मुंबई, दि. 23 : कोरोनाच्या लढ्यात आमच्या पोलीस दलातील स्त्रीशक्तीने कर्तव्यापलीकडे जाऊन सामाजिक जाणिवेतून उल्लेखनीय काम केले आहे. त्या स्त्री शक्तीचा सन्मान व गौरव करण्याचा हा एक छोटासा प्रयत्न..

भक्ती-शक्ती व कृषी संस्कृतीचे प्रतीक असणारे नवरात्रीचे मंगल पर्व सुरु असताना महाराष्ट्र पोलीस दलातील स्त्रीशक्तीच्या कार्याचा यथोचित गौरव करणे मला गरजेचे वाटते.

महाराष्ट्र पोलीस दलातील असामान्य कार्य करणाऱ्या स्त्री शक्तीची ओळख करुन देत असताना मला मनस्वी आनंद होत आहे, असे गृहमंत्री अनिल देशमुख यांनी सांगितले.

रेखा काळे

मुंबई पोलीस दलातील पोलीस कॉन्स्टेबल रेखा काळे या प्रसूती रजेवर आपल्या गावी बेलवंडी, श्रीगोंदा येथे गेल्या होत्या. तिथे त्यांना प्राथमिक शाळेमध्ये क्वारंटाईन व्हावे लागले. काळे यांनी पतीच्या मदतीने क्वारंटाईन असलेल्या शाळेची साफसफाई केली आणि झाडांना पाणी घालून शाळेचा परिसर हिरवागार केला. हिरवा रंग हा निसर्गाशी, भूमीशी असलेले नाते दर्शवितो. काळे यांनी आपल्या या कार्यातून समृद्धीचा नवा आदर्श समाजासमोर ठेवला आहे. पोलीस दलाचा कुटुंबप्रमुख म्हणून काळे यांच्या अभिजात कार्याचा मला अभिमान आहे.

महाराष्ट्र पोलीस दलामध्ये स्त्रीशक्ती अनेक प्रकारे समाजाप्रती आपली बांधिलकी जपत आहेत, असे गौरवोद्गार गृहमंत्री अनिल देशमुख यांनी काढले.

पुणे महापालिका मुख्य सभा २२ ऑक्टोबर २०२०

• भाजपा प्रदेशाध्यक्ष चंद्रकांतदादा पाटील यांची राज्य निवडणूक आयोगाकडे मागणी

मुंबई – पुणे विधानपरिषद पदवीधर मतदार संघातील मतदारांची यादी तयार करण्याच्या ऑनलाईन प्रक्रियेतील त्रुटी दूर करा, अशी मागणी भाजपा प्रदेशाध्यक्ष चंद्रकांतदादा पाटील यांनी राज्य निवडणूक आयोगाकडे केली आहे. या संदर्भात श्री.पाटील यांनी गुरुवारी मुख्य निवडणूक अधिकारी बलदेव सिंग यांची भेट घेऊन त्यांना निवेदन सादर केले.
या निवेदनात श्री.पाटील यांनी म्हटले आहे की, पदवीधर मतदारसंघाच्या मतदार ऑनलाईन नोंदणी प्रक्रियेत अनेक त्रुटी आहेत. या त्रुटी दूर न करताच निवडणूक घेण्याची तयारी सुरू आहे.या बाबीकडे राज्य निवडणूक आयोगाचे लक्ष यापूर्वीच वेधण्यात आले होते.ऑनलाईन भरलेले अर्ज नाकारले जाणे अशा अनेक तक्रारी मतदारांनी केल्या आहेत.त्याच बरोबर सर्व्हर यंत्रणा काम करत नसल्यानेही या प्रक्रियेत अनेक अडचणी येत असल्याने ऑफलाईन अर्ज भरण्याची परवानगी देण्यात यावी.
भाजपा प्रदेश उपाध्यक्ष चैनसुख संचेती हे श्री.पाटील यांच्या समवेत उपस्थित होते.

