पुणे- राज्यघटना बदलणारच असे वक्तव्य करणारे केंद्रीय राज्यमंत्री अनंतकुमार हेगडे यांचा निषेध पुणे जिल्हाधिकारी कार्यालयासमोर निषेध आंदोलन करण्यात आले . या आंदोलनात विविध पक्ष , संघटना व संस्थाचे पदाधिकारी कार्यकर्ते सहभागी झाले होते . या आंदोलनात आमदार ऍड जयदेवराव गायकवाड , एल. डी. भोसले , डॉ. संजय दाभाडे , विजय जाधव , अशोक राठी ,पंडित कांबळे , नगरसेवक प्रदीप गायकवाड , गोविंद पवार , राहुल तायडे , मयूर गायकवाड , मनाली भिलारे , शिवाजी गायकवाड , मोहन कांबळे , तुकाराम शिंदे , नितीन रोकडे , गणेश आल्हाट , प्रतीक कांबळे , जनार्दन जगताप , अक्षता राजगुरू , गितांजली हेंद्रे , सुरेश चेंडके , किरण शिंदे , सिध्दार्थ गायकवाड , कुमोद गायकवाड , केतन गायकवाड , मन्नू कागडा , अतिश वाघमारे , आनंद हिरवे , विकी कांबळे , प्रवीण डाळिंबे , अभिषेक बोके , रविकांत वर्पे , गंगाराम आल्हाट ,भोलासिंग अरोरा , रंगाशेठ , सुजित यादव , गणेश लांडगे , संग्राम होनराव पाटील , संतोष गायकवाड मोठ्या संख्येने कार्यकर्ते सहभागी झाले होते .
‘स्वतःला सेक्युलर, धर्मनिरपेक्ष म्हणवणाऱ्यांना त्यांचे आई-बाप कोण हे देखील ठाऊक नस’ असे वादग्रस्त वक्तव्य करतानाच;आम्ही संविधान बदलायलाच सत्तेत आलोय,असं विधानही केंद्रीय रोजगार आणि कौशल्यविकास राज्यमंत्री अनंतकुमार हेगडे यांनी केल्याचा आरोप करीत  त्यांच्या या विधानाचा आमदार ऍड. जयदेवराव गायकवाड यांनी संताप व्यक्त करून या वक्तव्याचा निषेध नोंदविला.
कोप्पल जिल्ह्यातील यलबुर्गा येथे झालेल्या ब्राह्मण युवा परिषदेत त्यांनी हे वक्तव्य केले. राज्यघटनेविरुद घटना निर्मितीपासूनच हिंदुत्ववादी पक्ष संघटनाचा विरोध होता . या देशाची संस्कृती व हिंदू धर्माला या घटनेत काहीच स्थान नाही म्हणून आम्ही एक दिवस हि घटना बदल्याशिवाय राहणार नाही , अशी त्यावेळी हिंदू महासभा , राष्ट्रीय स्वयंसेवक संघाची भूमिका होती व तशी अनेकदा त्यांची वक्तव्ये केली होती . दोन वर्षांपूर्वी सर संघ चालक मोहन भागवत यांनी देखील राज्यघटनेच्या बदलण्याची गरज आहे . अशा अर्थाचे वक्तव्य भाजपा एकीकडे डॉ. बाबासाहेब आंबेडकर व राज्य घटनेबाबत उदो उदो करतात प्रत्यक्षात घटना बदल हा त्यांचा मुख्य अजेंडा आहे . म्हणूनच हेगडे प्रवृत्ती अशी वक्तव्य करीत आहेत त्यांचा आम्ही निषेध करतो . असे ऍड जयदेवराव गायकवाड यांनी सांगितले .

पुणे – विद्यार्थ्यांमध्ये गणिताची आवड निर्माण व्हावी व हसतखेळत गणित शिकता यावे या उद्देशाने डेक्कन एज्युकेशन सोसायटीच्या न्यू इंग्लिश स्कूल, टिळक रोड भारतीय गणिती श्रीनिवासन रामानुजन यांच्या जयंतीनिमित्त गणती जत्रा आयोजित करण्यात आली होती.
वर्ग, घन, बेरीज, वजाबाकी, गुणाकार, भागाकार, जादूचे चौकोन, त्रिकोणमिती, मोजमाचे, उंची मोजणे, पायथॅगोरसचे प्रमेय आदी गणिताच्या संकल्पना मजेशीर खेळांच्या माध्यमातून शिकविण्यात आल्या. एकूण ८४ खेळांचे आयोजन करण्यात आले होते.
पाचवी ते सातवीच्या विद्यार्थ्यांसाठी ३४ व आठवी ते दहावीच्या विद्यार्थ्यांसाठी ५० खेळ मांडण्यात आले होते. बाराशे विद्यार्थ्यांनी सहभाग घेतला. पन्नास स्टॉलवर १२० विद्यार्थ्यांनी स्वयंसेवक म्हणून काम केले. ज्ञानप्रबोधिनीच्या विद्यार्थ्यांनी भेट दिली.
शाला समितीचे अध्यक्ष डॉ. सुनील भंडगे व मु‘याध्यापक नागेश मोने यांच्या मार्गदर्शनाखाली दिलीप रावडे, देविदास झोडगे, ठकसेन कनोजे, स्वाती जज्जल या गणिताच्या शिक्षकांनी संयोजन केले.

पुणे-डेक्कन एज्युकेशन सोसायटीच्या बृहन महाराष्ट्र वाणिज्य महाविद्यालयात बीएमसीसी डिजिटल क्लासरूमचे उद्घाटन उत्तर प्रदेशचे राज्यपाल राम नाईक यांच्या हस्ते नुकतेच करण्यात आले. सोसायटीच्या नियामक मंडळ व परिषदेचे अध्यक्ष डॉ. शरद कुंटे अध्यक्षस्थानी होते.
सतत हसत राहावे, चांगल्या कामाचे कौतुक करावे, कोणाचाही अवमान करु नये, अहंकार टाळावा आणि जे काही कराल ते उत्तम करावे असा संदेश श्री. नाईक यांनी यावेळी बोलताना दिला.
डिजिटल क्लासरूमच्या बोर्डवर प्राध्यापकांना बोटाने लिहिता येणार आहे. लिहिलेल्या गोष्टी आपोआप ङ्गाईलममध्ये सेव्ह होणार आहेत. विद्यार्थ्यांना पुन्हा अभ्यासण्यासाठी त्याचा उपयोग करता येईल. या ङ्गाईल शेअरही करता येतील. विविध विषयांवरील यू ट्यूबवरील व्या‘याने विद्यार्थ्यांना वर्गात पाहाता येणार आहेत. त्यासाठी आवश्यक व्हिडिओ, स्पिकर, इंटरनेटची व्यवस्था करण्यात आली आहे. पहिल्या टप्प्यात १३ क्लासरूम डिजिटल करण्यात आल्या असून या वर्षअखेर ४२ वर्गखोल्या डिजिटल केल्या जातील अशी माहिती प्राचार्य डॉ. चंद्रकांत रावळ यांनी दिली.
प्राचार्य डॉ. चंद्रकांत रावळ, उपप्राचार्य डॉ. जगदीश लांजेकर, डॉ. आशीष पुराणीक यांची प्रमुख उपस्थिती होती.