पुणे -ग्रामीण संस्कृतीचा शहरांशी साधलेला एक संवाद सोहळा म्हणून भीमथडी जत्रा नावारूपास आली. महाराष्ट्राची संस्कृतीत ‘जत्रा’ म्हणजे आनंदाचा, उत्साहाचा, खरेदीचा, भेटीगाठीचा, सांस्कृतिक आदान-प्रदानतेचा एक सणच असतो. भीमथडी जत्रा गेल्या १२ वर्षापासून पुण्यात अॅग्रीकल्चरल डेवलपमेन्ट ट्रस्ट, बारामती या संस्थेच्या वतीने भरवली जाते. ही जत्रा २२ ते २५ डिसेंबर पर्यंत अॉग्रीकल्चरल ग्राऊंड, सिंचननगर, पुणे येथे होणार आहे.

अॅग्रीकल्चरल डेवपलपमेन्ट ट्रस्ट, बारमतीच्या सौ. सुनंदा पवार यांच्या उपस्थितीत आणि ६ अन्य मान्यवरच्यां हस्ते भीमथडी चे उद्घाटन होईल. यात पुण्याच्या महापौर मुक्ता टिळक, पोलिस उपमुख्य अधिकारी ज्योती प्रिया सिंग, येरवडा जेलच्या प्रभारी स्वाती साठे, अनाथांसाठी काम करणा-या सामाजिक कार्यकर्ता माननीय सिंधुताई सपकाळ, अत्यंत प्रतिष्ठित आणि प्रेमळ परोपकारी अश्या सुमाताई किर्लोस्कर, आदरणीय वेदांती राजे भोसले, वर्षा चोरडिया – अध्यक्ष, फिक्की फ्लो पुणे चाप्टर, ह्या सर्व महिलांच्या हस्ते २२ डिसेंबर रोजी सकाळी १० वाजता भिमथडीचे उद्घाटण होईल.

महिला बचत गटांचे दर्जेदार उत्पादन, हस्तकला वस्तू , महाराष्ट्राचे अस्सल खाद्य पदार्थ आणि ग्रामीण संस्कृतीचं दर्शन या सर्व गोष्टींचा एकाच छताखाली पुणेकरांना आनंद घेता येतो. म्हणून भीमथडी जत्रेला गेल्या अकरा वर्षात पुणेकरांनी प्रचंड प्रेम दिलं. ग्रामीण महिलांच्या मेहनतीला आणि ग्रामीँण कलाकरांच्या कलागुणांना दाद दिली. यातून महिला बचत गटांची आर्थिक उन्नती झाली. अनेक महिला स्वत:च्या पायावर उभ्या झाल्या.

अॅग्रीकल्चरल डेवपलपमेन्ट ट्रस्ट, बारमतीच्या सौ. सुनंदा पवार यांच्या कल्पक आणि नाविन्यपूर्ण कृतीशील मार्गदर्शातून, मेहनतीतून ‘भीमथडी जत्रा’ हा अभिनव उपक्रम नावरूपाला आला. यंदा भीमथडी जत्रा आपल्या १२ व्या वर्षात पदार्पण करते आहे. या वर्षीच्या भीमथडी जत्रेला पुणेकर भरघोस प्रतिसाद देतील, असा विश्वास त्यांना आहे.

मागिल वर्षी देखील भीमथडीस प्रचंड मोठ्या प्रमाणात लोकांचा प्रतिसाद मिळाला, १ लाखांहूनही अधिक लोकांनी भीमथडीची विविधतेने नटलेली संस्कती अनुभवली. ह्या वर्षी देखील३०२ हून अधिक ग्रामिण संस्कृतीचे स्टॉल भीमथ़डी मध्ये पहावयास मिळतील.या वर्षीच्या भीमथडी जत्रेचं वेगळेपण/ आकर्षण म्हणजे भीमथडी जत्रा दरवर्षी वेगवेगळी थीम घेऊन प्रदर्शन भरवते. यंदाच्या जत्रेचं खास आकर्षण असणार आहे ते म्हणजे रात्रीचा ‘भिमथडी सिलेक्ट फॅशन शो ‘ आणि लहाण मुलांसाठी खास ख्रिसमस विशेष “पेटिंग झू “.

पल्लवी दत्ता यांच्या संकल्पनेतुन साकारलेली भिमथाडी सिलेक्ट थिम ह्यावर्षी पहावयास मिळेत ज्यात फॉशन चे अनोके 20 स्टॉलचा एक विशेष विभाग आहे. येथे भारतातील पारंपारिक हातमाग, हस्तकला आणि इतर हस्तशिल्प पुनरुज्जीवन व कायम राखण्याचा प्रयत्न केला आहे. सौ.पल्लवी दत्तांनी सध्याच्या काळात भारतातील फॅशनच्या असंख्य रूचकीय पैलूंना शोधले आहे .लॅक्मे फॅशन वीक समर / रिसॉर्ट 2017 मध्ये सस्टेनेबल फॅशन आणि इंडियन टेक्सटाइलसाठी फॅशन डॉक्युमेण्ट्रीयनच्या त्या सर्वेसर्वा होत्या.

