पुणे -शहरामध्ये मेट्रो ते फिडर शेअर ए रिक्षा सेवा सर्वेक्षण सुरू सुरू करण्यात आले असून पुणे आरटीओ वाहतूक शाखा मेट्रो मनपा व परीक्षा संघटना ग्राहक संघटना प्रतिनिधी एकत्र येऊन पुणे शहरातील सिविल कोर्ट शिवाजीनगर खडकी पुणे स्टेशन आदी विविध भागांमध्ये मेट्रो स्टेशन वरती शेअर ए रिक्षा सुरू करण्यासंदर्भामध्ये सर्वेक्षण सुरू केले आहे, वन आज ते सिविल कोर्ट सिविल कोर्ट ते पिंपरी पर्यंत मेट्रो लाईन सुरु झाली असून देशाचे पंतप्रधान नरेंद्रमोदी यांच्या हस्ते नुकताच मेट्रोचे उद्घाटन झाले आहे, मेट्रो ने प्रवासी वाढल्यामुळे मेट्रो ते अंतर्गत रस्त्यावर जाण्यासाठी एन्ड टू एन्ड कनेक्टिव्हिटी साठी नागरिकांना वाहतूक व्यवस्था निर्माण करण्यासाठी पुणे प्रशासनाने शेअर ए रिक्षा सुरू करण्याचा निर्णय घेतला आहे, या निर्णयाला रिक्षा संघटनाने देखील उत्तम प्रतिसाद देत शेअर ए रिक्षाला मान्यता दिली आहे, मेट्रो स्टेशन ते फिडर सर्विस साठी परीक्षा हा उत्तम पर्याय असून रिक्षा चालक-मालकांच्या वतीने मेट्रो स्टेशन पासून अंतर्गत विभागात जाणाऱ्या प्रवाशांना शेर रिक्षा मीटर रिक्षाच्या माध्यमातून उत्तम असे सेवा देऊ या सेवेचा लाभ नागरिकांनी घ्यावा तसेच जास्तीत जास्त रिक्षा चालकांनी या योजनेमध्ये सहभागी व्हावे असे आवाहन महाराष्ट्र रिक्षा पंचायत अध्यक्ष कष्टकऱ्यांचे नेते बाबा कांबळे यांनी केले आहे,

यावेळी प्रादेशिक परिवहन कार्यालयाच्या वतीने दहा टीम तैनात करण्यात आल्या होत्या तसेच रिक्षा संघटनेचे प्रतिनिधी देखील मोठ्या संख्येने उपस्थित होते मेट्रो स्टेशनवरून रिक्षात मीटर टाकून शेअर ए पॉइंट पर्यंत मीटरने किती पैसे होतात त्याचा सर्वे करण्यात आला, तीन प्रवाशांनी एकत्र येऊन शेअर ए रिक्षाने प्रवास करायचा व मीटरने जेवढे पैसे होतात त्यापेक्षा 30 टक्के अधिक रक्कम बेड करायची अशा प्रकारची ही सेवा आहे, रोज प्रवास करणारे कामगार कष्टकरी हातावर पोट असणारे घटक यांना ही सेवा अत्यंत उपयुक्त असून कमी पैशांमध्ये चांगला प्रवास करण्याची त्यांना या निमित्ताने संधी उपलब्ध होणार आहे,

याबरोबरच ज्यांना मीटरने प्रवास करायचा आहे त्यांना मीटरची व्यवस्था त्या ठिकाणी असणार ते मीटरने प्रश्नल रिक्षाने प्रवास देखील करू शकतात, मीटर रिक्षा व शरीरापेक्षा अशा दोन्ही पर्या मेट्रो स्टेशन वरती उपलब्ध करण्यात येणार आहे असे यावेळी बाबा कांबळे म्हणाले,

पुणे रिक्षा फेडरेशनच्या वतीने फेडरेशनचे अध्यक्ष आनंद तांबे, सत्य सेवा वाहतूक संघटनेचे अध्यक्ष एकनाथ ढोले, महाराष्ट्र रिक्षा पंचायतचे मोहम्मद शेख, संजय शिंदे, आदी व्यक्तीने सर्वेक्षण मध्ये सहभाग घेतला,

