मुंबई-
समाजोपयोगी कार्यक्रमांचे आयोजन करणा-या दिव्यज फाऊंडेशनतर्फे नुकतेच एका आरोग्य शिबिराचे
आयोजन वरळीच्या नेहरू सायन्स सेंटरमध्ये करण्यात आले होते.
या दोन दिवसांच्या कार्यक्रमात तब्बल 400 – 500 महिला सफाई कर्मचारी सहभागी झाले होते.
सातत्याने कच-याच्या सानिध्यात असल्यामुळे या महिलांना रोगांचा प्रादुर्भाव होण्याची शक्यता टाळता
येत नाही. आणि म्हणूनच या महिलांच्या शारीरिक स्वास्थ्याचा विचार करून दिव्यज फाऊंडेशनतर्फे या
आरोग्य शिबिराचे आयोजन करण्यात आले. दोन दिवसांच्या या शिबिरात शारीरिक स्वास्थ्याबरोबरच
मानसिक स्वास्थ्य, योगा, मेडिटेशन, आयुर्वेदाचे जेवणातील महत्व, त्वचारोग, मधुमेह, परिवार कल्याण
आणि नियोजन, यासारख्या काही महत्त्वाच्या विषयांवर तज्ञांचे मार्गदर्शन या महिलांना लाभले.
समाज कल्याण आणि सक्षमतेसाठी लढणा-या दिव्यज फाऊंडेशनचे हे आणखी एक पाऊल… या
कार्यक्रमाचा समारोप सौ. अमृता फडणवीस, श्री अजॉय मेहता आणि नावाजलेले सेलिब्रिटी शेफ संजीव
कपूर यांच्या उपस्थितीत झाला. दरम्यान स्रियांनी आपल्या सबलीकरणावर आणि सक्षमीकरणावर भर
देत आपल्या स्वप्नांच्या पंखांनी उंच भरारी घेण्याचा सल्ला ही यावेळी सौ. अमृता फडणवीस यांनी
दिला.
