सरकारने थकविले होते २ कोटी रुपये -मुलांना ओलिस ठेवणारा रोहित आर्य पुण्याचा रहिवासी असल्याचेही समोर आले आहे. दीपक केसरकर मंत्री असताना शिक्षण विभागाशी संबंधित एका शाळेच्या कामासाठी त्याला टेंडर मिळाले होते. पण त्या कामाचे पैसे अद्याप मिळाले नाहीत असा आरोप रोहित आर्यने केला. केसरकर मंत्री असताना रोहित आर्यने अनेकदा त्यांच्या निवासस्थानाबाहेर आंदोलन केले होते, अशीही माहिती समोर येत आहे.

मुंबई- माझी शाळा सुंदर शाळा योजनेत रोहित आर्य सहभागी होते. तसेच रोहित आर्यला मी शिक्षणमंत्री असताना स्वतः चेकने पैसे दिले असल्याची माहिती शिवसेना नेते व माजी मंत्री दीपक केसरकर यांनी एका वृत्तवाहिनीला बोलताना दिली आहे. इतकेच नव्हे तर पीएलएस प्रकल्पासाठी रोहित आर्यचे पंतप्रधान नरेंद्र मोदींनी देखील कौतुक केले असल्याची माहिती समोर आली आहे. मुंबई येथे आरए स्टुडिओमध्ये रोहित आर्यने काही मुलांना बंधक बनवून ठेवले होते. त्यानंतर पवई पोलिसांनी तात्काळ कारवाई करत या मुलांना सुखरूप बाहेर काढण्यात आले आहे. या घटनेनंतर रोहित आर्यच्या बद्दल दीपक केसरकर यांनी एका वृत्तवाहिनीला माहिती दिली आहे.

रोहित आर्यने दीपक केसरकर शालेय शिक्षण मंत्री असताना त्यांच्या निवासस्थानाबाहेर उपोषण देखील केले होते. तसेच सरकारने पीएलसी स्वच्छता मॉनिटर प्रकल्पाचे 2 कोटी रुपये थकवल्याचा आरोप रोहित आर्यने केला होता. दीपक केसरकर या संदर्भात बोलताना ते म्हणाले, रोहित आर्य माझी शाळा सुंदर शाळा योजना चालवत होते. त्यांनी काही मुलांकडून वसुली देखील केली असल्याची माहिती डिपार्टमेंटकडून समजले होते. त्यांचे म्हणणे होते की आपण असे काही फी वसूल केलेली नाही. पण अशा पद्धतीने मुलांना ओलिस ठेवणे चुकीचे आहे.

पुढे बोलताना दीपक केसरकर म्हणाले, मी जेव्हा शिक्षण मंत्री होतो तेव्हा मी स्वतः त्यांना चेकने पैसे दिले होते. सरकारचे जे पेमेंट असते त्यासाठी सगळ्या प्रोसेस पूर्ण कराव्याच लागतात. त्यामुळे त्यांचा जो आरोप आहे की 2 कोटी रुपये मला मिळाले नाही हे योग्य वाटत नाही. यासाठी त्यांनी विभागाशी संपर्क साधावा आणि यासाठीचे डॉक्युमेंट सादर करावे. तसेच रोहित आर्य विक्षिप्त वाटत होता का? असा प्रश्न विचारला असता केसरकर म्हणाले, ते कोणाचे ऐकत नव्हते, असे मी म्हणेल. बाकी कोणावर पर्सनल कमेन्ट करणे योग्य नाही.

