पुणे-आपल्या कार्यालयासमोर आलेल्या गणेश मंडळातील कार्यकर्त्यांना मारहाण आणि गणेश मुर्तीची विटंबना केल्याप्रकरणी काल सकाळी पोलिसांनी अटक केलेल्या काँग्रेसचे नगरसेवक अविनाश बागवे यांच्यासह त्यांच्या ६ कार्यकर्त्यांची आज न्यायालयाने जामिनावर मुक्तता केली .बागवे यांच्या वतीने अॅड. विलास घाडगे पाटील यांनी काम पाहिले.
युवराज सुलतान अडसुळ (27, रा. राजीव गांधी सोसायटी, कासेवाडी, भवानी पेठ) यांनी दिलेल्या फिर्यादीवरून खडक पोलिसांनी अविनाश बागवे, यासेर बागवे, विवेक उर्फ बंटी बागवे, दयानंद अडागळे, जयवंत मोहिते, सुरज कांबळे, कुमार अडागळे, नितीन कसबे, बापु कसबे, गणेश जाधव, बागवे यांचे पीए अरूण गायकवाड, सुरेखा खंडाळे, विठ्ठल खोरात, परेश गुरव, अविनाश बागवे यांचे मेहुणे सुरज कांबळे आणि शिवाजी काळे (सर्व रा. कासेवाडी, भवानीपेठ) यांच्याविरूध्द भादंवि143,146,148,149,295,296,323,427,504, महाराष्ट्र कायदा कलम 37 (1)(3) सह कलम 135 प्रमाणे गुन्हा दाखल करून त्यांना सोमवारी सकाळी अटक केली
रविवारी सायंकाळी सहा वाजण्याच्या सुमारास हा प्रकार झाल्याचे पोलिसांचे म्हणणे आहे .