पुणे-दलित पँथरचा प्रमुख कार्यकर्त्यांचा राज्यस्तरीय संकल्प मेळावा वडगाव शेरीमधील भैरवनाथ चौकात उत्साहात संपन्न झाला . या संकल्प मेळाव्याचे उदघाटन कामगार नेते विजय कांबळे यांच्याहस्ते छत्रपती शिवाजी महाराज व डॉ. बाबासाहेब आंबेडकर यांच्या प्रतिमेस पुष्पहार अर्पण करून करण्यात आले . या मेळाव्याच्या अध्यक्षस्थानी दलित पँथरचे महाराष्ट्र प्रदेश अध्यक्ष सुखदेव सोनवणे , ऐक्यवादी रिपब्लिकन पार्टीचे नेते दिलीप जगताप ,दलित पँथरचे महाराष्ट्र प्रदेश कार्याध्यक्ष मंगेश मोरे ,विद्यार्थी संघटनेचे अध्यक्ष  शुभम  सोनवणे ,वाल्मिक सरतापे ,  विक्रम कांबळे , बाळासाहेब साळवे , नारायण गलांडे ,दलित पँथरचे पुणे शहर प्रकाश साळवे , अरुणा हरपळे , प्रविण रणदिवे , राजू गायकवाड , विकास भोसले , के. टी. जगताप आदी मान्यवर उपस्थित होते .

या मेळाव्याच्या अध्यक्षस्थानी दलित पँथरचे महाराष्ट्र प्रदेश अध्यक्ष सुखदेव सोनवणे  यांनी सांगितले कि , भीमा कोरेगाव हल्ला मधील मिलिंद एकबोटे , व मनोहर भिडे याना सर्वोच्च न्यायालयाने अटक करण्याचे आदेश दिले असताना देखील केंद्र सरकारच्या भूमिकेमुळे हो दोघे अटक झाले नाही . त्यासाठी सरकारची मक्तेदारी मोडून काढायला हवी . त्यामध्ये रामदास आठवले यांनी जातीय वाद्यांशी युती केली आहे . त्यामुळे आंबेडकरी समाज तुम्हाला जाब विचारल्याशिवाय राहणार नाही .

यावेळी ऐक्यवादी रिपब्लिकन पार्टीचे नेते दिलीप जगताप यांनी मार्गदर्शन करताना सांगितले कि , देशात जातीयवादी धर्माध सरकार काम करीत आहे . सर्वोच्च न्यायालयाचा अटक करण्याचा आदेश असताना देखील अटक होत नाही . हे संविधानाचे राज्य आहे का ? असा सवाल त्यांनी उपस्थित केला . जाती जातीमध्ये भांडणे लावण्याचे काम चालू आहे . त्यासाठी आपल्याला यल्गार करावा लागणार आहे . पँथर हा लढायला नेहमी सज्ज असतो . त्यासाठी आपला सर्वाना संघटीत होऊन हे सर्व प्रश्न सोडवायचे आहेत . जिथे जिथे अन्याय अत्याचार होतो तिथे दलित पँथर न्याय देण्याचे काम करतो .

यावेळी  कामगार नेते विजय कांबळे  यांनी सांगितले कि , सगळ्याचे स्मारके झाली परंतु डॉ. बाबासाहेब आंबेडकरांचे स्मारक नसल्याची खंत व्यक्त करून इंदू मिलच्या जागी स्मारक झालेच पाहिजे . अशी मागणी करून स्मारकाचे उभारणीचे भूमिपूजन झाले परंतु प्रत्यक्ष कामाला सुरुवात झाली नाही . त्यासाठी आपल्याला डोळे उघडे ठेवून सामना करावा लागणार आहे . त्यासाठी तरुणांनी पुढे आले पाहिजे . यापुढे कामगार राहणार नाही कारण सध्याचे सरकार ट्रेंड युनियन कायदा रद्द करण्याचे काम करीत आहे .

या संकल्प मेळाव्यात उपस्थितांचे स्वागत व कार्यक्रमाचे प्रास्तविक प्रकाश साळवे यांनी केले तर सूत्रसंचालन वाल्मिक सरतापे यांनी केले तर आभार  विक्रम कांबळे यांनी मानले .