पीएलसी प्रकल्पांतर्गत पंतप्रधान नरेंद्र मोदी यांनी देखील रोहित आर्यचे कौतुक केल्याची माहिती आहे. त्यानंतरच हा प्रकल्प राज्यात चालू झाला अशी माहिती देखील समोर आली आहे. पण या प्रकल्पाच्या फक्त कन्सेप्ट साठी सरकार पैसे देत नसते, असे दीपक केसरकर यांनी म्हटले आहे. तसेच रोहित आर्यचा असा देखील आरोप होता की चुकीच्या शाळांना चांगले गुण देण्यात आले होते. याविषयी बोलताना केसरकर म्हणाले, त्यांनी उपोषण केले होते आणि मी यापूर्वी देखील सांगितले होते की व्यक्तिगत सहानुभूती म्हणून मी त्यांना पैसे दिले होते. पण नियमाचे पालन करावेच लागते. अशा पद्धतीने मुलांना डांबून ठेऊन असे काही करणे योग्य नाही, असेही दीपक केसरकर यांनी स्पष्ट केले आहे.

मुंबईतील पवई परिसरातील रा स्टुडिओमध्ये गुरुवारी दुपारी १:४५ वाजता युट्यूबर रोहित आर्यने १७ मुले, एका ज्येष्ठ नागरिक आणि एका नागरिकाला ओलीस ठेवले होते. पोलिस आणि विशेष कमांडोंनी त्याला गोळ्या घालून सर्व ओलीसांना सुरक्षितपणे वाचवले. या गोळीबारात आरोपी जखमी झाला होता. त्याला उपचारासाठी रुग्णालयात दाखल करण्यात आले. उपचारादरम्यान त्याचा मृत्यू झाला.पोलिसांची ही कारवाई एक तास चालली. घटनास्थळावरून एअर गन आणि रसायने जप्त करण्यात आली. तथापि, आरोपी रोहित आर्यचा हेतू अद्याप अज्ञात आहे. पोलिसांच्या म्हणण्यानुसार, आरोपीने १०० हून अधिक मुलांना ऑडिशन्ससाठी बोलावले होते.

मुंबई: पवईतील एआर स्टुडिओमध्ये रोहित आर्यनं १७ मुलांना ओलीस ठेवलं होतं.या ओलीसनाट्य प्रकरणातील आरोपी रोहित आर्यचा मृत्यू झाला आहे. ओलीस ठेवलेल्या मुलांची सुटका करण्यासाठी पोलीस तिथे पोहोचले. त्यावेळी रोहितनं पोलिसांवर गोळीबार केला. प्रत्युत्तरादाखल पोलिसांनीदेखील गोळीबार केला. त्यात रोहितच्या छातीच्या डाव्या बाजूला गोळी लागली. त्यामुळे रोहित जखमी झाला. त्यानंतर त्याला रुग्णालयात दाखल झालं. उपचारादरम्यान त्याचा मृत्यू झाला.

रोहितनं एक व्हिडीओ जारी केला होता. त्यात त्यानं आग लावण्याची धमकी दिली होती. मुलांना ओलीस ठेवण्यात आल्याचं समजताच पोलीस घटनास्थळी पोहोचले. त्यांनी तातडीनं हालचाली सुरु केल्या. इमारतीच्या मागील बाजूनं पोलिसांनी आत प्रवेश केला. पोलीस सुत्रांनी दिलेल्या माहितीनुसार, रोहित आर्यनं मुलांवर हल्ला करण्याचा प्रयत्न केला. त्यानं पोलिसांवर गोळीबार केला. त्यामुळे प्रत्युत्तरादाखल पोलिसांनीही गोळीबार सुरु केला. या गोळीबारात रोहित जखमी झाला. त्याच्या छातीच्या डाव्या बाजूला गोळी लागली. त्याला रुग्णालयात उपचारांसाठी दाखल करण्यात आलं होतं. पण त्याचा मृत्यू झाला. पवई पोलीस स्टेशनमध्ये कार्यरत सहाय्यक पोलीस निरीक्षक अमोल वाघमारे यांनी किडनॅपर रोहित आर्यवर गोळीबार केला होता.

