५ वर्षातल्या नाले सफाई ,ड्रेनेज च्या कामांची श्वेत पत्रिका काढा
पुणे- पुण्यातील रस्त्यांवरील खड्डे आणि त्यानंतर ऑक्टोबर महिन्यातील परतीच्या पावसाने अल्प वेळेत पुण्याच्या विकासाच्या कामकाजाचा केलेला पर्दाफाश आणि त्यामुळे सातत्याने गैरकारभार ,अनधिकृत बांधकामे , नाले बळकाविण्याचे, वळविण्याचे प्रकार खुलेआम पाहून डोळे मिटून वावरलेल्या पुणेकरांची उडालेली दैना आता सार्वत्रिक झाली आहे. पावसाने सर्वांचीच पोलखोल केली आहे . या पार्श्वभूमीवर भाजपचे शहर अध्यक्ष जगदीश मुळीक आणि अन्य महापालिका पदाधिकारी राहिलेल्या भाजपा नेत्यांनी राष्ट्रवादी -आणि कॉंग्रेसचेच हे पाप असल्याचा आरोप केल्यावर ,त्यानंतर आता यावर आपण एकत्र बसून मार्ग काढू असा समंजस पवित्र घेत पुणेकरांकडे पालकमंत्र्यांनी दिलगिरी व्यक्त केल्यावर देखील सहज मिटेल असा हा विषय नसल्याने कॉंग्रेसच्या शिष्ट मंडळाने आज महापालिका आयुक्त विक्रम कुमार यांची भेट घेऊन निवेदन दिले. गेल्या ५ वर्षात कामांच्या नावाखाली केवळ बिले काढली गेली , कामे झालीच नाहीत असा आरोप करत कॉंग्रेसने पुन्हा एकदा आता या निमित्ताने किमान नाले सफाई , ड्रेनेज अशा कामांची तरी श्वेत पत्रिका काढा अशी मागणी केली आहे . पुणे शहर कॉंग्रेसचे अध्यक्ष अरविंद शिंदे , माजी गृहराज्यमंत्री रमेश बागवे ,ज्येष्ठ नेते उल्हास पवार ,कमल व्यवहारे ,रजनी त्रिभुवन ,संगीता तिवारी आदी मान्यवर कार्यकर्ते यांचा या शिष्ट मंडळात समावेश होता. त्यानंतर संध्याकाळी कॉंग्रेस भवनात पत्रकार परिषद घेत कॉंग्रेसचे अध्यक्ष शिंदे यांनी भाजपा च्या तत्कालीन महापालिका पदाधिकाऱ्यांच्या कडून झालेल्या टीकेचा समाचार घेतला. या वेळी नेमके ते काय म्हणाले ते ऐका त्यांच्याच शब्दात ……