पुणे-माळी आवाज संस्थेच्यावतीने माळी समाजाचा राज्यस्तरिय वधूवर परिचय मेळावा उत्साहात संपन्न झाला . या मेळाव्याचे उदघाटन माजी आमदार कमल ढोलेपाटील यांच्याहस्ते संत शिरोमणी सावता महाराज , महात्मा फुले व सावित्रीबाई फुले यांच्या प्रतिमेस पुष्पहार अर्पण करून विनम्र अभिवादन करून करण्यात आले . वानवडीमधील केदारी गार्डनमध्ये झालेल्या या मेळाव्यास प्रमुख पाहुणे साताराचे माजी नगराध्यक्ष राजू भोसले , कृषिभूषण पुरस्कार विजेते आनंदराव गाडेकर , सेवा निवृत्त न्यायाधीश माधानता झोडगे , विठ्ठलराव केदारी , दिनेशप्रसाद होले आदी मान्यवर उपस्थित होते .

या मेळाव्यामध्ये ३१२ वधू तर १८३ वर सहभागी झाले होते . यावेळी माजी आमदार कमल ढोलेपाटील यांनी सांगितले कि , भावी आयुष्य उज्वल घडविण्यासाठी एकमेकांची मने जुळविली पाहिजे . तसेच लग्न जमविताना तडजोड हि असलीच पाहिजे , मनपसंत जोडीदार मिळविण्यासाठी वधू वर मेळावे वधू वर यांना फायदेशीर ठरत आहे . नुसती नोकरी आणि उच्च पगार पाहू नका तर स्वभाव , आवडी निवडी सुध्दा पहा असे त्यांनी वधू वरांना आवाहन केले .

या मेळाव्याचे प्रास्तविक व उपस्थितांचे स्वागत विजयकुमार लडकत यांनी केले तर सूत्रसंचालन पांडुरंग गाडेकर यांनी केले तर आभार रोहिणी बनकर यांनी मानले .

पुणे-पंडित विनायक फाटक यांच्यासारख्या ज्येष्ठ गुरुने शेकडो शिष्य तयार केलेत ही मोठी संगीत सेवा आहे असे सांगत ज्येष्ठ व्हायोलीन वादक फैयाज हुसेन यांनी आज ज्येष्ठ तबलावादक विनायक फाटक यांच्या 71व्या वर्षात पदार्पणानिमित्त त्यांचा सत्कार केला. जंगली महाराज रस्त्यावरील स्वरमयी गुरूकुल येथे पार पडलेल्या या कार्यक्रमात त्यांचे शिष्य व रसिकांनी मोठी गर्दी केली होती.

याप्रसंगी पुढे बोलताना ज्येष्ठ व्हायोलीन वादक फैयाज हुसेन म्हणाले की, गायन वादन नृत्य यांना एकत्रितपणे संगीत म्हटले जाते. विद्यार्थ्यांनी संगीत शिकायला लागल्या पासून 40 दिवस घराच्या बाहेर न पडता सतत रियाझ करून कला अजून वाढवावी. संगीताच्या साधनेसाठी रियाझ सातत्य आणि आजन्म शिष्य बनून संगीताची सेवा केली पाहिजे असे ते म्हणाले.

कलासागरतर्फे दिला जाणारा अखिल भारतीय राज्यनाट्य संमेलनात कलारत्न 2018 हा पुरस्कार पंडित विनायक फाटक यांना प्रदान करण्यात येणार असल्याची घोषणा या मैफलीत करण्यात आली.

जेष्ठ तबला वादक पंडित विनायक फाटक यांच्या 71व्या वर्षातील पदार्पण सोहळ्या निमित्ताने संगीत मैफलीचे आयोजन करण्यात आले होते. या मैफलीत प्रथम विनायक फाटक यांच्या कन्या आणि ख्यातनाम गायिका डॉ. रेवा नातू यांचे शास्त्रीय गायन सादर झाले. प्रथम राग यमन मधील ‘देहो दान मोहे’ या विलंबित झुमरा या बड्याख्यालाने मैफलीस सुरुवात झाली त्यानंतर नातू यांनी ‘ननदिके बचनवा सहेन जाये’ ही तीनतालात पारंपारिक बंदिश डॉ. नातू यांनी सादर केली. त्याला जोडून उदानी दानी तदानी हा द्रुत त्रितालात ताराना अत्यंत कसदारपणे सादर करून सर्वांना जागीच खिळवून ठेवले. त्यानंतर पंडित बलवंतराय भट्ट यांचा राग अडाणा मध्ये ‘होरी होरी खेलत नंदलाल’ हा चतरंग सादर करून सर्व उपस्थितांना मंत्रमुग्ध केले. रेवा नातू यांना संवादिनी साथ लीलाधर चक्रदेव यांनी तर तबला साथ विवेक भालेराव यांनी आणि तांपुर्याची साथ प्रणाली पवार यांनी केली.

