पुणे- मी सहज महापालिकेत आलो , काही राजकीय वगैरे काम नव्हते,महापौरांचे कार्यालय हि पाहिले नव्हते , असे वक्तव्य जरी पशुसंवर्धन मंत्री महादेव जानकर यांनी केले असले तरी त्यावर कोणी विश्वास ठेवायला तयार नाही .पुणे महापालिकेच्या स्थायी समिती अध्यक्षपदाचा भाजपचा उमेदवार जाहीर होणे, त्या उमेदवाराचा अर्ज दाखल करणे अशा प्रक्रिया आज दुपारी 3 वाजल्यानंतर सुरु होणार असताना दुपारी सव्वादोन नंतर अचानक मंत्री महादेव जानकर पुणे महापालिकेत पदाधिकाऱ्यांचे कार्यालय असलेल्या तिसऱ्या मजल्यावर दिसले आणि राजकीय तर्क वितर्क लढविले जावू लागले .
जानकर हे मंत्री आहेत ते कामाशिवाय महापालिकेत येतील कसे ? असा प्रश्न अनेकांना पडला . यावेळी व्हरांड्यात च ते पत्रकारांशी बोलू लागले तेव्हा त्यांना पत्रकार कक्षात काही पत्रकारांनी नेले . नगरसेवक गोपाल चिंतल त्यांच्या बरोबर होते,अनेक विविध पक्षांच्या नगरसेवकांनी त्यांच्या समवेत फोटो काढून घेतले .पण ते आले तेव्हा कोणीही पदाधिकारी त्यांच्या स्वागताला उपस्थित नव्हता. महापौर आणि सभागृहनेते त्यांना भेटल्याचे वृत्त नव्हते .मात्र ते सभागृह नेत्यांच्या अँटीचेंबर मध्ये अवघी 3 मिनिटे जावून आले …. यावेळी त्यांचा पत्रकारांशी झालेला संवाद .. पहा आणि ऐका …
(या शिवाय त्यांनी पत्रकार कक्षात काही स्थानिक वाहिन्यांशी केलेला संवाद
https://www.facebook.com/MyMarathiNews/ या पेजवर लाइव्ह केलेला जरूर पहा)