• फ्रॉस्ट फ्री रेफ्रिजरेटर श्रेणीतील दोन फ्रीजमध्ये उपलब्ध – गोदरेज इयॉन व्हाइब आणि गोदरेज इयॉन व्हॅलॉर, 6 इन 1 कन्व्हर्टिबल तंत्रज्ञान देते सर्वाधिक लवचिकता

•  हे तंत्रज्ञान देते या विभागातील सर्वात कमी तापमान, दीर्घकाळ जतन करण्यासाठी आदर्श -25 अंश

राष्ट्रीय – थिंग्ज मेड थॉटफुली’ या आपल्या तत्वज्ञानाशी सुसंगत राहात गोदरेज अप्लायन्सेस या आघाडीच्या ग्राहकोपयोगी वस्तूंच्या उत्पादक कंपनीने ग्राहकांसाठी आणखी एक स्मार्ट तंत्रज्ञान आणले असून त्याचे नाव कन्व्हर्टीबल फ्रीझर विथ 6 इन 1 फ्रीझर मोड्स असे आहे. यात फ्रीझरपासून डीप फ्रीझरपर्यंत आणि कोल्ड स्टोअरेज मोडही देण्यात आला आहे.

महामारीचा काळ आणि संसर्गाची भीती लक्षात घेता लोकांनी फ्रीजमध्ये फळे व भाज्या तसेच शिजलेले अन्न, पुढच्या जेवणआची जेवणाची तयारी, फ्रोझन फुड यांचा नेहमीपेक्षा जास्त साठा करायला सुरुवात केली आहे. ग्राहक एकमेकांकडून शिकलेल्या नवनव्या पद्धतींचा अवलंब करत आहेत – जास्तीत जास्त जेवण तयार ठेवणे आणि दीर्घ काळासाठी साठवून ठेवण्याच्या युक्तींचा त्यात समावेश आहे. मसाले आणि भाज्या चिरून फ्रीझमध्ये साठवल्या जात आहेत, तर बाजारातून विकत घेतल्या जाणाऱ्या आइस्क्रीमची जागा घरच्या कुल्फी, आइस्क्रीमने घेतली आहे. फ्रीझरमध्ये वेगवेगळ्या वस्तू साठवल्या जात आहेत आणि दीर्घ काळासाठी ठेवल्या जात आहेत. पूर्वी फ्रीझरचा तितकासा वापर व्हायचा नाही आणि आता फ्रीझरच, काय पण मुख्य फ्रीजही भरलेला असायचा.

अशा परिस्थितीत 6 इन 1 कनव्हर्टीबल फ्रीझर तंत्रज्ञान गरजेचे झाले आहे. यामध्ये गरजेनुसार बनवलेल्या सहा कुलिंग पर्यायांमधून निवड करता येते.

·         ऑटो मोड – डिफॉल्ट सेटिंग जी कुशलतेने फ्रीझरचे तापमान नियंत्रित करते.

·         लो लोड मोड – फ्रीझर पूर्ण भरलेला असतानाही कमी उर्जेचा वापर

·         आइस्क्रीम मोड – आइस्क्रीमसाठी आदर्श तापमान

·         हाय लोड मोड – मुख्य विभाग भरलेला असतानाही हाय लोड मोड फ्रीझरचे तापमान योग्य प्रमाणात राखते

·         डीप फ्रीझर मोड – फ्रोझन डेझर्ट्स, फ्रोझन मटार यांच्यासाठी आदर्श म्हणजेच -18 अंशाइतके तापमान राखत फ्रोझन पदार्थ जतन करते.

·         कोल्ड स्टोअरेज मोड – -25 अंशाइतके तापमान ठेवून फ्रोझन अन्न चांगल्या प्रकारे जतन करते. मांस ठेवण्यासाठी सर्वात योग्य

गोदरेज इयॉन व्हाइब आणि गोदरेज इन व्हॅलोर अशा दोन फ्रॉस्ट फ्री रेफ्रिजरेटर श्रेणीमध्ये ही सोय उपलब्ध असून त्याला इंटेलिजंट इनव्हर्टर तंत्रज्ञानाची जोड देण्यात आली आहे. रेफ्रिजरेटर व्हेरिएबल कॉम्प्रेसर स्पीडसह कुलिंग अडजस्ट करते आणि त्यामुळे चांगली कार्यक्षमता, टिकाऊपणा आणि आवाजाशिवाय कामकाज शक्य होते. पफ शिकनेस 2.75 इंची असून ही रेफ्रिजरेटर मॉडेल्स सर्वोत्तम कुलिंग राखतात व पर्यायाने पदार्थ दीर्घकाळ ताजे राखतात. यामध्ये भाज्यांसाठी 27 लीटर्सचे मोठे ट्रे देण्यात आले आहेत, ज्यामुळे ग्राहकांना त्यांच्या सर्व भाज्या ठेवणे शक्य होते. सध्याच्या लॉकडाउनच्या काळात ग्राहकांच्या अन्न साठवण्याच्या आणि जतन करण्याच्या सवयी बदलत आहेत आणि नवे गोदरेज इयॉन व्हाइब आणि इन व्हॅलोर त्यांच्या गरजा चांगल्या प्रकारे पूर्ण करण्यासाठी बनवण्यात आल्या आहेत. 261 लीटर्स आणि 290 लीटर्स क्षमतेमधअये उपलब्ध असलेल्या या मॉडेल्सची किंमत रू. 23,500 (+ कर) पासून सुरू होते.

