मुंबई – शिवसेना खासदार संजय राऊत यांनी देखील राजकीय मतभेद विसरून देवेंद्र फडणवीसांना काळजी घेण्याचा सल्ला दिला आहे. ‘काळजी घ्या. आपल्या प्रकृतीस लवकरात लवकर आराम पडो! जय महाराष्ट्र!’ असं ट्वीट त्यांनी केलं आहे. त्यांचं हे ट्वीट सोशल मीडियावर वेगानं व्हायरल होत आहे.“माझी करोना चाचणी पॉझिटिव्ह आली आहे. मी गृह विलगीकरणात आहे. डॉक्टरांच्या सल्ल्यानुसार करोनासंबंधित औषधं आणि उपचार घेत आहे. माझ्या संपर्कात जे कुणी आले असाल, त्यांनी आपली करोना चाचणी करून घ्यावी. सगळ्यांनी काळजी घ्यावी”, असं ट्वीट फडणवीसांनी केल्यानंतर अनेक राजकीय नेत्यांनी प्रतिक्रिया देत ते लवकरात लवकर बरे व्हावेत, यासाठी प्रार्थना केली आहे. फडणवीसांची ट्वीटर पोस्ट पाहून राऊत यांनी दिलेल्या रिप्लाय ला एकाने ट्रोल करण्याचा प्रयत्न केला आहे. अमोल नावाच्या कुणी तरी त्यांना असे म्हटले आहे कि, तुम्ही पण काळजी घ्या ED तुम्हाला पकडून घेऊन जाईल …जय मोदीजी ..
दरम्यान चित्रा वाघ आणि असंख्य जणांनी गेट वेल सून सर, लवकर बरे व्हा सारख्या पोस्ट रिप्लाय म्हणून केल्या आहेत . भाजपा नेते प्रविण दरेकर यांनी देखील ट्वीट करत फडणवीसांसाठी सदिच्छा व्यक्त केली आहे. त्यांनी म्हटलं की, “आपण काळजी घ्या आणि करोनातून लवकर बरे व्हा! महाराष्ट्रातील तमाम जनतेचं प्रेम आणि सदिच्छा आपल्या पाठीशी आहेत. आपण लवकरच बरे होऊन पुन्हा जनसेवेच्या कार्यात रुजू व्हाल असा आम्हाला विश्वास आहे.” त्याचबरोबर महाराष्ट्राचे माजी मंत्री आणि भाजपाचे नेते हर्षवर्धन पाटील यांनीही फडणवीसांना लवकरात लवकर बरं होण्यासाठी सदिच्छा व्यक्त केली असून आमच्या प्रार्थना तुमच्यासोबत आहेत, असं म्हटलं आहे.
