मुंबई-मी कोणावरही व्यक्तिगत टीका करत नाही. माझ्यावर बाळासाहेबांचे संस्कार आहेत. पण सुरुवात केली आहे. म्हणून मी ही पोस्ट केली. तुमच्याकडे येथील ईडी, सीबीआय आहे. तर आमच्याकडे मकाऊ मधील ईडी, सीबीआय आहे. त्यामुळे जेवढे खुलासे कराल, तेवढे तुम्ही फसाल, असा इशारा राऊतांनी केला आहे. कारण माझ्याकडे 27 फोटो अन् व्हिडिओ आहेत. ती मी शेअर केले तर भाजपला दुकानं बंद करावे लागेल, असा हल्ला संजय राऊतांनी केला.

शिवसेनेच्या ठाकरे गटाचे खासदार संजय राऊत यांनी सोमवारी भाजप प्रदेशाध्यक्ष चंद्रशेखर बावनकुळे यांचा एक फोटो ट्विट केला. त्यात बावनकुळे कथितपणे जुगार खेळताना दिसून येत आहेत. अवघा महाराष्ट्र पेटलेला असताना हे महाशय मकाऊ येथील कॅसिनोत जुगार खेळत आहेत, असे राऊत म्हणालेत. त्यांच्या या ट्विटनंतर राजकीय आरोप – प्रत्यारोप सुरू झालेत.

त्यानंतर आता भाजपनेही आदित्य ठाकरेंचा एक ‘ड्रिंक’ घेत असल्याचा फोटो ट्विट करत ठाकरे गटाला जशास तसे प्रत्युत्तर देण्याचा प्रयत्न केला आहे. ‘आदित्य ठाकरे यांच्या ग्लासमध्ये कोणत्या ब्रँडची व्हिस्की आहे?’ असा सवाल भाजपने या प्रकरणी केला आहे. त्यानंतर मात्र, ठाकरे गटाचे नेते संजय राऊत पुन्हा आक्रमक झाले आहेत. ते म्हणाले की, आमच्याशी खेटू नका, माझ्याकडेही कसिनोतील 27 फोटो अन् व्हिडिओ आहेत. त्यात तर तीन चार व्हिडिओ एवढे खतरनाक आहेत की, भाजपला त्यांचे दुकानं बंद करावं लागेल, असा घणाघात राऊतांनी नाव न घेता चंद्रशेखर बावनकुळे यांच्यावर केला.

राऊत पुढे म्हणाले की, मी कोणावरही व्यक्तिगत टीका करत नाही. माझ्यावर बाळासाहेबांचे संस्कार आहेत. पण सुरुवात केली आहे. म्हणून मी ही पोस्ट केली. तुमच्याकडे येथील ईडी, सीबीआय आहे. तर आमच्याकडे मकाऊ मधील ईडी, सीबीआय आहे. त्यामुळे जेवढे खुलासे कराल, तेवढे तुम्ही फसाल, असा इशारा राऊतांनी केला आहे. कारण माझ्याकडे 27 फोटो अन् व्हिडिओ आहेत. ती मी शेअर केले तर भाजपला दुकानं बंद करावे लागेल, असा हल्ला संजय राऊतांनी केला.

नाना पटोले यांच्या भूमिकेशी सहमत
महाराष्ट्रातील एक बडा नेता मकाऊमध्ये जाऊन साडे तीन तासात साडे तीन कोटी रुपय उडवत असेल तर त्याची चौकशी झाली पाहिजे, अशी मागणी नाना पटोले यांनी केली. त्यावर संजय राऊत म्हणाले की, पटोले यांच्या मागणीशी मी पूर्णपणे सहमत आहे. महाराष्ट्रातील परिस्थिती काय आहे. आपण काय करतोय. कुटुंबाच्या गोष्टी तुम्ही करू नका, मला संस्कार देखील कळतात. त्यामुळे अजिबात मला कोणीही शिकवू नये.

