पुणे-

जागतिक मानवाधिकार दिनानिमित मानवाधिकार प्रखर शोध मोहीम सोसायटीच्यावतीने यंदाच्या वर्षीचा विशेष पुरस्कार ख्रिस्तोपर राजमनी यांना शाल , श्रीफळ व पुष्पगुछ देउन देण्यात आला . ख्रिस्तोपर राजमनी  हे शालोम ख्रिश्चन असोसिएशनचे अध्यक्ष असून त्यांनी गरजू महिलांना मदत , तसेच चर्चचे नूतनीकरण , रंगकाम , दफनभूमीमध्ये रंगरंगोटी , पाण्याची व्यवस्था , रुग्णांना रुग्णवाहिका , नाताळनिमित्त सामूहिक प्रभू येशू ख्रिस्ताची जन्मोत्सवाची गाण्याच्या स्पर्धा , रुग्णांना आर्थिक व वैद्यकीय मदत त्यांनी केली आहे . त्यानिमित्ताने त्यांना विशेष पुरस्कार देउन सन्मानित करण्यात आले . या कार्यक्रमात पीटर डिक्रूज , विल्सन डॅनियल यांचा सत्कार करण्यात आला .

यावेळी  मानवाधिकार प्रखर शोध मोहीम सोसायटीचे राष्ट्रीय अध्यक्ष अभिमन्यू गवळी , राष्ट्रीय महासचिव राजेश गवळी ,पुणे शहर  अध्यक्ष अशोक जगताप , निवृत्त लेफ्टनंट जनरल आर. आर . निभोरकर  ,   उपजिल्हाधिकारी सय्यद सूर्यवंशी ,आमदार  जगदीश मुळीक  , पोलीस उपायुक्त प्रसाद अक्कानुरू , जॉन मुनावर सिंग , रिटा मारियन , सुनील रॉय , अँजलिस अँथोनी , येसू नंदन , जेम्स पॉल , रिबेलो जेकब , डेव्हिस दास आदी मान्यवर उपस्थित होते . 

पुणे: साई9स्पोर्ट्स यांच्या तर्फे दुसऱ्या श्री.शरदचंद्रजी पवार प्रौढ करंडक  क्रिकेट स्पर्धेत वसंत रांजणे इलेव्हन संघाने डी.बी. देवधर एलेव्हन संघाचा 8 गडी राखून दणदणीत पराभव करत स्पर्धेत आगेकुच केली.

नेहरू स्टेडीयम क्रिकेट मैदानावर झालेल्या सामन्यात सचिन सामलच्या नाबाद 36 धावांच्या बळावर वसंत रांजणे इलेव्हन संघाने डी.बी. देवधर एलेव्हन संघाचा 8 गडी राखून दणदणीत पराभव केला. पहिल्यांदा खेळताना पराग चितळे ,सुभाष रांजणे, मोहन जाधव व विवेक मालशे यांच्या अचूक गोलंदाजीने डी.बी. देवधर एलेव्हन संघाचा डाव 15 षटकात 6 बाद 74 धावांवर रोखला. अनंत नेरळकरच्या एकतर्फी 44 धावा संघाचा डाव भक्कम करू शकल्या नाहीत. 74 धावांचे लक्ष सचिन सामलच्या नाबाद 36 व  सनी मारवाडीच्या 19 धावांसह वसंत रांजणे इलेव्हन संघाने 3 चेंडू बाकी असताना 2 बाद 76 धावांसह सहज पुर्ण केले. 50 चेंडूत नाबाद 36 धावा करणारा सचिन सामल सामनावीर ठरला. 

स्पर्धेचा सविस्तर निकाल- साखळी फेरी

डी.बी. देवधर एलेव्हन- 15 षटकात 6 बाद 74 धावा(अनंत नेरळकर 44, पराग चितळे 2-14, सुभाष रांजणे 1-12, मोहन जाधव 1-5, विवेक मालशे 1-23) पराभूत वि वसंत रांजणे इलेव्हन – 14.3 षटकात 2 बाद 76 धावा (सचिन सामल नाबाद 36, सनी मारवाडी 19, रोहुल कानडे नाबाद 5, पराग कानडे 1-17, करण थापा 1-14) सामनावीर- सचिन सामल

वसंत रांजणे इलेव्हन संघाने 8 गडी राखून सामना जिंकला. 

पुणे :- छत्रपतीं शिवाजी महाराज घडले ते जिजाबाईंनी दिलेल्या संस्कारांमुळेच. समान न्याय देण्याची वृत्ती आणि अन्याय करणाऱ्याला कठोर शिक्षा देण्याचे धाडस दिले याशिवाय राष्ट्राप्रती निष्ठा व आदरभाव,शौर्य,निडरता ,कर्तव्यदक्षता अशा अनेक गोष्टींचे बाळकडू महाराजांना जिजामातांकडून मिळाले.यातूनच समजते कि, एक प्रतिभावंत,कर्तृत्ववान व्यक्तिमत्व घडवण्यासाठी पालकांनाही तेवढेच परिश्रम घ्यावे लागतात. अशा भावना शिवप्रसाद मंत्री यांनी याप्रसंगी व्यक्त केल्या.

त्यांच्या अतुलनीय जीवनप्रवासातून प्रेरणा घेत पालकांची ‘पालकत्वाची’ जबाबदारी किती महत्वाची आहे हे देखील त्यांनी पालकांना समजावून सांगितले. जिजामातांप्रमाणे कर्तृत्वावर वेळोवेळी प्रोत्साहनाची आणि मार्गदर्शनाची थाप घालणे आवश्यक आहे, असेही ते म्हणाले.

