 – 2014 या आर्थिक वर्षात बँकेने रू. 1,09,85,296.41एवढा नफा कमविला आहे. यामुळे बँकेचा सर्व तोटा भरला जावून बँकेस वर्षाखेर शिल्लकनफा रू. 1,93,174/- झाला आहे.

बँकेचे अध्यक्ष श्री सुरेश कोते आणि आधारस्तंभ व जेष्ठसंचालक मा. अ‍ॅड. अभयजी छाजेड, माजी आमदार मोहन जोशी तसेच डॉ.अशोककुमार पगारिया, श्री विजयकुमार मर्लेचा व संचालक मंडळाचे उर्वरित सदस्य यांचे या कामी सहकार्य लाभलेले आहे.

यापुढे बँकेची प्रगती अधिक वेगाने होईल व लवकरच बँकेच्या ठेवी रू. 100 कोटी रूपयापर्यंत पोचवू असा विश्‍वास मा. अध्यक्ष श्री सुरेश कोते यांनी व्यक्त केला.

सदर पुरस्कार बँकेच्या वतीने अध्यक्ष श्री सुरेश कोते, डॉ. अशोककुमार पगारिया तसेच संचालक श्री नितिन ओस्तवाल, श्री नारायण गोंजारी यांनी स्विकारला.