पुणे परिमंडलातील 60 हजार थकबाकीदारांची वीज खंडित

पुणे : पुणे व पिंपरी चिंचवड शहरांसह ग्रामीण भागात वीजबिलांचे थकबाकीदार असलेल्या 60 हजार 241 घरगुती, वाणिज्यिक व औद्योगिक वीजग्राहकांचा वीजपुरवठा गेल्या पंधरवड्यापासून सुरु असलेल्या ‘शून्य थकबाकी’ मोहिमेत खंडित करण्यात आला.

दरम्यान, ही मोहीम सुटीच्या दिवशीही सुरु राहणार असल्याने दि. 24 व 25 फेब्रुवारीला महावितरणचे वीजबिल भरणा केंद्र सुरु ठेवण्यात येणार आहेत.

पुणे परिमंडलात वीजबिलांची थकबाकी वसुल करण्यासाठी ‘शून्य थकबाकी’ची विशेष मोहिम सुरु झाली आहे. बुधवार (दि. 21) पर्यंत पुणे, पिंपरी चिंचवड शहरांसह मुळशी, जुन्नर, आंबेगाव, मावळ, खेड तालुक्यातील 29 कोटी 45 लाख रुपयांची थकबाकी असलेल्या 60 हजार 241 वीजग्राहकांचा वीजपुरवठा खंडित करण्यात आला आहे.

पुणे व पिंपरी चिंचवड शहरातील घरगुती, वाणिज्यिक व औद्योगिक अशा 45 हजार 693 थकबाकीदारांचा वीजपुरवठा 18 कोटी 90 लाख रुपयांच्या थकबाकीपोटी खंडित करण्यात आला आहे. तसेच मुळशी, जुन्नर, आंबेगाव, मावळ, खेड तालुक्यातील 14 हजार 548 थकबाकीदारांचा वीजपुरवठा 10 कोटी 56 लाखांच्या थकीत वीजबिलांमुळे खंडित करण्यात आला आहे.

या मोहिमेमुळे थकबाकी व चालू वीजबिलांचा वीजग्राहकांना भरणा करता यावा म्हणून पुणे परिमंडलातील महावितरणचे सर्व अधिकृत वीजबिल भरणा केंद्र दि. 24 व 25 फेब्रुवारीला सुटीच्या दिवशी सुरु राहणार आहेत. वीजग्राहकांकडे किती रक्कम थकीत आहे हे न पाहता वीजपुरवठा खंडित करण्यात येणार आहे. त्यामुळे वीजपुरवठा खंडित करण्याची कटू कारवाई टाळण्यासाठी थकीत वीजबिलांचा त्वरीत भरणा करून सहकार्य करावे, असे आवाहन महावितरणने केले आहे. थकीत वीजबिल भरण्यासाठी स्थानिक वीजबील भरणा केद्रांसह व घरबसल्या ‘ऑनलाईन’ पेमेंटसाठी महावितरणची www.mahadiscom.in ही वेबसाईट तसेच मोबाईल अ‍ॅपचा पर्याय उपलब्ध आहे.

– शनिवारी व रविवारी पर्यवेक्षणासाठी प्रादेशिक कार्यालयाचे विशेष पथके

पुणे, पिंपरी चिंचवड शहरांसह ग्रामीण भागात थकबाकीदार ग्राहकांच्या वीजजोडण्या खंडित करण्याचे व सुटीच्या दिवशीसुद्धा ही कारवाई आक्रमकपणे सुरु ठेवण्याचे निर्देश देण्यात आलेले आहेत. त्याचे पर्यवेक्षण करण्यासाठी प्रादेशिक कार्यालयातील अधिकार्‍यांचे विशेष पथक शनिवारी व रविवारी पुणे परिमंडलात विविध ठिकाणी भेटी देऊन थकबाकीदारांविरुद्ध सुरु असलेल्या कारवाईबाबतचा अहवाल वरिष्ठांकडे सोपविणार आहे.