खडकी मेट्रो स्टेशन ते खडकी बाजार खटके मेट्रो स्टेशन ते औंध, शिवाजीनगर ते दगडूशेठ हलवाई गणपती शिवाजीनगर ते वाकडेवाडी, सिविल कोर्ट मॅटर स्टेशन ते फडके हौदे चौक, पुना स्टेशन ते जिल्हाधिकारी कार्यालय मार्गे पुणे कॅम्प पुणे स्टेशन ते येरवडा पुणे स्टेशन ते ताडीवाला रोड, सह एकूण दहा मीटर स्टॅन्ड वरती हा सर्व करण्यात आला.

पुणे: महाराष्ट्र शासनातर्फे छत्रपती शिवाजी महाराजांच्या राज्याभिषेकाचे ३५० वे वर्ष विविध उपक्रमांच्या माध्यमातून साजरे करण्यात येत असून यानिमित्ताने मुंबई येथे ३० एकर जागेवर छत्रपती शिवाजी महाराजांच्या जीवनकार्यावर आधारित भव्य संग्रहालय उभारण्यात येईल, असे प्रतिपादन राज्याचे सांस्कृतिक कार्यमंत्री सुधीर मुनगंटीवार यांनी केले.

नऱ्हे येथील शिवसृष्टीला भेट दिल्यानंतर ते बोलत होते. श्री.मुनगंटीवार म्हणाले, शिवसंग्रहालय भव्यदिव्य आणि अत्याधुनिक संकल्पनेवर आधारित व्हावे, त्यातून शिवरायांचे संपूर्ण जीवन जगासमोर ठेवले जावे अशा सूचना विभागाला देण्यात आल्या आहेत. मुंबईत येणाऱ्या आंतरराष्ट्रीय प्रवाशांपर्यंतही महाराजांचे कार्य यानिमित्ताने पोहोचेल. महाराजांच्या जीवनाशी निगडित ८८ हजार वस्तू राज्यात विविध ठिकाणी आहेत, त्या एकाच ठिकाणी आणण्याचाही प्रयत्न संग्रहालयाच्या निमित्ताने होणार आहे.

शिवराज्याभिषेकाच्या ३५० व्या वर्षाच्या निमित्ताने प्रत्येकाच्या हृदयात शिवाजी महाराज प्रतिबिंबित व्हावे आणि त्यांच्या विचारावर आधारित कृती करण्याची ऊर्जा नागरिकांना मिळावी यासाठी हे आयोजन आहे. यानिमित्ताने सार्वजनिक उद्घोषणा यंत्रणेच्या (पीएएस) माध्यमातून दररोज ९.४५ वाजता मंत्रालयात छत्रपती शिवाजी महाराजांच्या जीवनावर आधारीत दिनविशेष आणि त्यांचे विचार प्रसारित करण्यात येणार आहेत.

शिवरायांच्या इतिहासाशी संबंधित १२ टपाल तिकिटे प्रकाशित करण्यात येणार आहेत. येत्या ९ ऑगस्टला शहाजी महाराजांवर आधारित टपाल तिकीट प्रकाशित करण्यात येईल. रिझर्व बँकेच्या माध्यमातून सोने, चांदी आणि तांब्याची ‘होन’ मुद्रा तयार करण्यात येईल. छत्रपतींची वाघनखे देण्याची विनंती ब्रिटिश म्युझिअमने मान्य केली आहे, जगदंबा तलवारही परत आणण्याचे प्रयत्न सुरू आहेत. छत्रपती शिवाजी महाराजांवर आधारित चित्रपट महोत्सवाचेही आयोजन करण्यात येईल, अशी माहिती श्री.मुनगंटीवार यांनी दिली.
0000

पालकमंत्री चंद्रकांतदादा पाटील यांची ग्वाही

पुणे-गणेशोत्सव जवळ येत असताना पुणे शहरात पारंपरिक ढोल-ताशा पथकांचे सराव सर्वच ठिकाणी सुरू झाले आहेत. अनेक ठिकाणी सरावाला परवानगी मिळत नसल्याने, संयोजकांना आणि वादकांना अडचणी येत आहेत. त्या दूर करण्यासाठी प्रयत्न करु, तसेच विसर्जन मिरवणुकीसाठी घालण्यात येणाऱ्या बंधनांसंदर्भात पोलीस आयुक्तांशी चर्चा करून सकारात्मक मार्ग काढू, अशी ग्वाही पालकमंत्री चंद्रकांतदादा पाटील यांनी आज दिली.

