पुणे :

पुणे शहर विभागातर्फे वरिष्ठ गट आंतर महाविद्यालयीन सॉफ्टबॉल स्पर्धेत एम सी ई सोसायटीच्या रात्र महाविद्यालयाने मुलांच्या गटात विजेतेपद मिळवले .

बी एम सी सी महाविद्यालयाच्या मैदानावर झालेल्या स्पर्धेमध्ये एम सी इ रात्र महाविद्यालयाने अंतिम सामन्यात मॉडर्न महाविद्यालय चा ७-५ होम रनने पराभव केला . विजयी संघाकडून जैद पटेल याने २,कर्णधार शुभम काटकर ,जैद अन्सारी ,आदिल अन्सारी ,ओसामा अन्सारी ,अब्दुल अहद यांनी प्रत्येकी १ होमरन केल्या . मॉडर्न संघाकडून अक्षय साठे ,मयूर गोखले ,आकाश कसबे ,ऋषिकेश देसाई ,ओंकार हुंडारे यांनी प्रत्येकी १ होमरन केल्या .

एम सी ई सोसायटीचे अध्यक्ष डॉ पी ए इनामदार ,उपाध्यक्ष आबेदा इनामदार ,सचिव लतीफ मगदूम ,आझम स्पोर्ट्स अकादमीचे गुलझार शेख यांनी विजयी संघाचे अभिनंदन केले .

पुणे- आज दिवसभरात पीएमपीएमएलच्या दोन  बस आगीच्या भक्षस्थानी पडल्या . तर दुसरीकडे  व्यवस्थापकीय संचालक व अध्यक्ष तुकाराम मुंढे यांनी  विविध आगारातील तब्बल ६२० कर्मचा-यांच्या बदल्या करत कर्मचाऱ्यांवरील कारवाईचा बडगा सुरूच ठेवल्याचे वृत्त आहे . मात्र या बदल्या काल सायंकाळी करण्यात आल्या . या बदल्यांचा आणि 2 बसेसला लागलेल्या या आगीचा मात्र काहीही संबंध  नाही…   ..दरम्यान, पीएमपीएमपीएल बसला आग लागण्याच्या घटनात वाढ झाली असून मागील दहा दिवसातील ही चौथी घटना आहे. यापूर्वी दिवेघाटात आणि सिंहगडरोड येथे पीएमपीएमएल बसला आग लागली होती.
आरटीओ चौकात आज सायंकाळी सव्वापाच वाजण्याच्या सुमारास प्रवाशांना घेऊन निघालेल्या बसने अचानक पेट घेतला. चालकाने प्रसंगावधान राखत वेळीच सर्व प्रवाशांना सतर्क केल्यामुळे मोठा अनर्थ टळला. दरम्यान अग्निशामक दलाच्या जवानांनी घटनास्थळी धाव घेत आगीवर नियंत्रण मिळवले. दरम्यान एकाच दिवसात दोन पीएमपीएमएल बसला आग लागल्या.

अग्निशामक दलाच्या जवानांनी दिलेल्या माहितीनुसार, पुणे स्टेशनवरून आकुर्डीच्या दिशेने 21 प्रवाशांना निघालेली ही बस आरटीओ चौकात येताच बसच्या समोरील भागातून धूर येत असल्याचे चालकाच्या लक्षात आले. त्याने प्रसंगावधान राखत सर्व प्रवाशांना खाली उतरवले आणि काही क्षणातच आगीने रौद्ररुप धारण केले. घटनेची माहिती अग्निशामक दलाला कळताच त्यांनी तातडीने घटनास्थळी धाव घेत आगीवर नियंत्रण मिळवले. परंतु तोपर्यंत बसचा काही भाग आगीत जळून नष्ट झाला होता.आज दुपारी पावणेदोनच्या सुमारास चिंचवडगांवातील बसस्थानकाबाहेर उभ्या असलेल्या बसने पेट घेतला होता. ही आग एवढी मोठी होती की धुराचे लोटच्या लोट बाहेर येत होते. त्यामुळे परिसरात काहीकाळ घबराटीचे वातावरण निर्माण झाले होते. संत तुकारामनगर येथील अग्निशामन दलाच्या जवानांनी ही आग आटोक्यात आणली. परंतु यामध्ये पीएमपीएमएल बस जळून खाक झाली आहे. सुदैवाने बसमध्ये प्रवासी नसल्याने मोठा अनर्थ टळला.

