पुणे :“ विश्‍वात शांतता हवी असेल तर भेदाभेदा बंद होणे गरजेचे आहे. हीच शिकवण कबीरांनी आपल्या दोह्यांमध्ये सांगितली आहे. त्यांनी मानवतेनुसार हिंदू मुस्लिमतेचा विरोध कमी करण्याचा प्रयत्न केला आहे. कबीर यांच्या विचारांमध्ये जाती, पंथ, देशच नाही, तर संपूर्ण विश्‍वाचा विचार केला गेला आहे.,”असे प्रतिपादन लोकसभेचे माजी सभापती व माजी केंद्रीय गृहमंत्री श्री. शिवराज पाटील चाकूरकर यांनी केले.
डॉ विश्‍वनाथ कराड एमआयटी विश्‍वशांती विद्यापीठ, पुणे व आचार्य आर. के. सोनग्रा प्रतिष्ठान यांच्या संयुक्त विद्यमाने प्रा. रतनलाल सोनग्रा अनुवादित ‘कबीरवाणी’ या ग्रंथाचे प्रकाशन शिवराज पाटील यांच्या हस्ते एमआयटीत झाले. त्याप्रसंगी प्रमुख पाहुणे म्हणून ते बोलत होते. अध्यक्षस्थानी एमआयटी विश्‍व शांती विद्यापीठाचे संस्थापक अध्यक्ष प्रा. डॉ. विश्‍वनाथ दा. कराड हे होते.
यावेळी ज्येष्ठ समाजवादी नेते डॉ.कुमार सप्तर्षी, ज्येष्ठ पत्रकार मधुकर भावे, एमआयटी विश्‍वशांती विद्यापीठाचे कार्याध्यक्ष प्रा. राहुल विश्‍वनाथ कराड, श्री. शैलेश पाटील, कबीरवाणी ग्रंथाचे अनुवादक प्रा. रतनलाल सोनग्रा, डॉ. सुधीर गव्हाणे व आरती सोनग्रा हे उपस्थित होते.
शिवराज पाटील चाकूरकर म्हणाले,“ज्ञान व प्रेम कितीही दिले तर ते शिल्लकच उरते, ही शिकवण कबीरांनी दिली. त्यांच्या रचनेमधूनही हीच शिकवण मिळते. भाषा, प्रांत, धर्म, देश, इतकेच नव्हे, तर मानव व प्राणी यांचाही अडथळा नसणारे व जीवनमूल्यांचे विचार कबीरांनी आपल्या तत्त्वज्ञानामध्ये मांडले आहेत. संतांची शिकवण ही मानव उत्थानासाठी आहे. संत ज्ञानेश्‍वर, नामदेव, तुकाराम, एकनाथ, गुरूनानक, एवढेच नव्हें, तर येशूख्रिस्त यांनी सत्याचे विवरण केले. गुरू ग्रंथ साहिबामध्ये कबीर,नामदेव व सुफी यांचे दोहे आहेत.”
वर्तमान स्थिति वर भाष्य करतांना शिवराज पाटील म्हणाले, युरोपमध्ये छोट्या-छोट्या देशांची वाटणी झाली त्यामुळे सर्वात अधिक युद्धे तेथेच झाली. जेथे वाटणी कराल तेथे संकुचित व्हाल. त्यामुळेच सर्वांना बरोबरच घेऊन चला. म्हणजे मोठे व्हाल.
सरदार जाफरी यांच्या ग्रंथाचे कबीरवाणी या नावने अनुवाद करणारे प्रा. रतनलाल सोनग्रा म्हणाले,“ कबीर यांनी आपल्या दोह्यांमधून जीवनाला एका सूत्रात बांधले आहे. त्यांनी समाजातील विसंगतीवर बोट ठेऊन जीवन सुखमय बनण्याचे सूत्र सांगितले. कबीरांनी लिहिलेल्या दोह्यांवर सर्व जगभर मोठ्या प्रमाणात अध्ययन सुरू आहे.”
प्रा. डॉ. विश्‍वनाथ दा. कराड म्हणाले,“ कबीरवाणीचा प्रत्येक सिद्धांत जीवनात सुख-शांती कशी मिळेल हे दाखवितो. भारतीय संस्कृती ही मानवता दर्शविणारी आहे. ज्ञानेश्‍वर-तुकाराम यांच्या प्रमाणेच सर्व भारतभर जे महान संत होऊन गेले, त्यामध्ये संत कबीरांचे स्थान फार वरचे आहे. कबीराचा संदेश हा 21व्या शतकात भारतातून विश्‍वाला सुख, समाधान व शांतीचा मार्ग दाखवील.”
मधुकर भावे म्हणाले,“ बुद्ध, कबीर आणि महात्मा गांधी यांच्यासारख्या मोठ्या व्यक्ती या जगात सुद्धा नाहीत. कबीर याला संत असे संबोधून आपण त्यांना दूर लोटतो. कबीर हा सामान्यांचा तत्वज्ञानी आहे.”
डॉ. कुमार सप्तर्षी म्हणाले,“ भाषा, वेष, संगीत, कला इ. बाबतीत श्रमिकांना अधुनमधूनच संधी मिळते. अशी संधी कबीराच्या रूपाने मिळाली. कबीरपंथीयांनी ही परंपरा चालू ठेवली आहे .”े
प्रा. सुधीर गव्हाणे यांनी प्रास्ताविक केले. डॉ. प्रीती जोशी व समृद्धी पाठक यांनी सूत्रसंचालन केले. प्रा. डॉ. माधुरी कुलकर्णी यांनी आभार मानले.