मकाऊत 3.50 कोटी उडवले
राज्यातील एक बडा नेता जाऊन साडे तीन कोटी रुपये उडवतो. त्यामुळे त्याची चौकशी व्हावी. सर्वात महत्त्वाचे म्हणजे माझ्यावर आमच्यावर भाजपचे संस्कार नाहीत. बाळासाहेबांचे संस्कार आहेत. त्यामुळे अजिबात माझ्याशी कोणीही खेटू नका. माझ्याकडे चांगले व्हिडिओ आहे.

मोदींचा जो ब्रॅंड तो आदित्य ठाकरेंचा ब्रॅंड
संजय राऊत म्हणाले की, मोदी जे परदेशात जाऊन पितात ना, तोच ब्रॅंड आदित्य ठाकरेंचा आहे. त्यामुळे त्यांच्या हातात काय आहे. ते तुम्ही समजून घ्या, कोणीही व्यक्तीगत टीका करू नका, एवढाच इशारा मी त्यांना देईल.

मकाऊमध्ये आमची ईडी आणि सीबीआय
संजय राऊत म्हणाले की, माझ्यावर किती लोकांनी टीका केली, पण आम्ही त्या पातळीवर जाऊ शकतो पण जात नाही असं सांगत संजय राऊत म्हणाले की, जेवढं खोटं बोलाल तेवढं फसाल. प्रति आरोप नको उत्तर द्या. बावनकुळे त्या ठिकाणी नसतील तर त्यांनी मी तो नव्हेच असं स्पष्ट सांगावं. भाजपकडे देशात ईडी आणि सीबीआय आहे, आमच्याकडे मकाऊमध्ये ईडी आणि सीबीआय आहे. बावनकुळेंनी तीन तासांमध्ये साडे तीन कोटी रुपये उधळले, बाकी किती खर्च झाला याचा तपास करावा. आपण एक जबाबदार व्यक्ती आहोत, कुटुंबासोबत आहोत याचं त्यांनी भान ठेवावं.

राऊत पुढे म्हणाले की, मी कुणाच्याही व्यक्तीगत आनंदावर विरझण घालू इच्छित नाही. पण महाराष्ट्रात काय चाललंय? सामाजिक वातावरण काय? नुसते आरोप-प्रत्यारोप करुन चालणार नाही. आम्ही विचारलेल्या प्रश्नांची उत्तरे आधी द्या. माझ्याकडे 27 फोटो आणि 5 व्हिडीओ आहेत. पण आमच्यात थोडी माणुसकी आहे म्हणून थोडी गंमत आहे. ते 27 फोटो आणि व्हिडीओ टाकले तर भाजपला दुकान बंद करावं लागेल. पण मी ते करणार नाही. ते दुकान 2024 पर्यंत चाललं पाहिजे”, अशी भूमिका संजय राऊतांनी मांडली.

शरद पवार यांची अध्यक्षपदी झालेल्या नियुक्तीलाच अजित पवार यांचा आक्षेप-वास्तविक मी पक्षाचा अध्यक्ष असल्याचा दावा शरद पवार यांच्याकडून करण्यात आला आहे. यावरुनच दोन्ही गट आमने-सामने आले आहेत. शरद पवार यांची अध्यक्षपदी झालेली नियुक्तीलाच अजित पवार यांच्या गटाकडून आक्षेप घेण्यात आला आहे. गेल्या महिन्यात झालेल्या सुनावणीदरम्यान शरद पवार यांची अध्यक्षपदी झालेली नियुक्ती पक्षाच्या घटनेला धरून नसल्याचा युक्तिवाद अजित पवार गटाने केला होता. निवडणूक आयोगात अजित पवार गटाकडून नीरज कौल आणि मणिंदर सिंग हे बाजू मांडत आहेत. तर शरद पवार गटाकडून अभिषेक मनू सिंघवी आणि देवदत्त कामत हे बाजू मांडत आहेत.

