ठळक वैशिष्ट्ये:
- सर्वंकष पॅकेज समाविष्ट
(1) वेधक, चित्त्यापासून प्रेरित डिझाइन (2) गाडी चालवण्याचा पुरेपूर आनंद देणारी कामगिरी(3) श्रेणीतील पहिलीवहिली हाय-टेक वैशिष्ट्ये (4) श्रेणीतील सर्वोत्तम सुरक्षितता (5) श्रेणीतील ठळक इंटिरिअर
- पेट्रोल व डिझेल अशा दोन्ही प्रकारांत उपलब्ध
- फेब्रुवारी 2019 च्या पूर्वार्धात दाखल करणार
मुंबई: महिंद्रा अँड महिंद्रा लि. (एमअँडएम) या 20.7 अब्ज डॉलर उलाढाल असणाऱ्या महिंद्रा समूहाचा भाग असणाऱ्या कंपनीने मोठ्या प्रतीक्षेत असणाऱ्या आपल्या नव्या, S201 असे कोडनेम असणाऱ्या वाहनाचे नाव जाहीर केले आहे – XUV300 (XUV, 3 डबल ‘Oh’ असा उच्चार).
XUV300 ने 2015 मध्ये दाखल झाल्यापासून, 50+ देशांत 260,000 वाहनांची विक्री करणाऱ्या सांगयोंग तिवोली या जगभर प्रसिद्ध असणाऱ्या उत्पादनाच्या तोडीचे स्थान मिळवले आहे. तिवोलीनेही सुरक्षा व अर्गोनॉमी यासाठी विविध पुरस्कार जिंकले आहेत, जसे 2015 केएनसीएपी (कोरिअन न्यू कार असेसमेंट प्रोग्रॅम) कडून ऑटोमोटिव्ह सेफ्टी टेस्टमधील ग्रेड 1 (हायेस्ट) सेफ्टी अवॉर्ड.
XUV300 मध्ये चित्त्यापासून प्रेरित डिझाइन, चित्त्यासारखी चपळता, थरारक कामगिरी व आधुनिक तंत्रज्ञानाची वैशिष्ट्ये यामुळे, XUV500 चे गुणविशेष कायम ठेवण्यात आले आहेत. XUV300चे हेडलॅम्प फॉग लॅम्पशी एकात्मिक होत असल्याने चित्त्याप्रमाणे टिअर-डक्ट दिसून येते, तर व्हील आर्क चित्त्याच्या मागील भागापासून प्रेरित आहेत. आधुनिक ग्रिल, स्कल्पेड बॉनेट, दणकट शोल्डर व बॉडीलाइन, तसेच वेधक ऐट यामुळे XUV300 रस्त्यावर आकर्षक व राकट दिसते. याबरोबर, ड्युएल एलईडी डीआरएल व ठळक एलईडी टेल लॅम्प यामुळे गाडीचे रूप अधिक खुलते व तिची खास ओळख निर्माण होते.
नावाचे अनावरण करण्याच्या निमित्ताने बोलताना, एमअँडएम लि.चे व्यवस्थापकीय संचालक डॉ. पवन गोएंका यांनी सांगितले, “मराझ्झो व अल्तुरास जी4 या वाहनांनंतरची, महिंद्रा वाहनांच्या अत्याधुनिक वाहनांमधली XUV300 ही नवी गाडी आहे. आमच्या नव्या गाड्या उत्कृष्ट इंजिनीअरिंगमधून निर्माण झाल्या आहेत आणि त्या जागतिक व्यासपीठावर तयार करण्यात आल्या आहेत. XUV500 ने ग्राहकांच्या मनात स्थान मिळवले आहे आणि आता XUV300 च्या निमित्ताने, XUV या ब्रँडने उत्कृष्ट कामगिरी करणाऱ्या वाहनांचा संपूर्ण परिवारच सादर केला आहे.”
एमअँडएम लि.चे ऑटोमोटिव्ह सेक्टरचे अध्यक्ष राजन वधेरा यांनी नमूद केले, “XUV300 हे पूर्णतः नवे उत्पादन असून ते जागतिक व्यासपीठावर साकारलेले आहे आणि त्यामध्ये या श्रेणीतील अनेक पहिलीवहिली वैशिष्ट्ये समाविष्ट आहेत. XUV300 चे आकर्षक, चित्त्यापासून प्रेरित असलेले डिझाइन, गाडी चालवण्याचा पुरेपूर आनंद देणारी कामगिरी, या श्रेणीतील सर्वोत्तम सुरक्षितता आणि या श्रेणीत उठून दिसणारा अंतर्भाग यामुळे ही गाडी आकर्षक व सर्वंकष असे परिपूर्ण पॅकेज ठरते आणि ते ग्राहकांना नक्की आवडेल. आम्ही XUV300 पेट्रोल व डिझेल अशा दोन्ही पर्यायांत उपलब्ध करणार आहोत.”
XUV300 चे उत्पादन महाराष्ट्रातील नाशिक येथील कंपनीच्या उत्पादन प्रकल्पामध्ये केले जाणार आहे आणि ही गाडी फेब्रुवारी 2019 च्या पूर्वार्धात दाखल केली जाणार आहे.
महिंद्राविषयी
20.7 अब्ज डॉलर उलाढाल असलेल्या या कंपन्यांच्या समूहाचा नेहमीच प्रयत्न असतो की, नावीन्यपूर्ण वाहतूक सुविधांद्वारे लोकांचा उदय होण्यासाठी सक्षम केले पाहिजे, ग्रामीण भागात भरभराट झाली पाहिजे, शहरातील जीवनशैली सुधारली पाहिजे आणि व्यवसायाची कार्यक्षमता वाढली पाहिजे. त्यामुळे लोकांना चालना मिळून त्यांचा विकास होईल. समूह भारतात युटिलिटी व्हेइकल्स, माहिती तंत्रज्ञान, वित्तीय सेवा व व्हेकेशन ओनरशिप यामध्ये आघाडीच्या स्थानी आहे व व्हॉल्युमच्या बाबतीत जगातील सर्वात मोठी ट्रॅक्टर कंपनी आहे. कृषिव्यवसाय, एअरोस्पेस, कम्पोनंट्स, सल्ला सेवा, संरक्षण, ऊर्जा, औद्योगिक उपकरणे, लॉजिस्टिक्स, रिअल इस्टेट, स्टील, रिटेल, व्यावसायिक वाहने व दुचाकी व्यवसायांतही अग्रेसर आहे. मुंबईत मुख्यालय असलेल्या महिंद्रामध्ये 100 देशांत अंदाजे 240,000 कर्मचारी आहेत.
