शिवछत्रपती राज्य क्रीडा पुरस्काराने सन्मानित कु. तेजस विजय कोंडे याचा सत्कार सोहळा संपन्न
पुणे-महाराष्ट्र राज्य शिवछत्रपती क्रिडा पुरस्काराने सन्मानित तेजस विजय कोंडे यांचा शिवगंगा खोऱ्यातील मंडळींनी शिवजयंतीच्या निमित्ताने खेड शिवापूर येथील मुक्तांगण लॉन्स येथे विशेष गौरव करण्यात आला . यावेळी उपस्थितांमध्ये उच्च न्यायालयातील सरकारी वकील विठ्ठल आबा कोंडेदेशमुख, अर्जुन पुरस्कार विजेते पै काका पवार, भारतीय ऑलम्पिक संघाचे सहसचिव नामदेव शिरगावकर, पुणे जिल्हा परिषद माजी सदस्य कुलदीपतात्या कोंडे, सुनील मारणे, ऑल महा.वुशू असो.सचिव सोपान कटके, प्रशासकीय अधिकारी महा. राज्य ऑलम्पिक असोसिएशन राजेंद्र घुले,राज्यस्थरीय कुस्ती प्रशिक्षक शिवाजी कोळी, अमोल पांगारे होते.
तेजस कोंडे गेली १० वर्षे वुशू खेळत असून त्याने अनेक राज्यस्तरीय व राष्ट्रीय स्पर्धेत विजेतेपद पटकवले आहे. त्याची जिद्द आणि मेहनतीबरोबरच त्याने आपल्या आई-वडिलांना, सहकारी मित्रांना व मार्गदर्शकांना या पुरस्काराचे श्रेय दिले.
अर्जुन पुरस्कार विजेते पै काका पवार यांनी तेजसला राज्य पुरस्कारावर समाधानी न राहता राष्ट्रीय पुरस्कार मिळ्वण्यासाठी प्रयत्न करावेत असे सांगितले तर भारतीय ऑलम्पिक संघाचे सहसचिव नामदेव शिरगावकरांनी वुशू खेळ नवीन असला तरी खेड्यातील खेळाडू देखील यात कशा प्रकारे कामगिरी करून दाखवू शकतात हे तेजस चे उदाहरण देऊन सांगितले तसेच खेड्यातील खेळाडू मग तो कोणत्याही खेळातला असो काहीही अडचण आली तर भारतीय ऑलिम्पिक असोसिएशन तर्फे योग्य ती मदत करण्याचे आश्वासन त्यांनी सर्व खेळाडूंना दिले.
ऑल महा.वुशू असो.सचिव सोपान कटके यांनी वुशू खेळाबद्दल उपस्थितांना माहिती दिली.
जिल्हा परिषद सदस्य कुलदीपतात्या कोंडे यांनी ते कुस्ती खेळत असताना त्यांनी अनुभवलेल्या गोष्टी मिस्किलपणे उपस्थितांसमोर मांडल्या. हा पुरस्कार किती मोठा आहे आणि तो मिळ्वण्यासाठी काय कष्ट घ्यावे लागतात याची कल्पना त्यांनी सर्वाना दिली आणि तेजस च्या पुढील वाटचालीत काही अडथळा आला तर आम्ही त्याच्या पाठीशी उभे असू अशी ग्वाही त्यांनी दिली.
याप्रसंगी उत्कृष्ठ क्रीडा मार्गदर्शक पुरस्कार विजेते सोपान कटके यांचा देखील सत्कार कारण्यात आला. कु. ओंकार अनिल पवार व कु. सुरज भुजंग सोनकांबळे या खेळाडूंना देखील वुशू खेळामध्ये महाराष्ट्र राज्य शिवछत्रपती क्रिडा पुरस्कार प्राप्त केल्याबद्दल सत्कार करण्यात आला.