या लाँचविषयी गोदरेज अप्लायन्सेसचे व्यवसाय प्रमुख आणि ईव्हीपी श्री. कमल नंदी म्हणाले, ‘या महामारीमुळए ग्राहकांच्या मानसिकतेवर तसेच निर्णयांमध्ये बदल होत आहेत. साठवणुकीची जागा, लवचिकता आणि सोयीस्करपणा अशा वैशिष्ट्यांची ग्राहकाला आज जास्त गरज आहे, कारण त्यामुळे वारंवार बाहेर जाणे टाळता येते तसेच त्यांना आपल्या कामाचे जास्त चांगल्या प्रकारे व्यवस्थापन करता येते. गोदरेजमध्ये आम्ही ग्राहकांच्या आयुष्यात बदल घडवून आणणारी अर्थपूर्ण उत्पादने तयार करण्यावर भर देतो व त्यासाठी त्यांच्या तत्कालीन गरजा जाणून घेण्याकडे आमचा कल असतो. आमचे नवे गोदरेज 6 इन 1 कन्व्हर्टीबल फ्रीझर हा ग्राहकांच्या सध्याच्या समस्या सोडवण्याचा असाच एक प्रयत्न आहे. ग्राहक आजच्या अवघड काळात योग्य मूल्याच्या शोधात आहे आणि आम्हाला खात्री आहे, की हे अभिनव तंत्रज्ञान त्यांना दैनंदिन जीवनात चांगली मदत करेल.’

गोदरेज अप्लायन्सेसच्या रेफ्रिजरेटर विभागाचे उत्पादन समूह प्रमुख श्री. अनुप भार्गवा म्हणाले, ‘आम्ही नुकतेच लाँच केलेली कन्व्हर्टीबल फ्रीझर टेक्नॉलॉजी विथ 6 इन 1 फ्रीझर मोड्स ग्राहकांना त्यांच्या रेफ्रीजरेटरकडून जास्तीत जास्त सोय देणारे आहे. स्टायलिश आणि स्लीक असे हे फ्रीज ग्राहकांच्या साठवणुकीसाठी भरपूर जागा, दीर्घकाळ जतनाच्या गरजा पूर्ण करणारे आहेत. आम्हाला खात्री आहे, की ही नवी श्रेणी 250 कोटी रुपयांची उत्पन्ननिर्मिती करेल आणि रेफ्रिजरेटर विभागातील आमचे स्थान अधिक बळकट करेल.’

नवी दिल्ली, – होंडा मोटरसायकल अँड स्कूटर इंडिया प्रा. लि. ने (एचएमएसआय) एसपी125 या आपल्या प्रगत, अत्याधुनिक आणि स्टायलिश मोटरसायकलीची युरोपमधे निर्यात करणार असल्याचे जाहीर केले आहे. ही मोटरसायकल सीकेडी मार्गाद्वारे निर्यात केली जाणार आहे.

या नव्या कामगिरीविषयी होंडा मोटरसायकल अँड स्कूटर इंडिया प्रा. लि. चे व्यवस्थापकीय संचालक, अध्यक्ष आणि मुख्य कार्यकारी अधिकारी श्री. अत्सुशी ओगाता म्हणाले, ‘बीएसआयव्हीकडून बीएसव्हीआयच्या दिशेने जाणे ही भारतीय वाहन उद्योगासाठी आव्हानात्मक बाब होती. होंडा टुव्हीलर्स इंडियाने या आव्हानाचे संधीत रुपांतर करत प्रगत देशांना निर्यात करण्याचे ठरवले आणि 125 सीसी मोटरसायकल एसपी 125 च्या सीकेडी किट्सची निर्यात सुरू केली. हे आमच्या उत्पादनांचा चांगला दर्जा आणि तंत्रज्ञानाचे तसेच जागतिक विस्तार करण्याच्या बांधिलकीचे प्रतीक आहे. आम्ही भविष्यात अशा प्रकारच्या विविध नव्या बाजारपेठांमधे विस्तार करण्यासाठी उत्सुक आहोत.’