आगामी गणेशोत्सवाच्या पार्श्वभूमीवर नमुवि येथील ढोल ताशा पथक महासंघाच्या सरावाचा शुभारंभ पालकमंत्री चंद्रकांतदादा पाटील यांच्या हस्ते झाला. यावेळी भाजपा शहराध्यक्ष धीरज घाटे, ढोल ताशा महासंघाचे प्रमुख पराग ठाकूर यांच्यासह ढोल ताशा महासंघाचे पदाधिकारी आणि वादक उपस्थित होते.

पालकमंत्री चंद्रकांतदादा पाटील म्हणाले की, गणेशोत्सव काळात ढोल ताशा पथकासारख्या पारंपरिक वाद्यांना सर्वांचीच पसंती असते. अनेक वादक यासाठी अनेक महिने सराव करत असतात. त्यामुळे त्यांच्या सरावामध्ये येणाऱ्या अडचणी तात्काळ दूर करु, अशी ग्वाही दिली. तसेच, लक्ष्मी रोड प्रमाणेच कुमठेकर रोड आणि टिळक रोड येथे देखील परवानगी मिळावी यासाठी पोलीस आयुक्तांशी चर्चा करुन सकारात्मक निर्णय घेऊ असे यावेळी आश्वस्त केले.

ते पुढे म्हणाले की, कोथरुड हे पुण्यासारख्या सांस्कृतिक राजधानीचे माहेरघर आहे. त्यामुळे यंदा गणेशोत्सव काळात लोकसहभागातून अनेक सांस्कृतिक कार्यक्रम आयोजित करण्याचा संकल्प केला आहे. त्यात ढोल ताशा पथकांनाही प्राधान्य देणार असून, महासंघाने यासाठी मदत करावी, असे आवाहन त्यांनी यावेळी केले.

कार्यक्रमाचे प्रास्ताविक करताना महासंघाचे प्रमुख पराग ठाकूर यांनी कर्वेनगर डीपी रोड येथे सरावाला परवानगी मिळावी, तसेच विसर्जन मिरवणुकीवेळी रात्री १२ नंतर पारंपरिक वाद्यांना लक्ष्मी रोड प्रमाणेच कुमठेकर रोड आणि टिळक रोड येथे परवानगी मिळावी अशी मागणी केली होती.

पुणे- विविध विकासकामांच्या नावाने होणाऱ्या शहर खुदाई ने शहर आणि उपनगरात खड्ड्यांचे साम्राज्य असून वाहने आणि वाहन चालक य दोहोंची अवस्था दयनीय बनली आहे, शहरात महापालिकेत आयुक्तांची प्रशासकीय राजवट आहे , आयुक्तांनी तातडीने युद्धपातळीवर यावर काटेकोर कारवाई करणे अपेक्षित आहे असे पत्र भाजप महाराष्ट्र प्रदेशचे प्रवक्ता संदीप खर्डेकर यांनी अतिरिक्त आयुक्त विकास ढाकणे यांना दिले आहे.

