पुणे- रवींद्र धंगेकर हे मुरलीधर मोहोळ यांच्यावर टीका करताना काही थांबताना दिसत नाहीत.जैन बोर्डिंगच्या जागे संदर्भात धंगेकर यांनी मोहोळ यांच्यावरील आरोपांची मालिका सुरूच ठेवली आहे.एकीकडे आपल्या X म्हणजे ट्वीटर हँडलावरून त्यांनी पोस्टर बदलून केवळ सत्यमेव जयते आणि पुणेकर फर्स्ट अशा शब्दांचे नवे पोस्टर ठेवले आणि आज मध्यरात्री पुण्याचे माजी महापौर असलेल्या आणि सध्या पुण्याचे खासदार,केंद्रीय राज्यमंत्री असलेल्या मुरलीधर मोहोळ यांच्यावर नवे जोरदार टीकास्त्र सोडले आहे.अद्याप पावेतो मोहोळ यांची स्पष्टीकरणे धंगेकर यांच्या टीकास्त्रांपुढे फिकी पडत असल्याचे दिसत असताना आता या नव्या टीकास्त्राने मोहोळ हे आणखी पेचात पडू शकतील अशी स्थिती आहे. महापौरपद व केंद्रीय मंत्री पदाचा गैरवापर करत मनी लॉन्ड्रींग चा प्रकार त्यामुळेच मोहोळांची संपत्ती तब्बल चारशे पटीने वाढली,बढेकर बिल्डर नावापुरतेच आहेत.बढेकर कंपनीत दमदाट्या करतच त्यांनी पार्टनरशिप मिळविली होती.महापौर असताना ते बढेकर यांचीच मोटार वापरत होते.आणि विशेष म्हणजे महापौर असताना पदाचा गैरवापर करून कोथरूड मध्ये मोठ्या प्रमाणात सोसायट्यांचे पुनर्विकास प्रकल्प बढेकर बिल्डरला दिले गेले.वेताळ टेकडी येथे टनेल,HCMTR रस्ता आणि बालभारती ते पौड फाटा लिंक रोड हा प्रोजेक्ट आणण्यासाठी त्यांनी हजारो पर्यावरणवाद्यांचा विरोध पत्करला. तो हे सर्व ते ट्राफिक कोंडीतून मुक्तता व्हावी यासाठी नाही तर गोखले,बढेकर आणि आणखी तीन बिल्डर यांच्या जमिनी या भागात आहेत. वेताळ टेकडी परिसरात या बिल्डरांना प्रोजेक्ट करता यावेत,यासाठी त्यांनी हा घाट घातला आहे.असाही आरोप आता धंगेकर यांनी केल्याने याची स्पष्ट उत्तरे मोहोळ देतात कि राजीनामा घेऊन त्यांचा पक्ष त्यांच्यावर ED चौकशी सुरु करतो हे पाहणे धंगेकर यांना महत्वाचे वाटते आहे.