मुंबई-राष्ट्रवादी काँग्रेस पक्षात शरद पवार गट आणि अजित पवार गट यांच्यात राष्ट्रवादी वरुन कायदेशीर लढाई सुरु आहे. राष्ट्रवादी काँग्रेस पक्ष कोणाचा आणि घड्याळ चिन्ह कोणाचे यावर निवडणूक आयोगात आजपासून सलग सुनावणी होणार आहे. अजित पवार गट आणि शरद पवार गटाकडून निवडणूक आयोगासमोर कागदपत्रे जमा करण्यात आली असून आजपासून बाजू मांडण्यात येणार आहे. त्यामुळे आता राष्ट्रवादी साहेबांना म्हणजेच काकांना मिळणार की दादांना मिळणार? असा प्रश्न आहे. या संदर्भात पुढील काळी दिवस सलग सुनावणी होऊन आयोग निकाल राखून ठेवण्याची शक्यताही वर्तवण्यात येत आहे. दरम्यान शरद पवार हे देखील आज दिल्लीत आहेत. त्यामुळे सुनावणीच्या वेळी ते आयोगात उपस्थित राहणार का? याकडे सर्वांचेच लक्ष लागले आहे.

राष्ट्रवादी काँग्रेस पक्ष नेमका शरद पवारांना भेटणार की, अजित पवारांना भेटणार? या कडे सर्वांचेच लक्ष लागले आहे. या संदर्भातील सुनावणी आता दररोज होणार आहे. आज दुपारी चार वाजेपासून या सुनावणीला सुरुवात होणार आहे. यामध्ये निवडणूक आयोग राष्ट्रवादी काँग्रेस पक्ष आणि चिन्ह नेमके कोणाचे, याबाबत दोन्ही गटांचे म्हणणे ऐकून घेणार आहे. या सुनावणी दरम्यान निवडणूक आयोग जो शिवसेनेला न्याय तो राष्ट्रवादीला न्याय अशा अनुषंगाने निर्णय देणार की शरद पवार यांनाच राष्ट्रवादी पक्ष मिळणार याकडे संपूर्ण महाराष्ट्रसह देशाचे लक्ष लागले आहे. अजित पवार गटाकडून सुमारे 20 हजार बोगस शपथपत्रके दाखल करण्यात आल्याचा आरोप मागील सुनावणीच्या वेळी शरद पवार गटाने केला होता. तर दुसरीकडे शरद पवार यांच्या गटाकडून वेळकाढूपणा सुरु असल्याचा आरोप अजित पवार गटाने केला होता. अजित पवार गटाचा युक्तिवाद पूर्ण झाला असल्याने आज शरद पवार गटाकडून युक्तिवाद होण्याची शक्यता आहे.

अजित पवार गट सत्तेत सामील झाल्यामुळे राष्ट्रवादी काँग्रेस दोन गट पडले असले तरी शरद पवार यांनी तसे मानण्यास नकार दिला आहे. वास्तविक सत्तेत सामील झाल्यानंतर अजित पवार गटाने राष्ट्रवादी काँग्रेस पक्षावर आणि घड्याळ या निवडणूक चिन्हावर दावा केला आहे. अजित पवार गटाने पक्षावर दावा केल्यामुळे शरद पवार गटानेही आक्रमक भूमिका घेतली आहे. यामुळे हे प्रकरण केंद्रीय निवडणूक आयोगात सुनावणीसाठी पोहोचले आहे. या प्रकरणावर सुरू असलेल्या सुनावणीकडे सर्वांचे लक्ष लागले आहे. सध्या शरद पवार हे दिल्लीत आहेत. त्यामुळे शरद पवार हे देखील सुनावणीसाठी उपस्थित राहण्याची शक्यता वर्तवली जात आहे.