सध्या शाळेला दिवाळीच्या सुट्ट्या असल्याने पालक आपल्या मुलांना वेगवेगळ्या कोर्सेसला किंवा इतर अॅक्टीव्हीसाठी गुंतवून ठेवत आहेत. त्यातच, मुंबईच्या पवई येथील RA स्टुडिओत काही शाळकरी मुले गेल्या 4-5 दिवसांपासून प्रशिक्षणसाठी येत होती. मात्र, ऑडिशनच्या नावाखाली येथील स्टुडिओत किडनॅपरने शाळकरी मुलांना डांबून ठेवल्याचा धक्कादायक प्रकार उघडकीस आल्याने खळबळ उडाली. या घटनेनं मुलांच्या पालकांमध्ये भीतीचे वातावरण निर्माण झाले होते. घटनेची माहिती मिळताच पोलीस आणि अग्निशमन दलाच्या जवानांनी घटनास्थळी धाव घेतली. ऑडिशनसाठी आलेल्या मुलांना दुपारी 2 वाजताच्या सुमारास जेवणासाठी सोडण्यात आल्यानंतर रोहित आर्य या व्यक्तीने मुलांना एका खोलीत कोंडून ओलीस ठेवले.

रोहित आर्य असं मुलांना ओलीस ठेवलेल्या आरोपीचं नाव असून माझ्या काही मागण्या आहेत. मी आत्महत्या करण्याऐवजी या मुलांना बंदी बनवलं आहे, असं रोहित आर्यने व्हिडिओच्या माध्यमातून म्हटलं आहे. मी दहशतवादी नाही, माझ्या काही साध्या मागण्या आहेत. मला संवाद साधायचा आहे, काही बोलायचं आहे, मला काही लोकांशी बोलायचं आहे, त्यांना प्रश्न विचारायचे आहेत असं रोहित आर्यने म्हटलं आहे.

मी दहशतवादी नाही. माझी पैशाची मागणी केलेली नाही. अनेक प्रयत्न झाले. अनेकांना अनेकवेळा भेटून झाले. 1 मे पासून साधे उपोषण करून देखील अजून आज/उद्या असेच होत आहे. त्यामुळे, आजपासून मी तीव्र उपोषण सुरु केले. आता, पाणी सुद्धा घेणार नाही. गांभीर्य समजून घेतले तर बरे होईल, नाही समजले तर जय श्री राम असं रोहित आर्यने म्हटलं. मी एकटा नाही, अनेक लोकांना हा प्रश्न आहे, त्याच सोल्युशनसाठी मला संवाद साधायचा आहे, असंही ओलीस ठेवणाऱ्या रोहित आर्यने म्हटलं. दरम्यान, एका प्रकल्पात आर्थिक नुकसान झाल्यामुळे रोहितने संबंधित विषयाकडे लक्ष वेधण्यासाठी हे कृत्य केल्याची माहिती समोर आली आहे. आर्य हा मागील काही दिवसांपूर्वी उपोषणाला बसला होता, त्याचे पैसे सरकारकडे आहेत. शिक्षण विभागासाठी त्याने स्वच्छता मॉनिटरचा एक प्रोजेक्ट लोन काढून केला होता, त्याचे पैसे त्याला मिळाले नाहीत आणि कोटी रुपयांचं नुकसान झाल्याचं त्याचं म्हणणं आहे.

पावणे दोन वाजताच्या सुमारास पोलिसांना कॉल आला, ज्यामध्ये माहिती दिली की एका व्यक्तीने महावीर क्लासिक नावाची बिल्डिंग आहे तिथे लहान मुलांना बंधक बनवून ठेवलं आहे. पोलिसांनी तात्काळ कॉलला प्रतिसाद देऊन इथे स्पेशल युनिट्स आणि क्विक अॅक्शन फोर्स बोलवली. ज्या व्यक्तीने बंधक बनवलं होतं, त्याच्याशी संवाद आणि वाटाघाटी पोलिसांनी केल्या. त्यानंतर आमच्या पवई पोलिस अधिकाऱ्यांनी बाथरुममधून एन्ट्री करुन आतील एका व्यक्तीच्या सहाय्याने सर्व मुलांची सुखरुप सुटका केली. एकूण 17 मुलं, एक वयस्कर आणि एक स्थानिक असे 19 लोक आतमध्ये होते. रोहित आर्य असं आरोपीचं नाव आहे. रोहितकडे एक बंदूक होती, पण अधिक तपास सुरु आहे. आरोपीचं बॅकग्राऊंड किंवा त्याच्या मागण्या काय होत्या याचा तपास सुरु आहे. एका वेब सीरिज ऑडिशन घ्यायचं म्हणून या मुलांना बोलवण्यात आलं होतं. त्यासाठी या सोसायटीचा हॉल घेतला होता. जी मुलं ऑडिशनसाठी आली होती, त्यांनाच त्याने बंधक बनवलं, अशी माहिती पोलिसांनी दिली.