धंगेकर यांनी आपल्या ट्वीट मध्ये नेमके काय म्हटले आहे ते वाचा जसेच्या तसे …

पुणे शहराचे खासदार व केंद्रीय राज्यमंत्री मुरलीधर मोहोळ यांचा जैन होस्टेल खरेदी प्रकरणात सहभाग असल्याचे अनेक पुरावे पुणेकरांनी गेल्या काही दिवसात पाहिले आहेत.परंतु तरी देखील ते या सर्व गोष्टी योगायोग असलेले सांगतात. मी आपणास काही माहिती देऊ इच्छितो,मोहोळ हे खासदार होण्याच्या अगोदर पुण्यनगरीचे महापौर होते.हे महापौर असताना पुणे महानगरपालिकेची अधिकृत शासकीय पाटी लावून महापौर पांढऱ्या रंगाची इनोव्हा क्रिस्टा वापरायचे.त्या गाडीचा नंबर होता Mh12 SW 0909 ही गाडी ना मोहोळ यांची होती ना पुणे महानगरपालिकेचे शासकीय वाहन. ही गाडी होती कोथरूडच्या बढेकर बिल्डरची. हे तेच बिल्डर आहे ज्यांनी जैन होस्टेल खरेदी करण्यासाठी दोन नंबरचा लिलाव लावला आणि हे देखील पुन्हा मुरलीधर मोहोळ यांचे पार्टनर….पुणे महानगरपालिकेत महापौर हे संविधानिक पद सांभाळत असताना एका खाजगी व्यावसायिकाचे वाहन वापरणे हे महापौरांच्या नीतिमत्तेला धरून आहे का..? साडेनऊ हजार कोटींचे बजेट असलेल्या महापालिकेला महापौरांसाठी साधी गाडी घेता नाही आली का..? या बिल्डरची गाडी वापरत असताना महापौर पदाचा वापर करून संबंधित बिल्डरला फायदा होतील असे किती प्रकल्प मंजूर करून देण्यात आले..? विशेषतः कोथरूड भागात मोठ्या प्रमाणात सोसायटीचे पुनर्विकास प्रकल्प बढेकर बिल्डरला देण्यात आलेले आहेत. – वेताळ टेकडी येथे टनेल,HCMTR रस्ता आणि बालभारती ते पौड फाटा लिंक रोड हा प्रोजेक्ट आणण्यासाठी माननीय इतके अतिउत्साही आहेत की, त्यांनी हजारो पर्यावरणवाद्यांचा विरोध पत्करला. तुम्हाला वाटेल की हे सर्व ते ट्राफिक कोंडीतून मुक्तता व्हावी यासाठी करत आहेत. परंतु नाही गोखले, बढेकर आणि आणखी तीन बिल्डर यांच्या जमिनी या भागात आहेत. वेताळ टेकडी परिसरात या बिल्डरांना प्रोजेक्ट करता यावेत ,यासाठी त्यांनी हा घाट घातला आहे. अर्थात बिल्डर नावाला असतात हेच मालक असतात. आता हे शपथ पत्रात लीगल बिल्डर पार्टनरशिप दाखवतात तर अनधिकृत किती पार्टनरशिप असतील..? याचा विचार न केलेला बरा. – या बढेकर बिल्डरचे मागच्या ५ वर्षातले बॅलन्सशीट काढले तर लक्षात येईल की यांनी किती कोटीच्या कोटी उड्डाणे सहज गाठली आहेत. अर्थात महापौरपद व केंद्रीय मंत्री पदाचा गैरवापर करत मनी लॉन्ड्रींग चा प्रकार या कंपनीतद्वारे केल्याचे लक्षात येईल. त्यामुळेच माननीयांची संपत्ती तब्बल चारशे पटीने वाढली आहे. – खरंतर या बढेकर बिल्डर सोबत पार्टनरशिप ही दमदाट्या करूनच करण्यात आली होती. अगोदर दमदाट्या केल्या.त्या बिल्डरने वैतागून गुन्हा दाखल केला आणि मग महापौरांचा मोबाईल हॅक झाल्याचा कांगावा केला. आता बढेकर कंपनीत केवळ नावाला उरले आहेत. परंतु माननीय म्हणतील की,आता मी राजीनामा दिला आहे आणि बढेकर बिल्डरचे नाव जैन बोर्डिंग प्रकरणात येणं हा निव्वळ योगायोग आहे.यांच्या अनेक प्रतापाकडे मी सुरुवातीला दुर्लक्ष केलं परंतु ज्या दिवशी यांनी जैन मंदिराच्या विषयात अतिशय चुकीच्या पद्धतीने जागा लुटली तेव्हा मला हे प्रकरण लावून धरावं असं वाटले. या प्रकरणात वेगवेगळे खुलासे आणि पुरावे देत असताना त्याची निपक्ष:पातीपणे चौकशी झाली पाहिजे. आपल्या देशात अनेक तपास यंत्रणा आहे त्यांनी या सगळ्या गोष्टींचा तपास केला पाहिजे तर पुणेकरांची झालेली फसवणूक लुटमार लोकांच्या समोर येईल. एक गोष्ट मी निश्चितपणाने सांगू इच्छितो, या पुण्यनगरीच्या विकासात आजवर अनेक महापौरांनी योगदान दिले परंतु यात अतिशय विक्रमी भ्रष्ट कारकीर्द राहिली ती विद्यमान खासदारांची. कुठल्याही कामाचे एक वर्षाचे टेंडर देण्याची पूर्वापार पद्धत बदलत 5/10/15/20 वर्षांचे टेंडर देण्यात आले. यामुळे महापालिकेची अतिशय दुरावस्था झाली ती यांच्या काळातच. असो…… जैन बोर्डींग प्रकरणी व्यवहार रद्द झाला पाहिजे आणि ही जमीन लुटणाऱ्या प्रत्येकावर गुन्हा दाखल झाला पाहिजे.