ठाणे:- आजचा दिवस आपल्या सर्वांसाठी भाग्याचा आहे. देशाची शान असलेल्या गानकोकिळा भारतरत्न लता मंगेशकर यांच्या स्मृती चिरंतन ठेवणारे स्व.लता मंगेशकर संगीत विद्यालयाचे (गुरुकुल) भूमिपूजन ठाण्यात होत आहे. हे गुरुकुल भारतीय संगीताचा अनमोल वारसा पुढच्या पिढीला देण्यासाठी उपयुक्त ठरेल, असे प्रतिपादन मुख्यमंत्री एकनाथ शिंदे यांनी आज येथे केले.

आमदार प्रताप सरनाईक यांच्या प्रयत्नाने राज्य शासनाच्या “महानगरपालिका क्षेत्रातील मूलभूत सोयीसुविधांचा विकास” या योजनेंतर्गत ठाणे महापालिका क्षेत्रातील रेप्टोक्रॉस आरक्षित भूखंड, वर्तकनगर, ठाणे येथे भारतरत्न स्व. लता दीनानाथ मंगेशकर संगीत विद्यालय (गुरुकुल) उभारण्याच्या कामाचा भूमिपूजन सोहळा मुख्यमंत्री एकनाथ शिंदे यांच्या हस्ते आणि ज्येष्ठ गायिका संगीतकार श्रीमती उषा मंगेशकर, आमदार प्रताप सरनाईक यांच्या उपस्थितीत आज डॉ. काशिनाथ घाणेकर नाट्यगृह येथे संपन्न झाला, त्यावेळी ते बोलत होते.

यावेळी श्रीमती मीना खडीकर, ज्येष्ठ गायक आदिनाथ मंगेशकर, ठाणे महापालिका आयुक्त अभिजीत बांगर, जिल्हाधिकारी अशोक शिनगारे, अतिरिक्त आयुक्त संदीप माळवी, प्रशांत रोडे, ठाणे महापालिका परिवहन समितीचे सभापती विलास जोशी, राजू मिश्रा, नगर अभियंता प्रशांत सोनाग्रा, पूर्वेश सरनाईक आदी उपस्थित होते.

मुख्यमंत्री श्री. शिंदे म्हणाले, सर्व युगांप्रमाणे ‘लता युग’ हे अविस्मरणीय आहे. त्यांची गाणी आजही आपल्या जीवनाचा अविभाज्य घटक आहेत. सकाळी उठल्यापासून ते रात्री झोपेपर्यंत लतादीदींची गाणी सर्वांनाच हवीहवीशी वाटतात. या विद्यालयाच्या उभारणीसाठी राज्य शासनाकडून 25 कोटी रुपयांचा निधी उपलब्ध करुन देण्यात आला आहे. ठाण्याला संगीत आणि साहित्याचा मोठा वारसा आहे. संगीत क्षेत्रातील दिग्गज पं. राम मराठे, पी.सावळाराम, श्रीनिवास खळे हे ठाण्यातीलच. भारतीय संगीताचा अनमोल वारसा पुढच्या पिढीला देण्यासाठी स्व.लता मंगेशकर संगीत विद्यालय (गुरुकुल) गायन-संगीत प्रेमींना निश्चितच उपयुक्त ठरेल. या वाटचालीत शासन मंगेशकर कुटुंबियांच्या कायम सोबत असेल.

ठाण्यातील इतर विकासकामेही लवकरच पूर्ण करण्यासाठी सर्व प्रयत्न केले जात आहेत. ठाण्याचा सर्वांगीण विकास होत आहे. मुंबईतील सर्व रस्ते खड्डेमुक्त करण्याचे काम सुरू केले आहे. त्याचबरोबर सुशोभीकरण, स्वच्छतेकडेही कटाक्षाने लक्ष दिले जात आहे. त्याच धर्तीवर ठाण्यातही काम सुरु केले जाणार आहे. जुन्या विहिरींचे पुनरुज्जीवन करण्याचे काम सुरू असून 50 कोटी रूपये निधी दिला आहे. ‘वापरा आणि फेका’ ही आपली संस्कृती नाही. जुना अनमोल ठेवा जपायला हवा, त्याचे संवर्धन करायला हवे. हिंदुहृदयसम्राट स्व.बाळासाहेब ठाकरे आणि धर्मवीर आनंद दिघे यांचे ठाणे जिल्ह्यावर खूप प्रेम होते, मी त्यांच्याच आशीर्वादाने मुख्यमंत्री झालो, त्यांच्या विचारधारेवरच मुख्यमंत्रीपदाची जबाबदारी सांभाळत आहे.