प्रगत, 125 सीसी मोटरसायकल – एसपी125 चे 2000 सीकेडी किट्स युरोपला घेऊन जाणारी कन्साइनमेंट ऑगस्ट 2020 मधे पाठवण्यात आली आहे.

उल्लेखनीय गोष्ट म्हणजे एसपी125 ही होंडाने गेल्या वर्षी (नोव्हेंबर 2019) भारतात लाँच केलेली पहिली बीएसव्हीआय मोटरसायकल आहे. 19 नवे पेटंट अर्ज असलेल्या या नव्याकोऱ्या एसपी 125 बीएसव्हाय एचईटी इंजिन आणि ईएसपी तंत्रज्ञानाची जोड देण्यात आली आहे, जे 16 टक्के जास्त मायलेज देते तसेच या क्षेत्रात पहिल्यांदाच येत असलेलल्या 9 प्रकारच्या तंत्रज्ञानांची आणि वैशिष्ट्ये (पूर्णपणे डिजिटल मीटर, डिस्ट्न्स टु एम्प्टी, सरासरी इंधनक्षमता, रियल टाइम इंधनक्षमता, एलईडी डीसी हेडलॅम्प, इंजिन स्टार्ट/स्टॉप स्विच, इंटिग्रेटेड हेडलॅम्प बीम/पासिंग स्विच, इको इंडिकेटर, गियर पोझिशन इंडिकेटर) या गाडीत अनुभवता येतील.

एसपी125 बीएसव्हीआयचे सध्या होंडा टुव्हीलर्स, तापुकारा कारखाना, राजस्थान येथे उत्पादन केले जात आहे.

जगभरात निर्यात

होंडा टुव्हीलर्स इंडियाने अक्टिव्हा या मॉडेलसह 2001 मधे निर्यात सुरू केली.

सध्या होंडा आशिया, मध्यपूर्व आणि लॅटिन अमेरिका या आघाडीच्या निर्यात बाजारपेठांसह 25 वैविध्यपूर्ण बाजारपेठांतील 25 लाख ग्राहकांना 18 दुचाकी मॉडेल्ससह सेवा देत आहे.

मुंबई, दि. 22 : मुंबई-ठाणे शिधावाटप क्षेत्रात दक्षता पथकाकडून नियंत्रित जीवनावश्यक वस्तूंचा काळा बाजार करणाऱ्यांविरुद्ध कडक कारवाई करण्यात आली असल्याची माहिती शिधावाटप नियंत्रक व नागरी पुरवठा मुंबईचे संचालक कैलास पगारे यांनी दिली.

मुंबई – ठाणे शिधावाटप क्षेत्रातील राष्ट्रीय अन्नसुरक्षा योजना (NFSA), प्रधानमंत्री गरीब कल्याण अन्न योजना, आत्मनिर्भर भारत योजना तसेच राष्ट्रीय अन्नसुरक्षा योजनेत समाविष्ट नसलेल्या गैरलाभार्थी शिधापत्रिकाधारकांना अन्नधान्य तसेच गॅस सिलेंडर व पेट्रोल-डिझेलचा पुरवठा व वितरण यामध्ये कोणताही गैरप्रकार होणार नाही याबाबत दक्षता घेण्याकरिता प्रधान कार्यालय तसेच परिमंडळ कार्यालय व परिमंडळ कार्यालय अधिनस्त शिधावाटप कार्यालयांतर्गत एकूण 44 दक्षता पथके गठित करण्यात आलेली आहेत. या दक्षता पथकामार्फत लॉकडाऊनच्या कालावधीत जीवनावश्यक वस्तू कायदा 1955 अंतर्गत कारवाई करण्यात आलेली आहे.

अंधेरी विभागात नियंत्रित अन्नधान्याच्या अवैधरित्या वाहतूक प्रकरणी ट्रक क्रमांक एमएच 04 जीआर 4696 मधून गहू 158.48 क्विंटल, तांदूळ 26.25 क्विंटल जप्त करण्यात आला असून एमआय डीसी अंधेरी पालीस स्टेशन येथे गुन्हा नोंद क्र.627/2020, गु.प्र.शा.गु.र.क्र.132/2020 दिनांक 10.09.2020 अन्वये गुन्हा नोंद करण्यात आलेला आहे. गुन्हा नोंद प्रकरणी एकूण रु.17,22,388.87/- इतके किंमतीचा मुद्देमाल जप्त करण्यात आलेला आहे.