पुणे- अड्ड्यावाले आणि गुत्त्यावाल्यांचा पक्ष होत चाललाय तर पक्षातील प्रामाणिक कार्यकर्त्यांना हे माहिती आहे त्यांना वाटतेय हे बंद झालं पाहिजे. माझा राग विकृतीवर आहे, मोहोळांवर नाही . महानगरपालिकेत टेंडरमध्ये विकृती, शासनाच्या टेंडरमध्ये ही विकृती मेट्रोच्या टेंडरमध्ये ही विकृती आहे. ह्याचा जर तपास केला तर तुम्ही हिशोब लावला तर चक्कर येईल तुम्हाला अशा वाक्यात एकनाथ शिंदे यांच्या शिवसेनेचे नेते रवींद्र धंगेकर यांनी प्रतिटोला लगावला आहे.

एका वृत्तपत्राच्या डिजिटल वाहिनीला दिलेल्या मुलाखतीत धंगेकर यांनी भाजपमधील अनेक जण अशा घोटाळेबाज तथाकथित नेत्यांवर नाराज आहेत असा सूर आवळला आहे ते म्हणाले ,’ माझी सातत्याने भूमिका ही असेल की अशा विकृतीच्या विरुद्ध लढणं. आणि जे पुणेकरांच्या हिताचे पुणेकरांसाठी पोषक आहे. याच्यासाठी सातत्याने मी बोलत राहिल. गुन्हेगारी जी पुण्यात चालली आहे त्यावर बोलेल अहो सातशे टोळ्या पुणे शहरामध्ये काम करतात. आणि त्या पुणेकरांना किती त्रास देतात . आमच्या माता भगिनींचे कुंकू पुसले जातं व पादचार्‍यांना सुद्धा मारतात . त्यातच आता म्हणजे अशी पद्धत जर या पुण्यनगरीत असेल आणि असे लोक सत्तेच्या आजूबाजूला घुटमळत असेल तर त्याच्यावर बोलणं गैर नाही. मला वाटतं की मी काही कोणाच्या पक्षावर बोलत नाही हा सगळ्यांचा गैरसमज आहे. मी विकृती वर बोलतोय आणि पुणे शहरामध्ये ते अड्ड्यावाले गुत्त्यावाले जे एकत्र आलेत आणि ह्या पक्षाला हायजैक करून बिल्डर लॉबीच्या हातात हात घालून ज्या पद्धतीने पुणे लुटण्याचा प्रयत्न करतात त्याच्यावर बोलणे गैर नाही. आणि माझी देवेंद्र फडणीस साहेबांना विनंती आहे की जैन बोर्डींग आणि महावीरांची मंदिर ह्याच्यावर ज्या पध्दतीनं काम करून ही जमीन हस्तगत करण्याचा प्रयत्न केला. बँक असेन, धर्मादाय आयुक्त असतील, महानगरपालिका असेल यांची सखोल चौकशी करून त्यांच्यावर गुन्हे दाखल केले पाहिजेत. ह्या सगळ्यांना जेलमध्ये टाकल्याशिवाय आम्ही गप्प बसणार नाही. शेवटी लोकशाही मध्ये लढणं हे आपलं लढणं आपल्या रक्तात आहे.