पुणे: रवाईन हॉटेल यांच्या तर्फे आयोजित व मालाज पुरस्कृत पाचगणी येथे पार पडलेल्या दुसऱ्या मालाज रवाईन रन माउंटन मॅरेथॉन स्पर्धेत 21कि.मी. पुरुष व महिला गटात ज्ञानेश्वर मोर्घा, प्राजक्ता गोडबोले यांनी, तर 10कि.मी. पुरुष व महिला गटात अॅमानुएल आब्दू, शितल भगत यांनी आपापल्या गटात अव्वल क्रमांक पटकावत विजेतेपद संपादन केले. 

रवाईन हॉटेल यांच्या तर्फे आयोजित रवाईन रन माउंटन मॅरेथॉन हि स्पर्धा 21किलोमीटर, 10किलोमीटर प्रकारात पार पडली. स्पर्धेत एकूण 1200धावपटूंनी आपला सहभाग नोंदविला होता. स्पर्धेला पाचगणी येथील संजीवन हायस्कुल येथून प्रारंभ झाला आणि  संपूर्ण शहरातून तसेच ऐतिहासिक सेंट पिटर्स स्कुल येथून आणि ऐतिहासिक अशा भव्य वृक्ष राजीतून आणि पाचगणी व महाबळेश्वरच्या निसर्गरम्य अशा पर्वतरांगामधून, तसेच राजपुरी केव्स मार्गे पुन्हा फिरून संजीवन मैदान असा मार्ग स्पर्धकांना पूर्ण करावयाचा होता. 

हाफ मॅरेथॉन(21कि.मी.)खुल्या पुरुष गटात ज्ञानेश्वर मोर्घाने 01:14:29सेकंद वेळ नोंदवत पहिला क्रमांक पटकावला. तर, प्रल्हाद सिंग व केनियाच्या मायकेल बीव्होत तिसरा क्रमांक पटकावला. याच महिला खुला गटात प्राजक्ता गोडबोले हिने 01:29:41सेकंद वेळ नोंदवून प्रथम क्रमांक पटकावला.  10कि.मी. खुल्या पुरुष गटात  केनियाच्या अॅमानुएल आब्दू याने 00:34:56सेकंद वेळ नोंदवत अव्वल क्रमांक पटकावला. तर, महिला गटात शितल भगतने 00:44:53सेकंद वेळ नोंदवत विजेतेपद मिळवले. 

स्पर्धेत एकूण 7लाख रुपयांची पारितोषिक रक्कम देण्यात आली. स्पर्धेचा फ्लॅग ऑफ अमिन हाजी(पाचगणी स्वच्छ सर्वेक्षण २०१८चे ब्रँड अँबॅसिडर) व आयएएस खैलाश शिंदे यांच्या हस्ते करण्यात आला.  

स्पर्धेचा सविस्तर निकाल: (प्रथम, व्दितीय व तृतीय या क्रमानुसार):

हाफ मॅरेथॉन 21कि.मी. पुरुष खुला गट: 1. ज्ञानेश्वर मोर्घा(01:14:29से), 2.प्रल्हाद सिंग(01:16:49से), 3.मायकेल बीव्होत(01:17:22से); 

हाफ मॅरेथॉन 21कि.मी. महिला खुला गट: 1. प्राजक्ता गोडबोले(01:29:41से), 2.जनाबाई हिरवे(01:29:42से),  3.नयन(01:49:48से);  

10कि.मी. पुरुष खुला गट: 1.अॅमानुएल आब्दू(00:34:56से), 2.आदिनाथ भोसले(00:35:44से), 3.सुशांत जेदे(00:38:05से); 

 10कि.मी.महिला खुला गट: 1.शितल भगत(00:44:53से), 2.आकांक्षा शेलार(00:46:53से), 3.कविता भोईर(00:47:57से).