सांगतिक कार्यक्रम / कॉन्सर्टस देखील ह्या वर्षी असतील .ज्यात रघू दिक्षित प्रोजेक्ट आणि रेसोनन्स आपली संगीत कला भीमथडी जत्रेत सादर करणार आहे. २३ डिसेंबर रोजी रात्री ७ वाजता रघू दिक्षित आणि २२ डिसेंबर रोजी रात्री ७.३० वाजता रेसोनन्स चे वैभव जोशी आणि अंजली मराठे आपली कला प्रस्तृत करतील . ह्या कॉन्सर्ट द्वारे महाराष्ट्रीय संस्कृती समझुन घेणे अानखी सोपे होईल. यंदाचा ह्या १२ व्या महोत्सवास देखील दरवर्षी प्रमाणेच पुणेकरांचा भरघोस प्रतिसाद मिळेत.

पुणे- आपले सैनिक सीमेवर खडा पहारा देत असल्यामुळे आपण सुखी जीवन जगत असतो, या सर्व सैनिकांविषयी  कृतज्ञता व्यक्त करण्याची संधी म्हणजे ध्वज दिन निधी संकलन होय, असे प्रतिपादन जिल्हाधिकारी सौरभ राव यांनी केले. जिल्हाधिकारी कार्यालयात सशस्त्र सेना ध्वजदिन निधी संकलन शुभारंभ प्रसंगी ते बोलत होते. गतवर्षी ध्वजदिन संकलनाची उद्दिष्टपूर्ती  केल्याबद्दल त्यांनी सर्वांचे अभिनंदन केले. तसेच यंदाही ध्वजदिन संकलनाचे उद्दिष्ट पूर्ण करण्यासाठी सहकार्य करण्याचे आवाहन केले.

            कार्यक्रमास मराठा चेंबर्स ऑफ कॉमर्स, इंडस्ट्रीज ॲण्ड ॲग्रीकल्चरचे महासंचालक डॉ. अनंत सरदेशमुख, अपर जिल्हाधिकारी रमेश काळे, निवासी उपजिल्हाधिकारी राजेंद्र मुठे, जिल्हा सैनिक कल्याण अधिकारी माजी मेजर मिलिंद दे. तुंगार,जिल्हा माहिती अधिकारी राजेंद्र सरग, शिक्षणाधिकारी डॉ. गणपत मोरे आदी उपस्थित होते.

जिल्हाधिकारी राव म्हणाले, माजी सैनिक, शहीद जवान अधिकारी यांचे कुटुंबिय यांच्या कल्याणाच्या योजना राबवण्यासाठी ध्वज दिन निधीचे संकलन केले जाते. लष्करी अधिकारी,  जवान आपल्या कुटुंबियांची पर्वा न करता देश आणि आपल्या सर्वांच्या रक्षणासाठी सीमेवर तैनात असतात. देशाच्या रक्षणाची भूमिका बजावत असताना सैनिक सण, समारंभ, कार्यक्रम यांचा काहीही विचार न करता ते देशाच्या सेवेत कार्यरत असतात. अशा लष्करी अधिकारी-जवानांची काळजी घेणे ही आपली जबाबदारी आहे. सैनिकांचे आपल्यावर ऋण आहे, या ऋणातून आपण मुक्त होऊ शकत नाही, त्यामुळे जबाबदारीच्या भावनेतून ध्वज निधी संकलन करण्याच्या सत्कार्याला मदत करणे प्रत्येकाचे कर्तव्य आहे. जिल्हाधिकारी राव यांनी सर्व सैनिकांना आणि त्यांच्या कुटुंबियांना उज्ज्वल भवितव्यासाठी शुभेच्छा दिल्या.

प्रास्ताविक जिल्हा सैनिक कल्याण अधिकारी माजी मेजर मिलिंद दे. तुंगार यांनी केले. ते म्हणाले, पुणे जिल्ह्याला गतवर्षी 2 कोटी 22 लाख रुपयांचे उद्दिष्ट होते, ते 2 कोटी 80 लाख इतके साध्य करण्यात आले.

प्रारंभी मान्यवरांच्या हस्ते ध्वजदिन निधीचे संकलन करण्यास सुरूवात करण्यात आली. दीपप्रज्वलनानंतर शहीदांना श्रध्दांजली अर्पण करण्यात आली. प्रमुख पाहुण्यांचा सन्मानचिन्ह देऊन  सत्कार जिल्हा सैनिक कल्याण अधिकारी  माजी मेजर मिलिंद दे. तुंगार यांनी केला.

कार्यक्रमात उत्कृष्ट कामगिरी करणाऱ्या अधिकारी, कर्मचाऱ्यांचा सत्कार करण्यात आला. विशेष कामगिरी करणा-या सैनिक, माजी सैनिकांच्या पाल्यांचाही गौरव करण्यात आला. यामध्ये राजीव रमेश सांगळे, शैलेश हनुमंत गरड, तुषार शिंदे, तेजश्री सुनिल काळे, शुभदा सतीश जगदाळे, सोनाली सर्जेराव भोसले, प्रणय रामदास तिरखुंडे, शिवम सुधाकर बुनगे, सायली जालिंदर खांदवे, विवेक विश्वास वागज, अंकित मोहन सारुक  आदींचा समावेश होता. सूत्रसंचालन प्रियंका कुटे यांनी केले.  कार्यक्रमास उपविभागीय अधिकारी, तहसिलदार, माजी सैनिक, वीरमाता, वीरपत्नी, त्यांचे कुटुंबिय, माजी सैनिक संघटनांचे पदाधिकारी, सैनिकी मुला-मुलींच्या वस्तीगृहातील विद्यार्थी यांच्यासह डॉ. शशी कांबळे, सहायक जिल्हा सैनिक कल्याण अधिकारी विलासराव सावंत, कृष्णा वाघमारे, दीपक मोरे आदी उपस्थित होते.