त्यांचाही पक्षातील अनेकांना वाटतंय की हे धंगेकर बोलतायत ते बरोबर आहे.पण ते बोलत नाही. त्यांना माहितीये की अड्ड्यावाले आणि गुत्त्यावाल्यांचा पक्ष होत चाललाय तर हे बंद झाले पाहिजे. मी ही त्यांच्या मताचा आहे. फक्त ते बोलत नाही एवढंच .
मी टीकेला घाबरत नाही. पण जर महावीरांचे देऊळ जर गहाण ठेवलं असेल तर मी बोलायचा नाही का? कोणी जर जगातला असा माणूस आला आणि म्हणला महावीरांचे देऊळ गहाण ठेवलं ,हे तुम्ही बोलताय ते चुकीचं आहे तर मी माझं तोंड तातडीने बंद करे,न कुठलाही भारतीय जनता पार्टीचा शेवटचा कार्यकर्ता येऊ द्यात आणि सांगू द्यात . फक्त त्यांनी सांगितलं पाहिजे.
अड्ड्यावाले आणि गुत्त्यावाले पुणेकरांना लुटत आहेत. दिवसाढवळ्या दरोडे टाकताहेत हे काही एक प्रकरण नाही. अनेक प्रकरणे आहेत याच्यावर मी बोलणार आहे. पण ही अनेक प्रकरणे आहेत. कालच एका जैन समाजाच्या एका व्यापार्‍याने टाकलं की माझं दोन हजार वीस साली माझे बांधकाम बंद पाडले. काहीच चूक नसताना बंद पाडले तो किती तळमळत असेल. हे लोक तळमळत आहेत. जिथं बघावं तिथं ही हीच विकृती. महानगरपालीका टेंडर मध्ये ही विकृती. शासनाच्या टेंडर मध्ये ही विकृती मेट्रोच्या टेंडर मध्ये ही विकृती . यांचा जर तपास केला तर तुम्ही चक्कर येऊन पडाल. जिथे जाल तिथे लुटायचे आणि खायचं लुटायचे आणि खायचे लुटायचे आणि यांच्या या पद्धतीवर जर बोललो नाही तर पुढची पिढी आपल्याला माफ करेल का?
अहो जैन समाजाच्या ट्रस्टच्या जागेचे ज्या पद्धतीने हे सगळ मॅनेज झालेलं टेंडर आहे त्याच्यामध्ये बडेकर बिल्डर कसा काय आला? योगायोगाने आला ? मेरीट कम्पनी योगायोगाने आली? आयुक्त महानगरपालीका योगायोगाने आलेत? अहो हे सगळे ठरून आले. रेशनकार्ड काढायला दोन वर्ष लागतात यांना. आपण दहा दिवसात सगळं प्लॅन पास सगळं लोन बिन पास . आता लोन कसं काय दिलं? ह्या बँकेची चौकशी केली पाहिजेच . सत्तर सत्तर कोटी एका दिवसात देणार कुठली बँक?
शिवसेना नेते एकनाथ शिंदे यांच्यावर माझा विश्वास आहे . चुकीच्या बातम्या काही प्रसारमाध्यमांना पुरवण्याची काही एक टीम ही माझ्या मागे लागली तर ह्यात खरे काय नाय. शिंदे साहेबांवर माझा विश्वास आहे. ते कार्यकर्त्याच्या पाठिशी राहतील. कुठल्याही पद्धतीची त्यांनी मला नोटीस दिलेली नाही किंवा कुठला फोन नाही. मी जर चुकीचं वाटलो, मला कुणी सांगावं? माझ्या नेत्याने सांगितलं तर प्रश्नच नाही.

