पुणे- पुण्याची लोकसभा निवडणूक भाजपच्या वतीने लढविण्यास इच्छुक असलेले माजी राज्यसभा सदस्य खासदार संजय काकडे यांनी हर घर मोदी घोषणेप्रमाणे PM मोदींच्या कार्याचा अहवाल स्वहस्ते कानाकोपऱ्यातील व्यक्ती व्यक्ती कडे पोहोचविल्यानंतर आता ते दिवाळी फराळाच्या निमित्ताने विविध विधानसभा मतदार संघात लोकसभेसाठी राजकीय फिल्डिंग मजबूत करत असल्याचे वृत्त आहे.त्यांनी काल येथे भारतीय जनता पक्षाचे पुणे कॅन्टोन्मेंट विधानसभा मतदार संघाचे आमदार श्री सुनील कांबळे यांच्या वतीने आज दिवाळी फराळ आणि स्नेहसंमेलनाचे आयोजन करण्यात आले.यावेळी असंख्य मान्यवर आणि कार्यकर्ते यांच्याशी त्यांनी जवळीक साधली , यावेळी पर्वती विधानसभा मतदार संघाच्या आमदार माधुरी मिसाळ,महापालिकेचे अतिरिक्त आयुक्त खेमनार , पुणे कँटोन्मेंट विधानसभा मतदार संघाचे अध्यक्ष महेश पुंडे, माजी नगरसेवक उमेश गायकवाड, राहुल भंडारे भाजपा माथाडी कामगार संघटनेचे तुषार पाटील, माजी नगरसेविका अर्चना पाटील,आदी मान्यवर उपस्थित होते. यानिमित्ताने मतदार संघातील विकास प्रकल्प, पुण्याचे राजकारण, समाजकारण आदी विविध विषयांवर उपस्थित मान्यवरांसोबत चर्चा केली..