पवई पोलीस आणि डीसीपींनी तात्काळ ऑपरेशन राबवत सर्वांना रेस्क्यू केला आहे. सकाळी शूटिंग करण्यासाठी 25 ते 30 मुलं वेगवेगळ्या जिल्ह्यामधून या ठिकाणी आले होते. शूटिंग झाली यानंतर दुपारी या सर्व मुलांना बंदूकचा धाक दाखवून किडनॅप केला गेला. किडनॅपर मुलांना किडनॅप करून मागणी करत होता. पोलिसांनी वेळेत सर्व मुलांना रेस्क्यू केला आहे. किडनॅपर बंदूक घेऊन आतमध्ये बसला होता. बंदूक घेऊन कसा आतमध्ये पोहोचला, यामध्ये सुरक्षा मोठी चूक झाली आहे. त्यामुळे कठोर कारवाई करावी असे मागणी प्रत्यक्षदर्शी यांनी केली आहे.
दरम्यान, पोलीस आणि अग्निशमन दलाच्या जवानांकडून आरोपी माथेफिरू रोहित आर्यला ताब्यात घेण्यात आलं असून त्याची चौकशी सूरू आहे. मात्र, या घटनेनं मुंबईत चांगलीच खळबळ उडाली होती. सुदैवाने सर्व मुले सुखरुप आहेत, पण ते घाबरलेले आहेत असे पालकांकडून सांगण्यात येत आहे. रोहितने ओलीस ठेवलेल्या मुलांची सुटका केल्यानंतर मुलांना आणि त्यांच्या पालकांना स्कूल बसमधून पवई पोलीस स्टेशनला नेण्यात आले आहेत. पोलीस स्टेशनमध्ये मुलांसह पालकांचे स्टेटमेंट घेतलं जाईल आणि त्यानंतर त्यांना सोडतील, अशी माहिती आहे.पवई स्टुडिओमध्ये 17 मुलांना किडनॅप प्रकरणात दोन जण जखमी झाल्याची माहिती आहे. पोलीस आणि अग्निशमन दलाच्या जवानांकडून करण्यात आलेल्या रेस्क्यू ऑपरेशन दरम्यान एक सिनिअर सिटीझन महिला आणि लहान मुलगी जखमी झाली आहे. जखमीना जवळच्या रुग्णालयामध्ये उपचारासाठी दाखल करण्यात आला आहे. पोलीस हवालदार शिवाजी सावंत यांनी महिलेला सुखरूप वाचवल्याची माहिती संबंधित महिलेकडून देण्यात आली.

पवई स्टुडिओ ऑडिशन किडनॅपिंग केस प्रकरणातील आरोपी रोहित आर्य याने छर्ऱ्याच्या बंदुकीतून पोलिसांवर गोळीबार केल्याची धक्कादायक माहिती समोर आली आहे. त्यानंतर पोलिसांनी क्रॉस फायरिंग करत एक राउंडही फायर केला होता. या गोळीबारात आरोपी रोहित आर्या जखमी झाला, उपचारादरम्यान आरोपी रोहितचा मृत्यू झाल्याची माहिती आहे.