भाजपच्या कार्यकर्त्यांनी माझी तक्रार केली पाहिजे. पण त्या विकृतीने नाही . प्रदीप रावत यांनी माझ्यावर तक्रार केली पाहिजे. कारण त्यांनी स्वच्छ मनाचे खासदार अशी त्यांची प्रतिमा मी पाहिली आहे. अत्यंत प्रामाणिक अशा लोकांनी केली तक्रार तर मला वाटतं देवेंद्र फडणवीस ऐकतील. पण जे अड्ड्यावाले गुत्त्या वाले तक्रार करत असतील तर .. तर देवेंद्र फडणवीस हे हुशार आहेत. ते काय त्यांची दखल घेतील असं मला वाटत नाही.

लढणाऱ्या कार्यकर्त्याच्या मागे शिवसेना उभी राहते. माझं चुकीचं असेल तर मला भाजपच्या कुठल्याही लोकांनी येऊन सांगायचं माझं चुकलं. पण माझी तुमच्या माध्यमातून विनंती करतो आमचा महावीर तुम्ही गहाण ठेवलाय. आमचं जैन बोर्डिंग युवक जे गोरगरीब युवक महाराष्ट्रात येऊन शिकतात, मोठी जातात. विद्येचं माहेरघर अनेक संस्था या पुणे शहरात आहेत. जगामधील विद्यार्थी इथे येऊन शिकायला येतात. तुम्ही त्यांच्यावर संस्कार करताय. थोडी जनाची नाही मनाची. तुम्हाला लोकप्रतिनिधी केलंय.

आमची भूमिका आहे की जैन ट्रस्टच्या जागेचा हा सगळा प्रोजेक्ट शासनाने हातात घेतला पाहिजे. ह्याच्यामध्ये भगवान महावीरांचे देऊळ दिमाखदारपणे बांधलं पाहिजे. हजारो विद्यार्थ्यांना तिथे शिकण्याची व्यवस्था केली पाहिजे. त्याचा सगळा खर्च शासनाने करावा. आणि जैन धर्माच्या लोकांच्या हातात ते द्यावं. योग्य लोकांच्या हातात देऊन तो दिमाखदारपणे ते उभं रहावं.

मी सांगतो, मी परत एकदा म्हणालो की प्रदीप रावत सारखे नेते आहेत. विजय काळे सारखे नेते आहेत. त्यांनी जर मला बोलवलं. त्यांनी नुसता फोन केला तर त्यांच्या दारात मी स्वतः जाऊन उभा राहील. पण मला ती विकृती वाल्यांनी बोलावलं तर मी कसा जाईन?
विकृतीवाल्याला फोन करायचा कसा? मला विजय काळेंनी केला पाहिजे. तेव्हा आमचे नेते प्रदीप रावत, अनिल शिरोळे यांनी बोलावलं तरी जाणार मी, अहो यांनी मोठी कामं केलीत. अनिल शिरोळे साहेबांना मी जवळून बघितलं. महानगरपालिकेत ज्या ज्या वेळेला त्यांना जर चुकीचं वाटत होतं तर पक्षाच्या विरोधात जाऊन भूमिका मांडताना मी त्यांना पाहिलंय. त्यांनी आणि रावत यांनी पक्षाच्या बाजू न पाहता जनतेच्या बाजूने शहराच्या हिताचे काम केलं. त्यांनी बोलावलं तर नक्कीच जाईन. पण मला कुणी एखाद्या घोटाळेबाजाने बोलावलं तर मी कसा जाईन?असेही धंगेकर यांनी म्हणत पुन्हा पुन्हा दंड थोपटणे सुरूच ठेवले आहे.