‘ग्लोबल वॉर्मिंग’ या जागतिक समस्येवर  मात करण्यासाठी जागोजागी झाडे लावणे गरजेचे आहे. त्यादृष्टीने शासन प्रयत्नशील असून ‘अर्बन फॉरेस्ट’ ही संकल्पना लवकरच राबविण्यात येणार आहे. मोठमोठ्या शहरांमधील धोकादायक इमारतींचा पुनर्विकास टप्प्याटप्प्याने केला जाणार आहे, असे सांगून मुख्यमंत्र्यांनी राज्याच्या सर्वांगीण विकासासाठी सर्वांनी जबाबदारीने, झोकून देऊन काम करणे आवश्यक आहे, याची पूर्ण जाणीव असल्यानेच उपमुख्यमंत्री देवेंद्र फडणवीस, अजित पवार यांच्या साथीने सर्व मिळून जनसामान्यांसाठी अहोरात्र काम करीत आहोत. बंद झालेले अनेक लोकोपयोगी प्रकल्प सुरू करण्यात आले असून नवीन प्रकल्पही सुरू करण्यात आले आहेत. हे सर्वसामान्यांचे शासन आहे, शेवटपर्यंत त्यांच्या हितासाठीच काम केले जाईल, अशी ग्वाही श्री. शिंदे यांनी दिली.

याप्रसंगी ज्येष्ठ गायिका उषा मंगेशकर यांनी मुख्यमंत्री श्री. शिंदे यांना विशेष भेट दिली. मनोगत व्यक्त करताना त्या म्हणाल्या, ठाण्याचे बदलते रूप पाहून मनापासून आनंद होत आहे. या ठाण्याला साजेशी अशी स्व.लता मंगेशकर संगीत विद्यालय (गुरुकुल) ची इमारत लवकरच उभारली जाणार आहे. त्याचा लाभ ठाणे व आसपासच्या परिसरातील सर्वच वयोगटातील गायन-संगीतप्रेमींनी घ्यावा. हे संगीत विद्यालय चालविण्याची जबाबदारी मंगेशकर कुटुंबियांकडे सोपविल्याबद्दल त्यांनी मुख्यमंत्र्यांचे आभार मानले.

श्री. सरनाईक यांनी मनोगत व्यक्त करताना ठाणे शहरातील ओवळा-माजिवडा विधानसभा मतदारसंघातील सुरु असलेल्या व नजीकच्या काळात सुरु होणाऱ्या विविध विकासकामांविषयी माहिती दिली. या विकासकामांसाठी भरघोस निधी देऊन सहकार्य केल्याबद्दल त्यांनी मुख्यमंत्री श्री. शिंदे यांचे आभार मानले.

त्यापूर्वी, पोखरण रोड नं. 01 येथील सिंघानिया शाळेसमोरील 3.75 कोटी रुपये खर्च करुन तयार करण्यात आलेल्या पादचारी पुलाचे मुख्यमंत्र्यांच्या हस्ते लोकार्पण करण्यात आले.