संदीप खर्डेकर यांनी या पत्रात असे म्हटले आहे कि,’24×7, पुणे मेट्रो यासह विविध विकासकामांसाठी केलेल्या खोदाई नंतर पुण्यातील अनेक रस्त्यांची शब्दश: चाळण झाली असून ह्या रस्त्यांवरून जाताना नागरिकांची हाडं आणि वाहने सुद्धा खिळाखिळी झाली आहेत. विशेष म्हणजे सर्व स्तरावर तक्रारी करूनही परिस्थिती जैसे थे च आहे. काल आपण त्वरित खड्डे बुजविण्याचे आदेश देतानाच खड्डे ना बुजविल्यास संबंधितांवर कारवाई करणार असल्याचा ही इशारा दिला आहे.प्रशासनाकडून काहीतरी होईल अशी थोडी आशा वाटली म्हणून हा पत्र प्रपंच करत आहे . वानगी दाखल फक्त कर्वेनगर व एरंडवण्यातील काही उदाहरण देत आहे.अलंकार पोलीस स्टेशन जवळील शैलेश पूल, पुढे समर्थ पथावरील शक्ती 98 चौक, गिरीजाशंकर विहार कडे जाणारा रस्ता, k52 समोरील तसेच सहवास सोसायटी कडे जाणारा रस्ता, नळस्टॉप चौकातील गल्लीत टेलिफोन एक्सचेंज मागील रस्ता अश्या अनेक ठिकाणी रस्ते खचले असून चिखलाचे साम्राज्य झाले आहे.यावरून दुचाकी घसरून पडणाऱ्या नागरिकांची संख्या मोठी आहे. तर अनेकांना पावसाचे पाणी साचल्यावर खड्ड्याचा अंदाज ना आल्याने गाडी उडून कंबर, मान आणि मणकेला मार बसला आहे.24×7 पाणीपुरवठा योजना शहरासाठी महत्वाची असली तरी सदर काम करणाऱ्या कंपनी कडून रस्ते व्यवस्थित पूर्ववत केले जात नाहीत ही वस्तुस्थिती आपण लक्षात घ्यावी.यामुळे 24×7 म्हणजे पुणेकरांसाठी विकतचे दुखणे झाले आहे.मनपा च्या पावसाळी लाईन, ड्रेनेज लाईन, महावितरण च्या विद्युत लाईन, खासगी कंपन्याची केबल साठीची खोदाई ह्या सगळ्या कामानंतर रस्ते व्यवस्थित पूर्ववत केले जात नाहीत आणि त्याचा मोठा फटका पुणेकरांना बसत आहे. खड्डे बुजविताना डांबर योग्य तपमानाचे नसल्याने लगेचच खडी रस्त्यावर पसरते आणि खड्डा परवडला पण अशास्त्रीय पद्धतीने बुजविणे नको असे सर्वांचेच मत झाले आहे.तरी आपण युद्ध पातळीवर यंत्रणा राबवून पुणेकरांना दिलासा द्यावा. अजून पुण्यात मोठा पाऊस झालेला नाही. त्यानंतर काय स्थिती होईल याची कल्पनाच करवत नाही.आपण योग्य कार्यवाही कराल अशी अपेक्षा आहे.

पुणे-केंद्रीय सीमाशुल्क विभागाच्या पथकाने पुणे विमानतळावर चार जणांना ताब्यात घेत दीड कोटींचे परकीय चलन जप्त केले आहे. प्रोफाइलिंगच्या आधारे दोन वेगवेगळ्या प्रकरणात हे परकीय चलन जप्त करण्यात आले.

सीमा शुल्क विभागाने दिलेल्या माहितीनुसार, 25 जुलै रोजी पुण्याहून दुबईला जाणाऱ्या एका प्रवाशाला ताब्यात घेत त्याच्याकडून 9,22,000 रुपये किमतीचे संयुक्त अरब अमिराती दिरहम हे विदेशी चलन जप्त करण्यात आले.तर दुसऱ्या एका प्रकरणात 31 जुलै रोजी दुबईला जाणाऱ्या तीन प्रवाशांना ताब्यात घेत त्यांच्याकडून 1,41,11,578 किमतीचे संयुक्त अरब अमिराती दिरहम चलन जप्त करण्यात केले. या सर्व प्रवाशांनी परवानगीच्या मयदिपेक्षा जास्त परकीय चलन स्वतः जवळ बाळगल्याने ही कारवाई करण्यात आली. याप्रकरणी पुढील तपास सुरू आहे.