व्हिडीओ प्रसारित होताच मोहोळ समर्थक चाहते अभिनेते खवळले आणि सुरु झाले कमेंट वॉर

पुणे- जैन होस्टेल आणि जैन मंदिर जमीन खरेदीचा वाद जैन मुनी आणि समाजाच्या मोर्चाने सामाजिक विषय बनविलेला असताना आता त्यानंतर केंद्रीय मंत्री मुरलीधर मोहोळ आणि महापालिकेतील माजी सभागृहनेते श्रीनाथ भिमाले यांचे नाव घेत,ज्यांनी भाजपाला भरभरून मते दिली त्या जैन समाजाच्या पाठीत खंजीर खुपसला, यांनी जैन समाजाला त्रास दिला असा स्पष्ट आरोप करणारा व्हिडीओ जैन समाजातील ख्यातनाम चित्रपट निर्माते आणि बांधकाम व्यावसायिक निलेश नवलाखा यांनी काल सोशल मिडीयात प्रसारित केला आहे. यामुळे भाजपच्या वर्तुळात देखील खळबळ उडाली आहे.एकामागे एक आता ‘व्हिक्टिम’ पुढे येतात कि काय ? असे वातावरण निर्माण होऊ पाहते आहे. कृतघ्न नेते म्हणत याचा धडा त्यांना शिकवावाच असेही या व्हिडीओत नवलाखा यांनी म्हटले आहे. तथापि मराठी चित्रपट सृष्टीतील कोथरूडच्या एका अभिनेता असलेल्या त्यांच्या चाहत्याने या व्हिडीओवर कमेंट बॉक्स मधून जोरदार प्रहार करत मोहोळ हे आपले मित्र असल्याचे सांगत त्यांची बाजू मांडायला काल सुरुवात केली.नवलाखा यांच्यावर बेकायदा बांधकामे आणि शेतकऱ्यांना फसविल्याचे आरोप काहींनी केले आहेत तसेच काहींनी नवलाखा यांना ट्रोल करण्याचे काम ही कमेंट पाहता दिसून आले.दरम्यान यावरही नवलाखा यांनी संबधित अभिनेत्याला मोहोळ यांचे लाळघोटे म्हणत धमक्या देणे बंद करा,ढोस देऊ नका,जैन आहोत म्हणून घाबरणार नाही असेही सुनावले आहे. तर नंतर पुन्हा याच व्हिडीओ रीपोस्ट करत यावरून थेट नवलाखा यांनी मुरलीधर मोहोळ यांनाच उद्देशून असे म्हटले आहे कि,’ माझ्या ह्या पोस्टवर खासदार मुरलीधर मोहोळ यांचे कार्यकर्ते मला जेल मधे टाकण्याची धमकी देत आहेत,माझ्यावर defamation चा गुन्हा नोंदवण्याची भाषा करत आहेत. जर Murlidhar Mohol यांना अशी भाषा आणि जैन समाजाच्या एका व्यक्तीला आणि मराठी चित्रपट निर्मात्याला ज्यांनी एक नाही मराठी सिनेमा चे तीन राष्ट्रीय पारितोषिक मराठी सिनेमा साठी घेतले आहे अशा माणसाला जर तुमचे लोकं धमकावत असतील तर तुम्हीच हे कृत्य करायला लावले आहे असे समजण्यात येईल नाहीतर त्वरित तुमच्या लोकांना समज द्या आणि ढोस धमक्या बंद करा.

काय म्हटले आहे नवलाखा यांनी या व्हिडीओत ते वाचा जसेच्या तसे….