आय पेरेंट्स सत्रांतर्गत गोयल गंगा इंटरनैशनल स्कूलच्या आवारात हा कार्यक्रम नुकताच पार पडला. यावेळी गोयल गंगा इंटरनैशनल स्कुलच्या संचालिका सोनू गुप्ता, मुख्याध्यापिका भारती भागवाणी तसेच समस्त शिक्षक , विद्यार्थी आणि पालकही उपस्थित होते.

‘पालक’ हे मुलांचे पहिले गुरु असतात त्यामुळे त्यांचे अनुकरण ते करत असतात म्हणूनच पालकांनी सकारात्मक गोष्टी स्वतःच्या अनुकारांतून मुलांना शिकवाव्यात अशा भावना सोनू गुप्त यांनी मांडल्या.

 पुणे:- केंद्र शासनाने सुरु केलेल्या विविध योजनांचा आढावा घेऊन योजनांच्या अंमलबजावणीमध्ये येणाऱ्या अडचणींवर चर्चा करुन मार्ग काढणे हा ‘दिशा’ समितीचा उद्देश आहे. यासाठी सर्व संबधित विभागांनी ताळमेळ ठेवून, योजनांची अंमलबजावणी परिणामकारित्या करावी, असे प्रतिपादन केंद्रीय मनुष्यबळ विकास मंत्री प्रकाश जावडेकर यांनी आज येथे व्यक्त केले.

            जिल्हा विकास समन्वय व संनियंत्रण समितीची बैठक जिल्हाधिकारी कार्यालयातील सभागृहात केंद्रीय मनुष्यबळ विकास मंत्री प्रकाश जावडेकर यांच्या अध्यक्षतेखाली पार पडली, त्यावेळी ते बोलत होते. बैठकीला पालकमंत्री गिरीश बापट, सामाजिक न्याय राज्यमंत्री दिलीप कांबळे, जिल्हा परिषद अध्यक्ष विश्वासराव देवकाते, खा. शिवाजीराव आढळराव पाटील, खा.अनिल शिरोळे, आ.बाबुराव पाचर्णे,आ.माधुरी मिसाळ, जिल्हाधिकारी नवल किशोर राम, जिल्हा परिषद मुख्य कार्यकारी अधिकारी सूरज मांढरे, निवासी उपजिल्हाधिकारी डॉ.जयश्री कटारे, जिल्हा ग्रामीण विकास यंत्रणेचे प्रकल्प संचालक प्रभाकर गावडे उपस्थित होते.

            यावेळी श्री. प्रकाश जावडेकर म्हणाले, दिशा समितीमधील लोकप्रतिनिधींच्या सहभागामुळे योजना राबविणाऱ्या विभागांमध्ये उत्तरदायित्व निर्माण होऊन पारदर्शकता वाढण्यास मदत होईल. योजनांची अंमलबजावणी करताना संबधित विभागाच्या अधिकाऱ्यांनी लोकप्रतिनिंधींना विश्वासात घेऊन त्यांचे सहकार्य घ्यावे. विविध योजनांची अंमलबजावणी झाल्यानंतर, लाभार्थ्यांचे मेळावे आयोजित करावे. लाभार्थ्यांच्या अनुभवावर आधारीत यशोगाथा व चित्रफीत समाज माध्यमातून प्रसारित करावी. यासाठी सर्व विभागांनी समन्वय ठेवून काम करावे.

            उद्योजकांसाठी बँकांतर्फे राबविण्यात येणारी मुद्रा योजनेसह प्रधानमंत्री जनधन योजना, वित्तीय समायोजना, प्रधानमंत्री उज्ज्व्‍ला योजना, पोस्ट ऑफीस बँक योजना, रेल्वे विकासाच्या योजना, टेलीकॉम विभागातर्फे ग्राम पंचायतींना इंटरनेट वापरासाठी पुरविण्यात येणाऱ्या  ब्रॉड बँड आणि फायबर कनेक्टीव्हीटी योजनांच्या प्रगतीचा आढावा घेऊन, मनुष्यबळ विकास मंत्री प्रकाश जावडेकर यांनी अधिकाऱ्यांशी संवाद साधला. खा.शिवाजीराव आढळराव पाटील, खा.अनिल शिरोळे यांनी चर्चेमध्ये सहभाग घेतला.

            बैठकीला पोस्ट, रेल्वे, बँक, टेलीकॉम, महसूल, महानगरपालिका, जिल्हा परिषद, सार्वजनिक बांधकाम विभाग व अन्य विभागांचे अधिकारी मोठया संख्येने उपस्थित होते.

पुणे : “भारतमाता हाच माझा धर्म असून, वंदे मातरम ही माझी जात आहे. मानवतेच्या भावनेतून आपण एकमेकांकडे पहिले पाहिजे. मात्र,  आज देशात धर्म, जात, पक्ष या माध्यमातून वेगवेगळे गट पडले आहेत. दहशतवाद, नक्षलवाद असे गंभीर प्रश्न आपल्यासमोर आहेत. अशावेळी राजकारणापलीकडे जाऊन राष्ट्र प्रथम हा विचार ठेवून सर्वानी एकत्र यावे,” असे आवाहन ऑल इंडिया अँटी टेररिस्ट फ्रंटचे (एआयएटीएफ) चेअरमन मनिंदरजीत सिंग बिट्टा यांनी केले.