फ्लेक्सबाजीवर खर्चा ऐवजी वाढदिवशी करा गरजूंना सहाय्य …
पुणे- राजकीय कार्यकर्त्यांनी वाढ दिवसानिमित्त फ्लेक्सबाजीवर खर्च करून शहर विद्रुपीकरणाला हात भार लावण्याऐवजी त्याच खर्चातून समाजातील पिडीत गरजू असहाय्य लोकांना मदत करावी असा संदेश आज शहर कॉंग्रेसचे अध्यक्ष रमेश बागवे यांनी आपल्या वाढदिवसाचे औचित्य साधून दिला .
आज आपल्या वाढ दिवसानिमित्त कोणीही कुठेही फ्लेक्स लावून शहर विद्रूप करू नये त्या ऐवजी त्याच खर्चाचे जमेल तेवढे धान्य ,पुस्तके ,वह्या असे साहित्य देवून शुभेच्छ्या द्या…असे विनंतीवजा आवाहन बागवे यांनी सोशल मीडियातून आपल्या कार्यकर्त्यांना चाहत्यांना केले होते . त्याचा परिणाम म्हणून असंख्य पुस्तके ,आणि धान्य व आदी किराणामाल जमा झाला . हे सारे साहित्य आज बागवे यांनी वृद्धाश्रम ,आणि निराधार मुलांचे संगोपन करणाऱ्या संस्थाकडे पोहोच केले .