दहिसर विभागात विनापरवाना अनधिकृतरित्या अन्नधान्याची साठवणूक व वाहतूक प्रकरणी ट्रक क्रमांक एमएच 10 सीआर 4197, तांदूळ 163.50 क्विंटल व गहू 424.50 क्विंटल व इतर वस्तू जप्त करण्यात आला असून एम.एच.बी. पोलीस ठाणे, बोरीवली येथे गु.नो.क्र 17/2020 दिनांक 23.09.2020 अन्वये गुन्हा नोंद करण्यात आलेला आहे. गुन्हा नोंद प्रकरणी एकूण रुपये 35,80,723/- इतके किंमतीचा मुद्देमाल जप्त करण्यात आलेला आहे.

भायखळा विभागात घरगुती वापराच्या गॅस सिलेंडरमधून स्टीलच्या पाईपद्वारे अनधिकृतपणे दुसऱ्या सिलेंडरमध्ये गॅस भरत असल्याप्रकरणी घरगुती वापराचे एकूण 60 सिलेंडर व टेम्पो क्रमांक एमएच 04 एफपी 7182 जप्त करण्यात आला असून भायखळा पोलिस ठाणे येथे गुन्हा नोंद क्र 379/2020, दिनांक 25.09.2020 अन्वये गुन्हा नोंद करण्यात आलेला आहे. गुन्हा नोंद प्रकरणी एकूण रुपये 1,46,670/- इतके किंमतीचा मुद्देमाल जप्त करण्यात आलेला आहे.

कांजूरमार्ग विभागात नियंत्रित शिधाजिन्नसांचा साठा विनापरवाना साठवणूक व वाहतूक प्रकरणी बोलेरो पिकअप क्र. एमएच 06 बीडब्ल्यु 0523 व ट्रक क्र. एमएच 03 व्हीसी 1233, गहू 103.50 क्विंटल जप्त करण्यात आला असून कांजूरमार्ग पोलीस ठाणे, मुंबई येथे वि.स्था.गु.नो.क्र 46/2020 दिनांक      17.10.2020 अन्वये गुन्हा नोंद करण्यात आलेला आहे. गुन्हा नोंद प्रकरणी एकूण रूपये 16,79,794/- इतके किंमतीचा मुद्देमाल जप्त करण्यात आलेला आहे.

भांडूप विभागातील अधिकृत शिधावाटप दुकान क्रमांक 30 ई 84 दुकानाच्या संपूर्ण तपासणीअंती गहू 34.75 क्विंट्टल  चना डाळ 0.90  क्विंट्टलचा अतिरिक्त साठा तसेच तांदूळ 0.68 क्विंटल कमी आढळून आल्याप्रकरणी कांजूर मार्ग पोलीस स्टेशन येथे गुन्हा नोंद क्रमांक 49/2020 दिनांक 20.10.2020 अन्वये गुन्हा नोंद करण्यात आलेला आहे. गुन्हा नोंद प्रकरणी एकूण रूपये 1,02,103/- इतके किंमतीचा अपहार आढळून आलेला आहे.

मुंबई, दि. 22 : राज्यात मराठी, हिंदीसह इतर प्रादेशिक भाषांतील चित्रपट, दूरचित्रवाणी मालिका, जाहिरातपट, माहितीपट यांची मोठ्या प्रमाणावर निर्मिती होते. हे लक्षात घेता मनोरंजन क्षेत्राबाबतचे धोरण सांस्कृतिक कार्य विभागामार्फत निश्चित करण्यात येणार असल्याचे सांस्कृतिक कार्य मंत्री अमित देशमुख यांनी सांगितले.

दादासाहेब फाळके चित्रनगरीच्या (फिल्मसिटी) संचालक मंडळाची बैठक मंत्रालयात आयोजित करण्यात आली होती. या बैठकीस सांस्कृतिक कार्य मंत्री अमित देशमुख यांच्यासह सांस्कृतिक कार्य राज्यमंत्री राजेंद्र पाटील- यड्रावकर, चित्रनगरीच्या व्यवस्थापकीय संचालिका मनीषा वर्मा, सांस्कृतिक कार्य विभागाचे सचिव सौरभ विजय, चित्रनगरीच्या सहव्यवस्थापकीय संचालिका आंचल गोयल यांच्यासह संबंधित अधिकारी उपस्थित होते.