डॉ. काशिनाथ घाणेकर नाट्यगृह येथे झालेल्या मुख्य सोहळ्यात, अमृत 2.0 योजनेंतर्गत वर्तकनगर-लोकमान्य नगर, घोडबंदर परिसरातील 200 कोटी रुपये मूल्य असलेला पाणीपुरवठा वितरण व्यवस्थेचे मजबूतीकरण आणि विस्तारीकरण प्रकल्प यांचा शुभारंभ, खर्चाची रक्कम 50 कोटी रुपये असलेल्या शहरातील जुन्या विहिरींची शास्त्रोक्त पद्धतीने सफाई आणि पुनर्बांधणी या कामाचा शुभारंभ मुख्यमंत्री श्री. शिंदे यांच्या हस्ते ऑनलाईन पद्धतीने करण्यात आला. याबरोबरच वर्तकनगर प्रभाग समितीतील सर्व चौकांचे सुशोभीकरण करून आजूबाजूच्या परिसराची माहिती लोकांपर्यंत पोहोचविण्यासाठी डिजिटल बोर्ड उभारणी (मूल्य 20 कोटी), ओवळा-माजिवडा क्षेत्रातील तलावांमधील संगीतमय कारंजी उभारणी व सुशोभीकरण (मूल्य 50 कोटी), मुंबईच्या धर्तीवर महापालिका क्षेत्रातील फूटपाथवर शोभिवंत रेलिंग लावणे (मूल्य 25 कोटी) या कामांचाही ऑनलाईन शुभारंभ मुख्य सोहळ्यात झाला.

मुख्यमंत्र्यांच्या हस्ते छत्रपती शिवाजी महाराजांच्या अर्धाकृती पुतळ्यास पुष्पहार अर्पण करुन कार्यक्रमाची सुरुवात करण्यात आली. सूत्रसंचालन कुणाल रेगे यांनी केले.

मुंबईतून क्रिकेटही अहमदाबादला हलवले

मुंबई-भारत आणि ऑस्ट्रेलिया संघात आज अहमदाबाद येथील नरेंद्र मोदी मैदानावर वनडे वर्ल्डकपचा अंतिम सामना होतो आहे. या सामन्याला पंतप्रधान नरेंद्र मोदीही उपस्थित राहणार आहेत. मात्र, या सामन्याचा राजकीय इव्हेंट केला जात असल्याचा आरोप करत संजय राऊतांनी पंतप्रधान मोदींवर निशाणा साधला.

आज पत्रकार परिषदेत संजय राऊत म्हणाले, केंद्रात आणि राज्या-राज्यात मोदी सरकार आल्यापासून प्रत्येक गोष्टीचे राजकारण सुरू आहे. एखाद्याचा मृत्यू झाला किंवा खेळाचा उत्सव असला तरी त्या प्रत्येक गोष्टीचा इव्हेंट होतोय. इथे मृत्युचाही इव्हेंट केला जातो, खोटे अश्रु ढाळले जातात. हा तर वर्ल्डकप आहे. इथे राजकारण कशाला आणायला हवे? पण अहमदाबादमध्ये याचा इव्हेंट सुरु आहे. जसं काय मोदी बॉलिंग टाकणार, शहा बॅटिंग करणार आहे आणि भाजपचे लोकं सीमारेषेवर उभे राहणार आहेत. नंतर आम्ही अशी बॉलिंग, बॅटिंग करायला सांगितले असून म्हणून श्रेयही घेतील, असा टोला राऊत यांनी लगावला.संजय राऊत पुढे म्हणाले की, पूर्वी मुंबई क्रिकेटची पंढरी होती. अशा प्रकारचे खेळांचे उत्सव दिल्ली, मुंबई किंवा कोलकाताच्या ईडन गार्डन मैदानावर व्हायचे. पण मुंबईतून संपूर्ण क्रिकेट अहमदाबादला हलवण्यात आले. कारण त्यांना राजकीय इव्हेंट करायचा आहे. आज जर आपण जिंकलो तर मोदी होते म्हणून आपण जिंकलो, मोदी है तो वर्ल्डकप की जीत मुमकीन है, असे बोलायलाही ते कमी करायचे नाहीत.

भुजबळांचे प्रत्युत्तर, सुपारी घेऊन बोलणाऱ्या लोकांबद्दल मी काय बोलणार?