पुणे: भारत पेट्रोलियम कॉर्पोरेशन लिमिटेड यांच्या तर्फे आयोजित 23व्या पीएसपीबी आंतर युनिट कबड्डी अजिंक्यपद स्पर्धेत एकतर्फी झालेल्या लढतीत ओएनजीसी संघाने ईआयएल संघाचा 33-17 असा तर एमआरपीएल संघाचा 34-19 असा पराभव करत 6 गुणांसह अंतिम फेरीत प्रवेश केला.

पीवायसी हिंदू जिमखाना बास्केटबॉल कोर्ट येथे आजपासून सुरू झालेल्या या स्पर्धेत राऊंड रॉबिन फेरीत ओएनजीसी संघाने ईआयएल संघाचा एकतर्फी लढतीत 33-17 असा पराभव केला. अमित हूडाने याने केलेल्या खोल चढायांच्या बळावर मध्यंतरापुर्वी ओएनजीसी संघाने 15-6 अशी भक्कम आघाडी घेतली. अमितने 10 चढायांमध्ये 9 गुण मिळवले तर ईआयएल संघाच्या अरविंद व जे.पी यादव याच्या चढायांना निश्प्रभ करत राजेश नरवालने आपल्या लौकीकाला साजेल अशी कामगिरी करत उत्कृष्ट पकडी केल्या व संघाला मोठा विजय मिळवून दिला.

दुस-या लढतीही ओएनजीसी संघाने एमआरपीएल संघाला धुळ चारत 34-19 असा विजय संपादन करून स्पर्धेत 6 गुणांसह अंतिम फेरीत प्रवेश केला. दुस-या सामन्यातही अमित हुडा चमकला व त्याने 11 चढायांमध्ये 10 गुण मिळवत संघाला दुस-याही लढतीत मोठा विजय मिळवून दिला. नवनित गौतमने चलाखीने पकडी करत एमआरपीएल संघाचे मनोबल खच्ची केले व संघाला विजय मिळवून दिला.

ओएनजीसी व बीपीसीएल संघांनी 6 गुणांसह अंतिम फेरी गाठली.

स्पर्धेचा सविस्तर निकाल- राऊंट रॉबिन फेरी
ओएनजीसी वि.वि ईआयएल 33-17 (15-6 मध्यांतरापुर्वी)
ओएनजीसी वि.वि एमआरपीएल 34-19(19-10 मध्यांतरापुर्वी)

पुणे- डेक्कन एज्युकेशन सोसायटीचे बृहनमहाराष्ट्र वाणिज्य महाविद्यालय (बीएमसीसी) आणि व्ही. पी. पेस ऍकॅडमी आणि पुणे जिल्हा व अखिल भारतीय मराठी बुध्दिबळ संघटनेच्या वतीने आयोजित केलेल्या राज्य खुल्या जलद बुध्दिबळ स्पर्धेत विश्‍वजित नायक, गौरव झगडे, शिवराज पिंगळे, प्रथमेश शेर्ला यांनी विविध वयोगटांमध्ये विजेतेपद पटकाविले.
बीएमसीसीच्या अमृत महोत्सवानिमित्त आयोजित या स्पर्धेत ५ ते ७२ वयोगटातील २६२ स्पर्धकांनी सहभाग घेतला. ८, १२, १६ व खुला अशा चार गटात या स्पर्धा झाल्या. प्राचार्य डॉ. चंद्रकांत रावळ यांच्या हस्ते बक्षिसे देण्यात आली. ज्येष्ठ बुध्दिबळ मार्गदर्शक जोसेफ डिसूझा, व्ही. पी. चेस असोसिएशनचे सचिव वंदन पोतदार, ऍकॅडमीचे अध्यक्ष उदयचंद्र कवडी, पुणे जिल्हा चेस असोसिएशनचे सचिव राजेंद्र कोंडे, स्पर्धेचे प्रायोजक जयप्रकाश सुराणा, अनिल पवार यावेळी उपस्थित होते. राजेंद्र कोंडे यांनी सूत्रसंचालन केले.
स्पर्धेचे निकाल पुढीलप्रमाणे
८ वर्षांखालील गट ः प्रथमेश शेर्ला, वरद नांदुर्डीकर, ध्रुपद पठारी
१२ वर्षांखालील गट ः शिवराज पिंगळे, अनुज दांडेकर, श्रीपाद नाईक
१६ वर्षांखालील गट ः गौरव झगडे, अमित धुमाळ, ओ लांबमाने
खुला गट ः विश्‍वजित नायक, केवल निर्गुण, गौरव हगवणे

