मुंबई-राष्ट्रवादी काँग्रेसचे आमदार तथा माजी गृहमंत्री अनिल देशमुख यांना जामीन मंजूर झाला आहे. ईडीनंतर आता सीबीआयच्या केसमध्येही त्यांना जामीन मंजूर झालाय. सीबीआयकडून देशमुखांच्या जामिनाला विरोध करण्यात आला असून 10 दिवसांची स्थगिती देण्यात आली आहे.सीबीआयकडूनही अनिल देशमुख यांच्या जामीनाला सुप्रीम कोर्टात चॅलेज करण्यात येणार आहे. मात्र ईडीने सुप्रीम कोर्टात धाव घेतली अनिल देशमुखांच्या जामीनाला आव्हान देणारी याचिका सुप्रीम कोर्टाने फेटाळली होती.महाविकास आघाडी सरकारच्या काळात गृहमंत्री असणारे अनिल देशमुख हे 100 कोटी रुपयांच्या वसुली प्रकरणात अनिल देशमुख आरोपी आहे. त्यांना आधी ईडीने अटक केली होती. मात्र ईडीकडून त्यांना आधीच जामीन मंजूर झाला तर आज सीबीआयच्या केसमध्येही जामीन मंजूर झाला आहे.
राष्ट्रवादी काँग्रेसचे नेते अनिल देशमुख यांना 2 नोव्हेंबर 2021 रोजी अटक झाली होती. त्यांच्यावर भ्रष्टाचाराचा गुन्हा दाखल आहे. न्या. एन. जे. जमादार यांनी देशमुख यांना 1 लाखाच्या जातमुचलक्यावर जामीन मंजूर केला.