सांस्कृतिक कार्य मंत्री श्री. देशमुख म्हणाले, आज मनोरंजन क्षेत्र मोठ्या प्रमाणावर विस्तारले आहे. असे असल्याने याबाबतचे धोरण असणे गरजेचे आहे. चित्रपट, मालिका, ओटीटी यांच्यासह रंगमंच,लोककला, माहितीपट, जाहिरातपट यांचा या धोरणात समावेश करण्यात येणार असून दादासाहेब फाळके चित्रनगरीमार्फत या धोरणाचे प्रारुप तयार करण्यात यावे. धोरणाचे प्रारुप सांस्कृतिक कार्य विभागाला सादर केल्यानंतर हे धोरण मंत्रीमंडळासमोर सादर करण्यात येईल. मनोरंजन क्षेत्रामुळे अनेकांना रोजगार मिळत असल्याने या क्षेत्रास उद्योग क्षेत्राचा दर्जा मिळण्याबरोबरच लघु आणि मध्यम उद्योगांना मिळणाऱ्या सवलती मिळणे आवश्यक आहे. या क्षेत्रास उद्योग क्षेत्र म्हणून घोषित करण्यासाठीही सांस्कृतिक कार्य विभागामार्फत आवश्यक ती कार्यवाही करण्यात येईल, असेही श्री.देशमुख यांनी सांगितले.

एक खिडकी योजनेचे विस्तारीकरण करण्यात येत असताना यामध्ये केंद्र आणि राज्य शासनामार्फत देण्यात येणाऱ्या परवानगी एकाच ठिकाणी देता येतील का याबाबत अभ्यास करण्यात यावा, तसेच महाराष्ट्रातील पर्यटकांनाही माहित नसलेली तरीही वैशिष्ट्यपूर्ण असलेल्या पर्यटनस्थळांचाही यामध्ये समावेश करण्यात यावा अशा सूचना सांस्कृतिक कार्य मंत्री श्री. देशमुख यांनी यावेळी दिल्या. सध्या मुंबई आणि मुंबई उपनगरात चित्रीकरणाच्या परवानगीसाठी एक खिडकी योजना राबविण्यात येत असून दुसऱ्या टप्प्यात ही योजना पुणे, नाशिक, अहमदनगर, सातारा, रत्नागिरी आणि सिंधुदुर्ग अशा 6 जिल्ह्यात राबविण्यात येणार असून तिसऱ्या टप्प्यात उर्वरित जिल्ह्यांमध्ये राबविण्यात येणार आहे.

भाड्यामध्ये 25 टक्क्यांपर्यंत सवलत देण्यात यावी – राज्यमंत्री

कोविड -19 पार्श्वभूमीवर राज्यात 24 मार्चपासून लॉकडाऊन करण्यात आले. त्यानंतर मिशन बिगीन अगेन अंतर्गत 25 जूननंतर चित्रीकरणासाठी परवानगी देण्यात आली. या काळात अनेक चित्रपट आणि मालिका निर्मात्यांनी चित्रनगरी येथील स्टुडिओ चित्रीकरणासाठी आरक्षित केले होते. मात्र लॉकडाऊनमुळे चित्रीकरण होऊ शकले नसल्याने अनेक चित्रपट संघटनांनी आकारण्यात येणाऱ्या भाड्यामध्ये सूट मिळावी अशी मागणी केली होती. या मागणीला अनुसरुनच चित्रनगरीत चित्रीकरण करणाऱ्या निर्मात्यांना 25 टक्क्यांपर्यंत भाड्यामध्ये सवलत किंवा चित्रीकरणासाठी नव्याने तारखा देण्यात येतील.

चित्रनगरीसाठी तांत्रिक तज्ञ आणि कुशल मनुष्यबळ यांची नियुक्ती आणि पॅनेल तयार करणे, सलग चित्रीकरण करणाऱ्या निर्मात्यांना चित्रीकरण दरात सवलत देणे, चित्रनगरी येथे मुख्य सुरक्षा कार्यकारी अधिकाऱ्याची नेमणूक करणे,चित्रनगरीमध्ये उपहारगृह सुरु करणे, वेगवेगळ्या अभ्यासक्रमासाठी इंटर्नशिप सुरु करणे, चित्रनगरीच्या भाडे सवलती पध्दतीत सुधारणा करणे आणि चित्रनगरीचे उत्पन्न वाढण्याच्या दृष्टीने प्रयत्न करणे अशा विविध मुद्यांवर संचालक मंडळाच्या बैठकीत चर्चा करण्यात आली.