पुणे-

पुणे- पीएमटी आणि पीसीएमटी ची पीएमपीएमएल करून आपल्या हातातील अधिकार आणि  सूत्रे महापालिकेने घालविली ..स्मार्ट सिटी नावाची  कंपनी करून या कंपनी मार्फत काही भागात विकासाची कामे सुरु केली .पैसा महापालिकेचा पण त्यावर नियंत्रण ठराविक महाभागांचे … असाच कारभार पुढे चालू ठेणारा आणखी एक प्रस्ताव आज महापालिकेच्या मुख्य सभेपुढे येतो आहे. तो म्हणजे नदी विकास आणि संवर्धनाच्या कामासाठी आता एसपीव्ही स्पेशल  पर्पज व्हेईकल स्थापित करण्याचा …
वाहतूक ,सुशोभीकरण,नदी संवर्धन अशी कामे आता कंपन्या स्थापन करून केली जाणार आहेत .मेट्रो चे ही तसेच आहे . हळू हळू महापालिकेचा कारभार परावलंबी होत असल्याची हि चन्हे मानली जात आहे . इस्ट इंडिया कंपनी आली होती देशात ..तसाच काहीसा हा प्रकार होतो आहे . संगनमत करणारे ठराविक पदाधिकारी आधीकारी म्हणजे मुठभर लोकांकडे सर्वाधिकार जात आहेत . आणि लोकांनी लोकांसाठी निवडून दिलेले सामान्य प्रतिनिधी ताटाखालचे मांजर बनून वावरत आहेत अशी परिस्थिती कालांतराने दिस्लीतर नवल वाटणार नाही असाही दावा समीक्षकांकडून केला जातो आहे .
लोकशाहीच्या मूल्याला ठेच पोहोचविणारा हा कारभार लोकशाहीच्याच सावलीतून मार्गस्थ झालेला आहे हे विशेष .

पुणे-चर्च ऑफ ख्राईस्टच्या वर्धापनदिनानिमित्त राज्यस्तरीय भजन स्पर्धा संपन्न झाल्या .वडगाव शेरीमधील  स्फूर्ती प्रेरणा भजनी मंडळ व चर्च ऑफ ख्राईस्ट यांच्या संयुक्त विद्यमाने या राज्यस्तरीय भजन स्पर्धा

चर्च ऑफ ख्राईस्टच्या वर्धापनदिनानिमित्त राज्यस्तरीय भजन स्पर्धा संपन्न झाल्या .वडगाव शेरीमधील  स्फूर्ती प्रेरणा भजनी मंडळ व चर्च ऑफ ख्राईस्ट यांच्या संयुक्त विद्यमाने या राज्यस्तरीय भजन स्पर्धा पार पडल्या . या स्पर्धेत १७ भजनी मंडळांनी सहभाग घेतला . या स्पर्धेमध्ये प्रथम राहुरी येथील आराधना भजनी मंडळास स्मृती चिन्ह व पंधरा हजार रुपये रोख  , व्दितीय बारामती येथील चर्च ऑफ ख्राईस्ट स्मृती चिन्ह व दहा हजार रुपये रोख तर तृतीय मध्ये विभागून पुणे मधील  पंचहौद मिशन येथील सुरेश कला मंच  व वानवडी येथील चर्च ऑफ नाझरीन स्मृती चिन्ह व  विभागून दोघाना साडेतीन हजार रुपयांची बक्षिस तर चौथे अहमदनगर येथील लालटाकी येथील ख्रिस्त सेवा भजनी मंडळास स्मृतिचिन्ह व  पाच हजार रुपये तर उत्तेजनार्थ बक्षीस दौड येथील ख्रिस्त सेवा मंडळास देण्यात आले .