मुंबई–सामाजिक कार्यकर्त्या अंजली दमानिया यांनी शनिवारी छगन भुजबळ यांच्यावर गंभीर आरोप केले होते. भुजबळांनी बेकायदेशीररित्या घर बळकावल्याचं सांगत त्यांनी घराचे मूळ मालक कुटुंबिय सोबत आणले होते. सुरुवातीला भुजबळांच्या घरासमोर त्यांना बोलू दिलं नव्हतं. नंतर त्यांनी पत्रकार परिषद घेऊन भुजबळांवर आक्षेप घेतले.अंजली दमानिया यांच्या आरोपांना मंत्री छगन भुजबळ यांनी प्रत्युत्तर दिलं आहे. ते म्हणाले की, अंजली दमानिया यांच्याबद्दल मी अधिक काही बोलणार नाही. सुपारी घेऊन बोलणाऱ्या लोकांबद्दल मी काय बोलणार? आम्ही कुणाचंही घर लाटलेलं नाही. या प्रकरणाची केस कोर्टामध्ये सुरु असून जो निकाल येईल, तो आम्हाला मान्य असेल.अंजली दमानिया मुंबईत भुजबळांच्या घराबाहेर पत्रकार परिषद घेणार होत्या. पण पोलिसांनी त्यांना अटकाव केला. यानंतर त्यांनी आपल्या घरीच पत्रकार परिषद घेतली. त्या म्हणाल्या की, मी आज दाखवणार होते की, मंत्री छगन भुजबळ यांची सांताक्रुझमधील टोलेजंग इमारत ही त्यांची नाही आहे तर लुबाडलेल्या जागेवर उभी आहे. मूळ जागा मालकाला अद्याप एक पैसाही मिळालेला नाही, असा गंभीर आरोप अंजली दमानिया यांनी यावेळी केला. ज्या माणसाला उठसुठ छातीत कळ यायची ती कळ कुठे गेली. असा सवालही त्यांनी केला.

भुजबळ यासंदर्भात पुढे म्हणाले की, घरासंबंधीचे कागदपत्र आमच्याकडे आहेत. परंतु मी या कंपनीचा डायरेक्टर नाही. आमचे लोक आहेत. हे सगळं असलं तरी दमानिया यांना असं नाटक करायचं आजच कसं सुचलं? एकीकडे ओबीसींचा लढा सुरु असताना दुसरीकडे असे आरोप केले जात आहेत. काहीही झालं तरी न्यायाच्या पलीकडे मी अजिबात जाणार नाही.

फर्नांडिस कुटुंबाचा एक बंगला होता. तो 1994 ला रहेजाला पुनर्बांधणी करायला दिला. त्याच्या बदल्यात फर्नांडिस कुटुंबाला पाच प्लॅट मिळणार होते. पण अद्याप ते प्लॅट मिळाले नाहीत तर रहेजाने तो बंगला समीर भुजबळ यांच्या कन्स्ट्रक्शनला विकला. त्यानंतर त्यावर बुलडोझर फिरवला गेला. पण फर्नांडिस कुटुंबाला एकही पैसाही मिळालेला नाही. मी काही किरीट सोमया नाही, हातोडा घेऊन टाईमपास करायला. भुजबळ यांनी काल कष्टाच्या पैशाचे खातो, असे जाहीर सभेत म्हटले होते. त्यांचे कष्टाचे पैस हे शा कुटुंबाचे ओरबडून घेतलेले आहेत, असा आरोपही त्यांनी केला. ज्या कुटुंबाचा आदर करत नाही त्या कुटुंबातील सुप्रिया सुळे यांना याबद्दल माहिती दिली. त्यांनी तीस सेकंदात मला कॉल करुन या प्रकरणाची माहिती घेतली आणि माणूस पाठवून या कुटुंबाची दयनीय अवस्था पाहिली, असेही दमानिया यांनी सांगितले.