मद्यपान करून कर्तव्य बजावणाऱ्या ७ कर्मचाऱ्यांवर कारवाईचा बडगा! परिवहन मंत्री प्रताप सरनाईक

मुंबई, (दि. ३० ऑक्टोबर २०२५) – एसटी ही महाराष्ट्राची ‘ लोकवाहिनी ‘ आहे . दररोज लाखो सर्वसामान्य नागरिक एसटीच्या प्रवासी सेवेचा लाभ घेतात. त्यांना सुरक्षित आणि सौजन्यशील सेवा देणे हे एसटीच्या प्रत्येक कर्मचाऱ्याचे कर्तव्य आहे. परंतु काही कर्मचारी कर्तव्यावर असताना मद्यपान करून गैरवर्तन करत असल्याच्या तक्रारी प्राप्त झाल्या होत्या. त्या अनुषंगाने एसटीच्या सुरक्षा व दक्षता खात्याला तातडीने मोहीम राबवून अशा मद्यपी कर्मचाऱ्यांवर कारवाई करण्याचे आदेश दिले होते. त्यानुसार राज्यभरात एकाच वेळी कोणतीही पूर्वकल्पांना न देता कडक तपासणी मोहीम राबविण्यात आली. या तपासणी मोहिमेत सापडलेल्या मद्यपी कर्मचाऱ्यांवर कडक कारवाई करण्यात येईल, असे प्रतिपादन परिवहन मंत्री तथा एसटी महामंडळाचे अध्यक्ष श्री. प्रताप सरनाईक यांनी केले.
. मंत्री प्रताप सरनाईक यांनी दिलेल्या निर्देशानुसार एसटी महामंडळाच्या सुरक्षा आणि दक्षता खात्याने दिनांक २८/१०/२०२५ रोजी राज्यभरातील सर्व विभागांमध्ये कार्यरत असलेले चालक, वाहक आणि यांत्रिक कर्मचाऱ्यांच्या मद्यपान तपासणीची एक मोठी आणि अचानक मोहीम राबविली.
या अचानक केलेल्या तपासणी मोहिमेमुळे महामंडळात एकच खळबळ उडाली. या कारवाईत संशयास्पद एकूण ७१९ चालक, ५२४ वाहक आणि ४५८ यांत्रिक कर्मचारी अशा सुमारे १७०१ कर्मचाऱ्यांची तपासणी करण्यात आली. अर्थात, ही तपासणी मोहीम प्रवाशांच्या सुरक्षिततेसाठी महामंडळ किती गंभीर आहे, हे दर्शवते. या कारवाईत दोषी आढळलेल्या ७ कर्मचाऱ्यांवर दोषारोप निश्चित करण्यात आले आहेत. संबंधित कर्मचारी या व्यापक तपासणी मोहिमेदरम्यान, कर्तव्य बजावत असताना मद्यपान केल्याचे आढळून आले . त्यामध्ये १ चालक आणि ४ यांत्रिक कर्मचाऱ्यांसह एकूण ७ कर्मचारी निलंबित झाले आहेत.

तपासणीचा तपशिल:

धुळे विभागाच्या तपासणीत एक यांत्रिक कर्मचारी, एक स्वच्छक आणि एक चालक मद्यपान करताना आढळले.

नाशिक येथे तपासणी केलेल्यांमध्ये एक चालक दोषी आढळला.

परभणी आणि भंडारा विभागांत प्रत्येकी एक यांत्रिक कर्मचारी मद्याच्या अमलाखाली काम करताना आढळला.

नांदेड विभागामध्ये तपासणीत एक वाहक मद्यपान केलेला आढळला.

कर्तव्यावर असताना मद्यपान करणे हा एक गंभीर गुन्हा असून, प्रवाशांचा जीव धोक्यात घालण्यासारखे आहे. महामंडळाने या सात कर्मचाऱ्यांवर पुढील कार्यवाही सुरू केली असून, या मोहिमेचा अहवाल तातडीने मुंबई येथील मध्यवर्ती कार्यालयात सादर केला जाईल.