यावेळी रेव्ह. नाना दार , रवींद्र जाधव , किरण पवार ,प्रभुदास दुप्ते , लिलीमेरी जॉर्ज , किशोर पाटोळे , उल्हास पगी , प्रमोद पारधे , महेश बेंजामिन , डॉ. पी. बी. पवार , प्रशांत काकडे , इमान्युअल जॉर्ज , पदमा जॉर्ज , देविदास श्रीसुंदर , डॉ. स्वप्नील पाटील , डॉ. संगीता गायकवाड , डॉ. रजनीकांत गायकवाड आदी मान्यवर उपस्थित होते . या कार्यक्रमाची सुरुवात चर्च ऑफ ख्राईस्टचे धर्मगुरू पास्टर बेंजामिन तिवारी यांनी प्रार्थना व पवित्र शास्त्र वाचून केली .

या स्पर्धेचे आयोजन रेव्ह. पीटर जॉर्ज , जॉन जॉर्ज , रूबेन जॉर्ज , अनिल राठोड ,  चर्च ऑफ ख्राईस्ट तरुण संघ व चर्च ऑफ ख्राईस्ट कार्यकारिणी मंडळ व जॉर्ज परिवार  यांनी केले होते . या स्पर्धेचे परिक्षक विजय पवार , संगीता घोडे व  समीर गायकवाड   यांनी केले . कार्यक्रमाचे सूत्रसंचालन स्टीव्हन गोडे यांनी केले . तर आभार रेव्ह. पीटर जॉर्ज यांनी मानले .

पुणे: भारत पेट्रोलियम कॉर्पोरेशन लिमिटेड यांच्या तर्फे आयोजित 23व्या पीएसपीबी आंतर युनिट कबड्डी अजिंक्यपद स्पर्धेत बीपीसीएल संघाने  ईआयएल  संघाचा 34-21 असा सहज पराभव करत आपली विजयी घोडदौड कायम राखली तर ओएनजीसी संघाने सीपीसीएल संघाचा 29-13 असा दणदणीत पराभव करत स्पर्धेत आगेकुच केली.

पीवायसी हिंदू जिमखाना बास्केटबॉल कोर्ट येथे आजपासून सुरू झालेल्या या स्पर्धेत राऊंड रॉबिन फेरीत महेंद्र राऊतच्या बिनचूक चढायांच्या बळावर बीपीसीएल संघाने  ईआयएल  संघाचा 34-21 असा सहज पराभव पराभव करत स्पर्धेत सलग तिसरा सामना जिंकून हॉट्रीक केली. सूरूवातीपासूनच आक्रमक चढाया करून महेंद्रने ईआयएल संघावर दबाव निर्माण केला. मध्यंतरापुर्वी 17-9 अशी भक्कम आघाडी घेतली. नितिन मोरेने अरविंद व आर.एस राणा यांच्या कौशल्यपुर्ण पकडी करून ईआयएल संघाचा खेळ निश्प्रभ केला. सामन्याच्या सुरूवातीला घेतलेली आघाडी सामन्याच्या शेवटपर्यंत कायम राखत बीपीसीएल संघाने स्पर्धेत सलग तिसरा विजय नोंदवला.

दुस-या लढतीत ओएनजीसी संघाने सीपीसीएल संघाचा 29-13 असे पछाडत दणदणीत विजय मिळवला. मध्यंतरापुर्वी 13-3 असे गुण असताना ओएनजीसी संघाने सीपीसीएल संघावर लोन चढवून दबाव निर्माण केला. ओएनजीसी संघाकडून सोमवीरने 10 चढायांमध्ये 9 गुण मिळवत उत्कृष्ट खेळाचे प्रदर्शन केले. मनप्रीतने सर्वाधीक पकडी करून संघाला 29-13 असा मोठा विजय मिळवून दिला.

स्पर्धेचा सविस्तर निकाल- राऊंट रॉबिन फेरी
बीपीसीएल वि.वि ईआयएल 34-21 (17-9 मध्यांतरापुर्वी)
ओएनजीसी वि.वि सीपीसीएल 29-13 (19-6 मध्यांतरापुर्वी)