कोकणात गणेशोत्सवात जाणा-या चाकरमान्यांसाठी भाजपच्या कोकण विकास आघाडी मार्फत मोफत बस

मुंबई- कोकणात गणेशोत्सवात जाणा-या चाकरमान्यांसाठी भाजपच्या कोकण विकास आघाडी मार्फत खास मोफत बसची सुविधेचे लोकार्पण आज विरोधी पक्ष नेते प्रविण दरेकर यांच्या हस्ते करण्यात आले.
मुंबई ते सावंतवाडी मोफत बस सेवेला प्रविण दरेकर यांनी हिरवा झेंडा दाखविला. या अभिनव उपक्रमाचे दरेकर यांनी कौतुक केले.भाजपचा झंझावात जो कोकणात मोठ्या दिमाखात सुरू झाला आहे तो वाढविण्याचे व टिकविण्याचे काम अशा उपक्रमाच्या माध्यमातून होत आहे हे उल्लेखनीय असल्याचे दरेकर यांनी सांगितले. मुंबईतून लाखो चाकरमानी कोकणात गणपतीसाठी जातो पण अनेकांना ट्रेन चे तिकीट मिळत नाही,एसटी पण फुल्ल होतात।अशा वेळी भाजपने कोकणात जाण्यासाठी अशी सेवा सुरू करून एक उत्तम आदर्श घालून दिल्याचेही दरेकर यांनी सांगितले. केंदीय मंत्री नारायण राणे यांच्या कोकणातील जन आशीर्वाद यात्रेमुळे कोकणात नव चैतन्य निर्माण झाले आहे.हे चैतन्य असेच आता सुरू राहणार असून कोकण लवकरच भाजपचा बालेकिल्ला होईल असा विश्वासही दरेकर यांनी व्यक्त केला.या प्रसंगीं प्रकाश (दादा) पवार,शलाका साळवी, सचिन शिंदे, आनंद धुमाळेस,सचिन शिरवडकर, विशाल (बबन) तोडणकर, नारायण पवार, सूर्यकांत धुरी,रमेश कदम,प्रकाश गायकवाड आदि मान्यवर उपस्थित होते