पुणे येथील श्री लक्ष्मी को-ऑप. बॅकेला , बँको या संस्थेच्या वतीने, तोट्यामधुन बाहेर पडून नफा कमविणारी बँक म्हणून पहिला पुरस्कार देण्यात आला असून, सदर पुरस्कार राष्ट्रीय सहकारी बँक फेडरेशनचे अध्यक्ष डॉ. श्री मुकूंद अभ्यंकर यांच्या हस्ते, लोणावळा येथील लगून रिसॉर्ट येथे देण्यात आला.
श्री लक्ष्मी को-ऑप. बँक ही गेल्या काही वर्षापासून थकबाकीमुळे तोट्यात होती. बँकेचे अध्यक्ष मा. श्री सुरेश कोते, उपादध्यक्ष श्री संजय गुगळे तसेच संचालक मंडळ व कर्मचारी वृंद यांच्या अथक परिश्रमातुन बँक तोट्यातुन बाहेर पडून सन 2013 – 2014 या आर्थिक वर्षात बँकेने रू. 1,09,85,296.41एवढा नफा कमविला आहे. यामुळे बँकेचा सर्व तोटा भरला जावून बँकेस वर्षाखेर शिल्लकनफा रू. 1,93,174/- झाला आहे.
बँकेचे अध्यक्ष श्री सुरेश कोते आणि आधारस्तंभ व जेष्ठसंचालक मा. अॅड. अभयजी छाजेड, माजी आमदार मोहन जोशी तसेच डॉ.अशोककुमार पगारिया, श्री विजयकुमार मर्लेचा व संचालक मंडळाचे उर्वरित सदस्य यांचे या कामी सहकार्य लाभलेले आहे.
यापुढे बँकेची प्रगती अधिक वेगाने होईल व लवकरच बँकेच्या ठेवी रू. 100 कोटी रूपयापर्यंत पोचवू असा विश्वास मा. अध्यक्ष श्री सुरेश कोते यांनी व्यक्त केला.
सदर पुरस्कार बँकेच्या वतीने अध्यक्ष श्री सुरेश कोते, डॉ. अशोककुमार पगारिया तसेच संचालक श्री नितिन ओस्तवाल, श्री नारायण गोंजारी यांनी स्विकारला.