भविष्यात देखील कठोर कारवाईचा इशारा

या घटनेनंतर सुरक्षा आणि दक्षता खात्याने भविष्यात कठोर कारवाई करण्याचा इशारा दिला आहे. यापुढे देखील अशा प्रकारची अचानक आणि वारंवार तपासणी मोहीम संपूर्ण महामंडळात राबविण्यात येणार आहे.

“जे कर्मचारी कर्तव्यावर असताना मद्याच्या अमलाखाली आढळतील, त्यांच्यावर कोणतीही दयामाया न दाखवता कठोर कारवाई करण्यात येईल,” असा सज्जड दम परिवहन मंत्री तथा एसटी महामंडळाचे अध्यक्ष प्रताप सरनाईक यांनी दिला आहे.

नवीन एसटी बसेस मध्ये ‘ब्रेथ ॲनलायझर’

मंत्री सरनाईक म्हणाले की, प्रवाशांची सुरक्षा ही एसटी महामंडळाची सर्वोच्च प्राथमिकता आहे. भविष्यात नवीन येणाऱ्या बसेस मध्ये चालकाच्या समोर ब्रेथ ॲनालिसिस यंत्र (अल्कोहोल तपासणीसाठी) बसविण्यात येणार असून त्यामुळे प्रवाशांच्या जीवाशी खेळणाऱ्या मद्यपी चालकांना अटकाव होईल. अर्थात, या कारवाईमुळे सार्वजनिक वाहतूक व्यवस्थेतील गैरव्यवहारांना आळा बसेल, अशी अपेक्षा मंत्री सरनाईक यांनी व्यक्त केली. जनतेने देखील या मोहिमेचे स्वागत केले असून, या कारवाईमुळे प्रवासादरम्यान अधिक सुरक्षितता अनुभवता येईल. अशी आशा व्यक्त केली आहे.

मुंबई –
आगामी स्थानिक स्वराज्य संस्थांच्या निवडणुकांपूर्वी राज्य निवडणूक आयोगाने एक महत्त्वाचा निर्णय घेत उमेदवारांच्या निवडणूक खर्च मर्यादेत मोठी वाढ केली आहे. बदलत्या आर्थिक परिस्थिती, वाढती महागाई आणि प्रचार खर्चातील प्रचंड वाढ लक्षात घेता आयोगाने ही मर्यादा दीडपटपर्यंत वाढवली आहे. या निर्णयामुळे उमेदवारांना प्रचारासाठी अधिक आर्थिक मोकळीक मिळणार असून, कायदेशीर चौकटीत राहून प्रभावी प्रचार करण्याची संधी उपलब्ध झाली आहे. गेल्या काही वर्षांत डिजिटल माध्यमांवरील प्रचार खर्च, वाहनभाडे, बॅनर्स, सभा आयोजन यांसारख्या बाबींचा खर्च वाढल्याने आयोगाकडे या मर्यादेत बदल करण्याची मागणी होत होती. अखेर आयोगाने ती मान्य केली आहे.

महापालिका निवडणुकांसाठी आतापर्यंत सदस्यसंख्येच्या आधारे खर्च मर्यादा ठरवली जात होती, मात्र आता आयोगाने ती वर्गवारीनुसार निश्चित केली आहे. नव्या नियमानुसार मुंबई, पुणे आणि नागपूर या अ वर्गातील महापालिकांतील नगरसेवक उमेदवारांना 15 लाख रुपयांपर्यंत खर्च करण्याची परवानगी मिळणार आहे. पिंपरी चिंचवड, ठाणे आणि नाशिकसाठी ही मर्यादा 13 लाख रुपये निश्चित करण्यात आली आहे. कल्याण-डोंबिवली, नवी मुंबई, छत्रपती संभाजीनगर आणि वसई-विरार या ब वर्गातील महापालिकांतील उमेदवारांना 11 लाखांपर्यंत खर्चाची मुभा देण्यात आली आहे. तर ड वर्गातील इतर 19 महापालिकांमध्ये उमेदवारांना 9 लाख रुपयांचा खर्च करण्याची परवानगी देण्यात आली आहे. ही सुधारित मर्यादा महागाई आणि आर्थिक वास्तव लक्षात घेऊन निश्चित करण्यात आल्याचे आयोगाच्या सूत्रांनी सांगितले.