पुणे (प्रतिनिधी) – राज्यातील सर्व ओबीसी संघटनेच्या वतीने राज्यस्तरीय ओबीसी ऐक्य महापरिषदेचे दि. 7 ऑगस्ट 2023 सोमवार रोजी सकाळी 11 वाजता सावित्रीबाई फुले स्मारक सभागृह पुणे येथे आयोजन करण्यात आले आहे.ओबीसी ऐक्य महापरिषदेचे उद्घाटन विधानसभेतील विरोधीपक्षनेते विजय वडेट्टीवार यांच्याहस्ते होणार असून कार्यक्रमाच्या अध्यक्षस्थानी ओबीसीचे नेते कल्याणराव दळे तर स्वागत अध्यक्ष म्हणून  लेखक तथा साहित्यीक श्रावण देवरे हे राहणार आहेत. या प्रसंगी प्रमुख मार्गदर्शन म्हणून ओबीसीचे नेते ॲड. अण्णाराव पाटील, साहित्यीक प्रल्हाद लुलेकर, माजी आ. ॲड. रामराव वडकुते, प्रख्यात विचारवंत प्रा. सुशिला मोराळे, शेतकरी नेते लक्ष्मण वडले, ओबीसी नेते एकबाल अंसारी, शब्बीर अंसारी, संजय विभुते, देवराव सोनटक्के, नविनचंद्र बांधीवडीकर, प्रा. प्रभाकर गायकवाड, सतिश दादा दरेकर, भगवान श्रीमंदिलकर आदी मान्यवर उपस्थित राहणार आहेत.या ओबीसी ऐक्य महापरिषदेत मंडल आयोगाच्या शिफारसिंची तंतोतंत आणि प्रभावीपणे अंमलबजावणी न केल्याने ओबीसीची अवस्था दिवसेंदिवस बिकट होत आहे. संविधानिक कलम 340 नुसार ओबीसींना देशातील प्रत्येक क्षेत्रात संख्येच्या प्रमाणात प्रतिनिधीत्व मिळावे यासाठी ओबीसींची जात निहाय जनगणना होणे ही काळाची गरज आहे. देशातील प्रत्येक क्षेत्रात कंत्राटी पध्दतीने नोकरभरती करून खाजगीकरणाच्या माध्यमातून ओबीसींचे संविधानिक आरक्षण नष्ट करणे. शासक जातीचे एक भयानक षडयंत्र आहे. लोकशाही असलेल्या देशात खऱ्या अर्थाने बहुसंख्य समाज हा सत्ताधीश व शासक वर्ग असतो. परंतू भारत देशात मात्र ओबीसींची संख्या जवळपास साठ टक्के पेक्षा जास्त असतांनाही तो सत्ताधीश का नाही? यावरील सविस्तर कारणमिमासा व उपययोजना  ओबीसींना लागू असलेली क्रिमीलेअरची असंविधानिक अट रद्द केल्याशिवाय मंडळ आयोगाचा हेतू साद्य होणार नाही, ओबीसींचे धार्मिक धुव्रिकरण करून राजकीय फायद्यासाठी मुस्लीमांच्या विरोधात केवळ वापर होत आहे हे ओबीसींनी तत्परतेने घेणे ही काळाची गरज आहे आदी विषयांवर सखोल चर्चा व मार्गदर्शन करण्यात येणार असल्याचे संयोजकांच्या वतीने सांगण्यात आले आहे.या परिषदेचे निमंत्रक म्हणून सोमनाथ शेळके, सतिष दरेकर, संग्राम माने, प्रतापराव गुरव, आनंदा कुंदळे, हासिक नद्दाक असल्याचे पत्रकात नमूद करण्यात आले आहे. या परिषदेस उपस्थित राहण्याचे आवाहन दिनकर चौधरी, विद्यानंद मानकर, संगीता खाडे, महेश भागवत, किशोर गुरव, अशोक मगर, निळखंट गुरव, प्रा. राजेंद्र गुरव, सुवर्णा सुर्वे,  दत्तात्रय चेचर, संग्राम माने, प्रा. बी. आर. माळी, दामोधर बिडवे, अस्लम बागवान, किशोर सुर्यवंशी, वैशालीताई पवार, ॲड. सतिष कांबळे, संजय परदेशी, सुरेश पवार, संतोष साळुंके, रमेश राऊत, शंकरराव रायकर, वंदना कुमावत, प्रकाश गुरव, गणेश वाळुजकर, सुनिल वाळुजकर, महेंद्र गायकवाड, बाळकृष्ण भांबरे आदींनी केले आहे.