त्यानंतर जेष्ठ तबलावादक पंडित विनायक फाटक यांचे स्वतंत्र तबलावादन सादर झाले. त्यांना सह तबला वादनाची संगत त्यांचे सुपुत्र प्रशांत फाटक यांची लाभलेली होती. यामध्ये प्रथम पेशकार, कायदे, मुखडे तुकडे, रेला, परण  आणि विविध पारंपारिक उस्तादांच्या रचनांचा समावेश स्वतंत्र तबलावदनामध्ये करण्यात आला. अतिशय कसदार आणि दमदारपणे तबल्यातील बारकाई आणि रियाझ कसा गरजेचा आहे याचे मार्गदर्शन आपल्या वादनातून पंडित विनायक फाटक यांनी केले. फाटक यांना उदय शहापूरकर यांची नगमासाथ लाभलेली होती. या मैफलीला जेष्ठ व्हायोलीन वादक फैयाज हुसेन हे प्रमुख पाहुणेपदी लाभले. ध्वनी व्यवस्था रवी मेघावत यांची लाभली होती व सूत्रसंचालन पराग आगटे यांनी केले.

पुणे-महामानव संघटना आयोजित आमदार ऍड. जयदेवराव गायकवाड यांच्या वाढदिवसानिमित्त आयोजित आमदार चषक २०१८ ताडीवाला रोड येथील जय माता दी संघाने जिंकला . ताडीवाला रोड येथील रेल्वे पोलिस मैदानावर पुणे जिल्हास्तरीय क्रिकेट स्पर्धा संपन्न झाल्या . या क्रिकेट स्पर्धेमध्ये ३२ संघानी भाग घेतला . या क्रिकेट स्पर्धेमधील अंतिम क्रिकेटचा सामना ताडीवाला रोड येथील जय माता दि संघ व कोथरूड येथील मृत्युंजय संघामध्ये झाला . यामध्ये जय माता दी संघ विजयी ठरला .

या क्रिकेट स्पर्धेचा बक्षीस वितरण आमदार ऍड. जयदेवराव गायकवाड यांच्याहस्ते पार पडला . विजेत्या संघास ३३३३३ रोख रक्कम व स्मृतिचिन्ह देण्यात आले . यावेळी प्रमुख पाहुणे म्हणून पुणे जिल्हा परिषद सदस्य रोहित पवार , महाराष्ट्र प्रदेश राष्ट्रवादी विद्यार्थी काँग्रेस अध्यक्ष अजिंक्यराणा पाटील , माजी आमदार कमल ढोलेपाटील ,  नगरसेवक प्रदीप गायकवाड ,  नगरसेवक प्रशांत जगताप ,नगरसेवक अशोक कांबळे , माजी नगरसेवक रविंद्र माळवदकर , आरिफ बागवान , प्रा. मयूर गायकवाड ,ऋषी परदेशी , अशोक राठी , पंडित कांबळे , भोलासिंग अरोरा , जनार्दन जगताप , ऍड. प्रविण डाळिंबे , संतोष गायकवाड , अतिश वाघमारे , मुनीर सय्यद , तुकाराम शिंदे आदी मान्यवर उपस्थित होते .

या क्रिकेट स्पर्धेसाठी महामानव संघटनेचे अध्यक्ष संतोष थरकार ,  भीमसेन जमादार ,  प्रीतम भोसले , धनंजय कांबळे , रमेश रामोशी , ऋतिक सुडगे , अजय कांबळे , भगवान नायकवडे , हर्षद कांबळे , सनी चव्हाण , मल्लेश बेलदरे , अर्जुन जमादार , निलेश भिंगारे , नागेश कांबळे , राजेश सुडगे व अमित काकडे आदींनी विशेष परिश्रम घेतले .