नमस्कार जय नरेंद्र मी निलेश नवलाखा आपल्याला माहीतच आहे की मी चित्रपट निर्माता आहे, अॅक्टीव्हिस्ट आहे आणि बांधकाम व्यावसायिक सुद्धा आहे. मी आज आपल्या बरोबर बोलतो आहे तो जैन हॉस्टेल या विषयावर आणि खास करून त्यात पुण्याचे खासदार मुरलीधर मोहोळ यांचे नाव आल्या मुळे मी तुमच्या बरोबर हा संवाद साधतो आहे. त्याचं कारण असं आहे की मी स्वतः मुरलीधर मोहोळ यांच्या कुत्याचा एक व्हिक्टिम आहे.२०२० साली पुण्याचे महापौर असताना माझं कायदेशीर बांधकाम मुरलीधर मोहोळ यांनी दबाव टाकून बंद पाडला. आज दोन हजार पंचवीस आहे. तरीसुद्धा माझं ते बांधकाम बंद पडलेलं आहे. त्यांच्यामुळे मला अतोनात नुकसान झाले आहे. पण मला अस वाटलं की हा एक अपवाद असेल. निलेश नवलाखा किंवा एका जैन व्यावसायिकाला त्रास देणे हा अपवाद असेल असे मला वाटत होते. पण जेव्हा हे जैन हॉस्टेल चा विषय रवींद्र धंगेकर यांनी मांडला आणि उचलून धरला त्यावेळी माझ्या लक्षात आलं की मुरलीधर मोहोळ हे कदाचित Habitual offender आहेत की काय? कारण जैन हॉस्टेल मध्ये जमिनीचा व्यवहार केला. तो एक भाग आहे. परंतु सर्वात जास्त लज्जास्पद गोष्ट ही आहे की तिथे असलेले जैन मंदिर हे सुद्धा गहाण ठेवलं व्यवसायासाठी. असा निर्लज्जपणाचा कळस याआधी कुठल्याही राज्यकर्त्यांनी केला नव्हता.कुठल्याही खासदारांनी केला नव्हता. त्यामुळे मला असं वाटलं की यावर मी पण माझं मत व्यक्त करावं. माजी आमदार रवींद्र धंगेकर यांनी जे काही मुद्दे मांडलेले आहेत ते अतिशय योग्य कायदेशीर व बरोबर आहेत. माजी आमदार रवींद्र धंगेकर यांना उत्तर देताना श्रीनाथ भिमाले यांनी अतिशय खालच्या खालच्या पातळीवर जाऊन त्यांच्यावर जी काही भाषेचा वापर केला तो अतिशय चुकीचा व निषेधार्ह आहे. आपल्याला माहीतच आहे, जे श्रीनाथ भिमाले आहेत त्यांनी काय काय प्रताप सॅलिसबरी पार्क मध्ये केले आहे. किती जैनांना त्रास तिथे दिला आहे? किती त्यांचे शेकडो तक्रारी तुम्हाला ऐकायला मिळतात. मिळत नाही. परंतु ते भाजपचे नेते आहेत. मुरलीधर मोहोळ सुद्धा हे भाजपचे नेते आहेत. आज कुणीही त्यांना काही बोललं की ते देशद्रोही होतात. त्यांच्यावर आरोप लावले जातात. त्यांना त्रास दिला जातो. लोक बोलत नाही. पण मला असं वाटलं या प्रकरणात मी बोललं पाहिजे. जे काही मुद्दे आहेत. रवींद्र धंगेकरांनी मांडलेल्या आहेत. माझे त्याला समर्थन आहे आणि जे काही गोष्टी या भाजपच्या नेत्यांनी हितं चालू आहे त्या भाजपला जैन समाजाने भरभरुन मतदान केलं आहे. ते मला जिथे राहतात सॅलिसबरी पार्क असो किंवा पर्वती असो किंवा पुणे असो, पर्वती मध्ये एक लाख जैन लोक राहतात आणि भरभरून मते यांना देतात.मला असं वाटतं की भाजपचे काही नेते कृतघ्न झालेले आहेत आणि त्यांनी जैन समाजाच्याच पाठीत खंजीर खुपसला आहे आणि याचा धडा त्यांना शिकवावा लागेल. माझे समर्थन रवी धंगेकरांना आहे आणि मी मुरली मोहोळ असो. भिमाले असो. यांचा निषेध करतो. जय हिंद जय महाराष्ट्र.