नगरपरिषद आणि नगरपंचायतींसाठीही खर्च मर्यादा तदनुसार बदलण्यात आल्या आहेत. अ वर्ग नगरपरिषदांसाठी नगरसेवकांना 5 लाख आणि थेट निवडणूक लढवणाऱ्या नगराध्यक्षांना 15 लाख रुपयांपर्यंत खर्च करता येणार आहे. ब वर्गात नगरसेवकांसाठी 3.5 लाख आणि नगराध्यक्षांसाठी 11.25 लाख, तर क वर्गातील नगरपरिषदांमध्ये नगरसेवकांसाठी 2.5 लाख आणि नगराध्यक्षांसाठी 7.5 लाख रुपये खर्चाची मर्यादा ठरवण्यात आली आहे. नगरपंचायतींमध्ये मात्र नगरसेवकांसाठी 2.25 लाख आणि नगराध्यक्षांसाठी 6 लाख रुपये अशी मर्यादा निश्‍चित करण्यात आली आहे. या निर्णयामुळे स्थानिक स्तरावरील उमेदवारांना प्रचाराचे नियोजन वास्तवाशी सुसंगत ठेवता येणार असून, अपारदर्शक खर्च कमी होण्यास मदत होईल, अशी अपेक्षा व्यक्त केली जात आहे.

आयोगाच्या या निर्णयाचं स्वागत अनेक राजकीय पक्षांनी केलं आहे. राज्यातील बहुतांश नेत्यांचे म्हणणे आहे की, वाढत्या खर्चाच्या काळात जुन्या मर्यादा अप्रासंगिक झाल्या होत्या. मागील काही निवडणुकांमध्ये डिजिटल माध्यमांवरील प्रचार, सोशल मीडिया जाहिराती, कार्यकर्त्यांचे मानधन आणि वाहनभाडे यांवर उमेदवारांना मोठा खर्च करावा लागत होता. त्यामुळे वाढीव मर्यादेमुळे निवडणूक लढवणे सुलभ होईल, अशी भावना उमेदवारांमध्ये आहे. मात्र, काही राजकीय निरीक्षकांनी सावधगिरीचा इशारा देत म्हटलं आहे की, अधिक खर्चाच्या मुभेमुळे पैशाचा प्रभाव वाढू शकतो आणि निवडणुकीत समता व पारदर्शकता राखणे प्रशासनासाठी आव्हान ठरू शकते.

गेल्या पाच वर्षांपासून राज्यात कोणत्याही स्तरावर स्थानिक स्वराज्य संस्थांच्या निवडणुका झालेल्या नाहीत. या काळात अनेक महापालिका, नगरपरिषदा आणि पंचायत संस्था प्रशासकांच्या अखत्यारीत चालवल्या जात आहेत. त्यामुळे यंदाच्या निवडणुका अत्यंत निर्णायक ठरणार आहेत. महायुती आणि महाविकास आघाडी या दोन्ही आघाड्यांनी आपापल्या उमेदवारांच्या निवडीसाठी कंबर कसली आहे. मागील काही महिन्यांपासून इच्छुक उमेदवारांनी जनसंपर्क सुरू केला असून, विविध सामाजिक आणि धार्मिक कार्यक्रमांमध्ये आपली उपस्थिती वाढवली आहे. निवडणुकांची चाहूल लागल्याने अनेकांनी गणेशोत्सव आणि नवरात्रीच्या काळात मंडळांना आर्थिक मदतही केली होती. त्यामुळे या निवडणुका टोकार्ची ईर्ष्या निर्माण करणाऱ्या ठरण्याची चिन्हे आहेत.