यावेळी बक्षीस वितरण कार्यक्रमात सर्वांचे स्वागत प्रा. मयूर गायकवाड यांनी केले तर सूत्रसंचालन जर्नादन  जगताप व हरिष काकडे यांनी केले तर आभार आनंद सवाणे यांनी मानले .

मुख्य अभियंता श्री. एम. जी. शिंदे यांचे भावनिक आवाहन

पुणे : महावितरणचे कर्मचारी म्हणून कोणतेही प्रलोभन समोर आल्यावर कंपनीसह सर्वप्रथम कुटुंबिय व सगेसोयऱ्यांचा विचार करून त्यास स्पष्ट नकार द्यावा. स्वतःशी व महावितरणशी प्रामाणिक राहून वीजसेवेचे आपले कर्तव्य, जबाबदाऱ्या पूर्ण कराव्यात असे भावनिक आवाहन पुणे परिमंडलाचे मुख्य अभियंता श्री. एम. जी. शिंदे यांनी शनिवारी (दि. 03) केले.

येथील रास्तापेठ कार्यालयाच्या प्रांगणात पुणे शहरातील सर्व अभियंता, अधिकारी, जनमित्र व कार्यालयीन कर्मचारी यांच्याशी थेट हितगूज करताना मुख्य अभियंता श्री. एम. जी. शिंदे बोलत होते. यावेळी अधीक्षक अभियंता श्री. महेंद्र दिवाकर, श्री. सुंदर लटपटे, श्री. राजेंद्र पवार यांची प्रमुख उपस्थिती होती.

मुख्य अभियंता श्री. एम. जी. शिंदे म्हणाले की, सार्वजनिक सेवा क्षेत्रातील महावितरणमध्ये काम करताना ग्राहकसेवा हेच आपले सर्वोच्च कर्तव्य आहे. ते पारदर्शकपणे व प्रामाणिक राहूनच बजावले पाहिजे. कुटुंबियांच्या गरजा पूर्ण होतील एवढे वेतन महावितरणकडून प्रत्येकाला मिळत आहे. पण त्यानंतरही प्रलोभनांना बळी पडल्यास सर्वप्रथम वाताहत संबंधीत कर्मचार्‍यांच्या कुटुंबियाची होते, हे लक्षात ठेवणे आवश्यक आहे. त्याच्या कुटुंबियाचे भावविश्व उद्‌ध्वस्थ होते. घरातील हसणे खिदळणे संपुष्टात येते. मानसिक तणाव वाढतो व न्यूनगंडही निर्माण होतो. सोबतच समाजात अप्रतिष्ठा होते. सगेसोयरे अंतर ठेऊन राहतात. महावितरणचीही जनमानसात प्रतिमा मलीन होते. या सर्व गोष्टी टाळण्यासाठी प्रामाणिकपणे काम करून ग्राहकांमध्ये स्वतः व कंपनीबद्दलचा चांगुलपणा निर्माण करावा असेही त्यांनी सांगितले. लोभ असला तर तो आपले आईवडील, कुटुंबिय, सगेसोयऱ्यांबद्दल ठेवावा. वाईट मार्गावर नेणारे प्रलोभन किंवा लोभ हे क्षणिक असले तरी त्याचे परिणाम स्वतःसह कुटुंबियांनाही आयुष्यभर भोगावे लागतात. त्यामुळे प्रलोभनांना थारा न देता ग्राहकसेवा किंवा कार्यालयीन कामकाज हे नियमाधीन राहून प्रामाणिकपणे व पारदर्शकपणे करावे, असे आवाहन त्यांनी केले.

संपूर्ण राज्यात पुणे परिमंडल हे थकबाकीमुक्तीचे, उत्कृष्ट व जलद ग्राहकसेवेचे तसेच अखंडित वीजपुरवठ्याचे एक मॉडेल ठरावे या उद्दिष्टपूर्तीसाठी सर्व अभियंता, अधिकारी, कर्मचाऱ्यांनी कोणत्याही प्रलोभनांना बळी न पडता प्रामाणिकपणे व एकजुटीने काम करावे, अशी साद मुख्य अभियंता श्री. एम. जी. शिंदे यांनी दिली. यावेळी उपस्थितांनी त्यांच्या सादाला एकदिलाने व निर्धारापूर्वक प्रतिसाद दिला.

