पुणे- माजी नगरसेविका नीता परदेशी-रजपूत यांच्या पतीने त्याच्या लॉ कॉलेज रस्त्यावरील ऑफिसामध्ये मध्यरात्री गळफास घेऊन आत्महत्या केल्याचा धक्कादायक प्रकार उघडकीस आला आहे. त्यांच्या आत्महत्येचे कारण स्पष्ट नसून, त्याचा तपास सुरू असल्याचे सांगण्यात आले.
जयंत रजपूत (रा. खजिनाविहार) असे आत्महत्या केलेल्या नगरसेविकेच्या पतीचे नाव आहे. याप्रकरणी डेक्कन पोलीस ठाण्यात आकस्मित गुन्ह्याची नोंद करण्यात आली आहे.
, जयंत यांच्या पत्नी नीता परदेशी या गेल्या वेळी काँग्रेस पक्षाकडून पालिकेची निवडणूक लढवली होती. त्या नगरसेविका राहिल्या आहेत. त्या स्टँडिंग कमिटीच्या चेअरमन देखील होत्या. जयंत यांचे लॉ कॉलेज रस्त्यावरील कांचन गल्लीत ऑफिस आहे. त्यांची बारामतीत औषध कंपनी आहे. ते व्यवसायिक आहेत.जयंत रजपूत यांचे औषधाचे कारखाने हिमाचल प्रदेश तसेच पुण्यात आहेत. काल रात्री ते उशिरापर्यंत घरी आले नाही. तसेच मोबाईलही उचलत नसल्याने त्यांचा मुलगा कार्यालयात आला. कार्यालय आतून बंद होते. त्यामुळे त्याने मागील बाजूने जाऊन पाहिले. तेथील लाकडी दरवाजा तोडून आत प्रवेश केल्यावर जयंत रजपूत यांनी गळफास घेतल्याचे आढळून आले.त्यांनी तातडीने रुग्णालयात नेले. परंतु, डॉक्टर तपासणीपूर्वीच त्यांचा मृत्यु झाला होता़ त्यांनी डेक्कन पोलिसांना याची माहिती दिली़ डेक्कन पोलीस अधिक तपास करीत आहेत.