पुणे, ३०- अवयव निकामी झालेल्या रुग्णांची सद्यस्थिती लक्षात घेता अशा रुग्णांना नवजीवन मिळावे, या उद्देशाने समाजात अवयव दानाबाबत व्यापक जनजागृती होण्याकरिता आयोजित केलेल्या महाअवयवदान अभियानाचा आज अवयवदान रॅलीने शुभारंभ झाला.
वैद्यकीय शिक्षण व औषधीद्रव्य विभाग, सार्वजनिक आरोग्य विभाग आणि विभागीय प्रत्यरोपण समिती
यांच्या वतीने राज्यभर दि. ३० ऑगस्ट ते १ सप्टेंबर या कालावधीत एकाच वेळी राज्यभरात हे महा अवयवदान अभियान राबविण्यात येत आहे. याची सुरुवात आज सकाळी ९ वाजता बी.जे. वैद्यकीय महाविद्यालय येथून रॅलीने करण्यात आली. महाविद्यालयाचे अधिष्ठाता डॉ. अजय चंदनवाले यांच्या हस्ते झेंडा दाखवून रॅलीचा प्रांरभ झाला.
यावेळी उप अधिष्ठाता डॉ. मुरलीधर तांबे, डॉ.अरुण मोकळे, डॉ. सोमनाथ यलगर, डॉ. योगेश गवळी,
डॉ.हरिष ताठिया, डॉ. विकास क्षीरसागर यांची उपस्थिती होती.अवयवदानाबाबत जनजागृती करणारे फलक हातात घेवून घोषणा देत सहभागी विद्यार्थी-विद्यार्थींनींचा सहभाग उत्स्फूर्त होता. रॅलीची बी.जे.महाविद्यालय येथून निघून पुढे मध्यवर्ती प्रशासकीय इमारत, जनरल
पोस्टऑफीस, दोराबजी या मार्गाने जावून बी.जे. महाविद्यालय मैदानावर सांगता झाली. त्यापूर्वी सकाळी ८ वाजता शहरातूनही रॅलीचे विविध ठिकाणाहून आयोजन करण्यात आले होते. संचेती हॉस्पिटल, वाडिया कॉलेज, आझम कॅम्पस, शनिवार वाडा, पुलगेट बसस्थानक, सेव्हन लव चौक अशा विविध ठिकाणाहून रॅली निघून तिची बी. जे. वैद्यकीय महाविद्यालयाच्या मैदानावर सांगता झाली.
रॅलीमध्ये बी.जे. वैद्यकीय महाविद्यालयाचे डॉक्टर्स, नर्सिंग स्टाफ, विद्यार्थी तसेच इंडियन मेडिकल
असोसिएशन, नॅशलन मेडिकल ऑर्ग नायझेशन, रुबी हॉल हॉस्पिटल, दिनानाथ मंगेशकर रुग्णालय, झेड टी सी सी अशी विविध रुगणालये, स्वयंसेवी संस्था, रेाटरी क्लब, लायन्स कल्ब, गणेश मंडळे, तसेच विविध वैद्यकीय अभियांत्रिकी तसेच महाविद्यालयातील विद्यार्थी –विद्यार्थींनी अध्यापक वर्ग सहभागी झाले होते.