पुणे -शहरासाठी केंद्र सरकारच्या प्रस्तावित “स्मार्ट सिटी” प्रकल्पांतर्गत बाणेर बालेवडी भागात प्राथमिक कामास सुरवात करण्यात आली आहे. शहरातील “मगरपट्टा सिटी” ह्या मोठ्या प्रकल्पात सुनियोजित पद्धतीने नागरी सुविधांच्या कामाचे नियोजन करण्यात आले आहे. त्यातील बारकावे जाणून घेण्यासाठी म्हणून खासदार अनिल शिरोळे ह्यांनी आमदार मेधा कुलकर्णी नगरसेवक ज्योती कळमकर, स्वप्नाली सायकर, अमोल बालवडकर, सिद्धार्थ शिरोळे, महानगर पालिकेतील अधिकारी राजेंद्र राऊत, विशाल हरिभक्त, अभय शिंदे, संतोष कदम ह्यांच्या समवेत मगरपट्टा सिटी ला भेट देऊन तेथील कामांची प्रत्यक्ष पाहणी केली. ह्या प्रसंगी क्रेडाई चे अध्यक्ष सतीश मगर ह्यांनी मगरपट्टा सिटी मधील नागरी सुविधा जसे की अंतर्गत रस्ते, पदपथ, गॅस लाइन, मल निस्सारण व्यवस्थापन आदींवर एका पॉवर पॉइंट प्रेझेंटेशन द्वारे उपस्थितांना मार्गदर्शन केले.मगरपट्टा सिटीतील कामांचे नियोजन हे नक्कीच स्मार्ट सिटी प्रकल्पासाठी मार्गदर्शनपर राहिले आहे आणि ह्या पाहणीचा उपयोग बाणेर बालेवडी भागातील स्मार्ट सिटी च्या कामात नकीच होईल असा विश्वास खासदार अनिल शिरोळे ह्यांनी व्यक्त केला.

पुणे-अँग्लो उर्दू गर्ल्स हायस्कूलचा वार्षिक सांस्कृतिक आणि पारितोषिक वितरण कार्यक्रम नुकताच पार पडला. नगरसेविका फरझाना आयुब इलाही यांच्या हस्ते विजेत्यांना पारितोषिके देण्यात आली. कार्यक्रमाच्या अध्यक्षस्थानी अँग्लो उर्दू गर्ल्स हायस्कूलच्या माजी प्राचार्य आणि ‘पै आय.सी.टी.अ‍ॅकॅडमी’ च्या संचालक मुमताज सय्यद होत्या.

सांस्कृतिक कार्यक्रमात विद्यार्थ्यांच्या विविध गुणदर्शनाच्या कार्यक्रमाचे आयोजन करण्यात आले होते. विद्यार्थ्यांनी यामध्ये नृत्य, नाटिका सादर केली.