कार्यक्रमात अधीक्षक अभियंता सर्वश्री महेंद्र दिवाकर, सुंदर लटपटे, राजेंद्र पवार यांनीही मनोगत व्यक्त केले. पुणे शहरातील थकबाकी शून्य करण्यासोबतच उत्कृष्ट व पारदर्शक ग्राहकसेवेचे त्यांनी उपस्थितांना आवाहन केले. कार्यक्रमाचे सूत्रसंचालन उपमुख्य औद्योगिक संबंध अधिकारी श्री. रामगोपाल अहिर यांनी केले व आभार मानले. यावेळी विविध कर्मचारी संघटनांचे पुणे शहरातील पदाधिकारी, सर्व कार्यकारी अभियंते, उपविभाग कार्यालयप्रमुखांसह अभियंते, अधिकारी, जनमित्र व कार्यालयीन कर्मचारी मोठ्या संख्येने उपस्थित होते.

पुणे :‘डॉ. डी.वाय.पाटील इन्स्टिट्यूट ऑफ एमसीए अ‍ॅण्ड एमबीए’ आयोजित ‘अ‍ॅडव्हान्सेस इन कॉम्प्युटर टेक्नॉलॉजी अ‍ॅण्ड मॅनेजमेंट’ विषयावर दोन दिवसीय आंतरराष्ट्रीय परिषदेचे उद्घाटन आज शुक्रवारी डॉ. गणेश नटराजन (अध्यक्ष, 5 एफ वर्ल्ड) यांच्या हस्ते झाले.

जगभरातील अनेक संशोधक आणि तज्ञांनी परिषदेत सहभाग घेतला होता.डॉ.डी.वाय.पाटील एज्यूकेशनल कॉम्प्लेक्स आकूर्डी कॅम्पसमध्ये झालेल्या परिषदेच्या उद्घाटनप्रसंगी डॉ. मिडऑग्स कुर्मीस (क्लैपेडा युनिव्हर्सिटी, लिथुएनिया), विजोलेट सुलसाने (लिथुएनिया), यान डूक मान (साऊथ कोरीया), मिनवू सेओ (साऊथ कोरीया), सान्ग हॅक ली (साऊथ कोरीया), रॉजर टेलर (डेन्मार्क) उपस्थित होते.एस. के. जोशी, के. निर्मला (संचालक एमसीए विभाग), डॉ. शलाका पारकर (अधिष्ठाता, एमबीए विभाग), यु. आर. देशपांडे आदी मान्यवर उदघाटन कार्यक्रमाला उपस्थित होते.300 प्रतिनिधी आणि संशोधक सहभागी झाले होते आणि 4 पेपर प्रेझेन्टेशन सत्रे आयोजित करण्यात आली.सतेज पाटील (माजी मंत्री आणि अध्यक्ष, डॉ. डी.वाय.पाटील इन्स्टिट्यूट ऑफ एमसीए अ‍ॅण्ड एमबीए) यांच्या हस्ते गणेश नटराजन आणि डॉ. मिडऑग्स कुर्मीस यांचा सत्कार करण्यात आला.

याप्रसंगी बोलताना गणेश नटराजन म्हणाले, ‘सोशल मीडिया, मोबिलीटी, अॅनालिटीक्स, क्लाऊड म्हणजे ‘स्मॅक’चा जमाना आहे. सतत बदल होत आहेत, अनिश्चितता वाढत आहे. अशा परिस्थितीत बदल आत्मसात करुन त्यापालिकडचे अंतज्ञान विद्यार्थांना देण्याचा प्रयत्न विद्यापीठांनी केला पाहिजे.’सतेज पाटील म्हणाले, ‘जागतिक डिजिटल क्रांतीद्वारे प्रचंड क्रांतीकडे वाटचाल सुरू आहे, पण, यामध्ये ग्रामीण भारताला या नव्या संशोधनांची मदत होणे गरजेचे आहे.कविता सुर्यवंशी यांनी आभार मानले.