शैक्षणिक वर्षातील विविध खेळांतील आणि विविध विषयांमधील अव्वल विद्यार्थ्यांना प्रमुख पाहुणे नगरसेविका फरझाना आयुब इलाही आणि अँग्लो उर्दू गर्ल्स हायस्कूलच्या प्राचार्य आएशा शेख यांच्या हस्ते प्रशस्तीपत्रक आणि पारितोषिके देण्यात आली. यावेळी पर्यवेक्षक कर्मचारी शबनम खान, झैनाब उसमान सय्यद आणि शाहिन इरफान शेख उपस्थित होते.

प्राचार्य आएशा शेख यांनी राष्ट्रीय स्तरातील शाळेच्या यशाबद्दल, शाळेचे राष्ट्रीय खेळाडू आणि शैक्षणिक वर्ष 2017-18 मधील सर्वोत्कृष्ट शिक्षक याबद्दल माहिती दिली.

पुणे – संवेदनशीलता, स्वच्छ भारत, बालकामगार, महिला सक्षमीकरण, जलसाक्षरता, पर्यावरण, शांतता, एकात्मता, शहीदांप्रती कृतज्ञता, अंधश्रध्दा निर्मूलन अशा विविध सामाजिक भानांची संगीत, नृत्य, नाट्य, अभिनय आणि मूकाभिनयाद्वारे जाणीव करून देत मनोरंजन करणारे स्नेह-संमेलन डेक्कन एज्युकेशन सोसायटीच्या डीईएस प्रायमरी स्कूलच्या विद्यार्थ्यांनी सादर केले.

गणेश वंदना, शेतकरी नृत्य, मोवन नृत्य, गुजरातचा गरबा, पंजाबचा भांगडा, राजस्थानचा घुमर, बंगालचे चाऊ नृत्य आणि भरतनाट्यम अशा विविध प्रदेशांच्या लोकधारा चौथीच्या विद्यार्थ्यांनी सादर केल्या. गे‘सी डिसूझा यांना उत्कृष्ट शिक्षकांसाठीचा अलका आपटे पुरस्कार देऊन गौरव करण्यात आला. श्रीकांत बोर्‍हाडे, प्रा. धनंजय कुलकर्णी यांची प्रमुख उपस्थिती होती. मु‘याध्यापिका स्मिता कुलकर्णी यांच्या मार्गदर्शनाखाली अंजली शेवाळे, अंजली भडभडे, सिमरन गुजर, न्यानसी गवारे, शितल बेलोटी, हर्षदा कारेकर, नेत्रा वेदपाठक, अर्चना ननावरे, ज्योती जाधव, ज्योती क्षिरसागर या शिक्षकांनी संयोजन केले.

पुणे- डेक्कन एज्युकेशन सोसायटीचे बृहन महाराष्ट्र वाणिज्य महाविद्यालय (बीएमसीसी) आणि इंडियन रेड क्रोस सोसायटीच्या वतीने आयोजित केलेल्या आंतरमहाविद्यालयीन पथनाट्य स्पर्धेत एडसविषयक जनजागृती करणार्‍या ‘नाही म्हणायला शिका’ या नेस वाडिया कॉमर्स कॉलेजच्या पथनाट्याने विजेतेपद पटकाविले. मॉडर्न कॉलेज, गणेशखिंडच्या विद्यार्थ्यांनी सादर केलेल्या ‘मोबाईलने केला घात’ या मोबाईलच्या अतिरेकी वापराच्या दुष्परिणामांवर प्रकाश टाकणार्‍या पथनाट्याला उपविजेतेपद मिळाले.
शालेय गटात रेणुका स्वरूपच्या विद्यार्थिनीनींने सादर केलेल्या बेटी बचाओ बेटी पढाओ, सुंदराबाई मराठे विद्यालयाच्या अवयवदान आणि भावे प्राथमिक शाळेच्या पाणी वाचवा या पथनाट्यांनी अनुक‘मे पहिले तीन क‘मांक मिळविले. आर. व्ही. कुलकर्णी यांच्या हस्ते पारितोषिक वितरण करण्यात आले. प्राचार्य डॉ. चंद्रकांत रावळ व उपप्राचार्य डॉ. जगदीश लांजेकर यांच्या मार्गदर्शनाखाली विजय साळुंके, जसप्रितकौर बलजित, अंजली जाधव, मुभाशिरा शेख, शुभम परखड, अंजली जाधव यांनी संयोजन केले.