पुणे-टाटा पॉवर या भारतातील सर्वांत मोठ्या एकात्मिक वीजकंपनीचा आपल्या ग्राहकांना मूल्यवर्धित लाभ देण्यासाठी नवकल्पना व तंत्रज्ञानाच्या उपयोग करण्यात नेहमीच पहिला क्रमांक राहिला आहे. या वचनबद्धतेशी सुसंगती राखत टाटा पॉवरने व्होडाफोनशी भागीदारी करून आपल्या ग्राहकांना व्होडाफोन एम-पेसा ई-वॉलेटच्या माध्यमातून बिल भरण्याची सुविधा उपलब्ध करून दिली आहे. या अनोख्या सुविधेमुळे टाटा पॉवरच्या ग्राहकांना वीजबिले तत्काळ व सुलभ पद्धतीने भरणे शक्य होईल. ही सुविधा मुंबईभर सोयीस्कर ठिकाणी असलेल्या १५०हून अधिक सर्व व्होडाफोन मिनी स्टोअर्समध्ये उपलब्ध आहे.
भारत सरकारच्या डिजिटल इंडिया या उपक्रमाशी सुसंगती राखत टाटा पॉवरने मुंबईत व्होडाफोनशी भागीदारी केली आहे. यामुळे ग्राहक त्यांच्या सोयीने घर/कार्यालय आदी मार्गांवरील प्रवासादरम्यान व्यवहार करत, विजेचे बिल भरू शकतील आणि त्यायोगे डिजिटल पेमेंटला उत्तेजन मिळेल. स्मार्टफोन्सव्यतिरिक्त ई-वॉलेट फीचर उपलब्ध असलेल्या नॉन-स्मार्टफोन्सद्वारेही डिजिटल पद्धतीने बिल भरले जाऊ शकेल. टाटा पॉवरचे उपभोक्ते मुंबईभर पसरलेल्या व्होडाफोन मिनी स्टोअर्सपैकी कोणत्याही स्टोअरमध्ये प्रत्यक्ष जाऊन, काउंटरवर आपले बिल दाखवून, रोख भरणाही करू शकतात.
या सुविधेबद्दल टाटा पॉवरचे मुख्य कार्यकारी अधिकारी आणि व्यवस्थापकीय संचालक श्री. प्रवीर सिन्हा म्हणाले, “आम्ही, टाटा पॉवरमध्ये, एकंदर ग्राहकसेवा आणि ग्राहकांचा अनुभव यांच्यात सुधारणा घडवून आणण्यासाठी तंत्रज्ञानाचा वापर वाढवण्यावर सतत काम करत असतो. या सुविधेच्या मदतीने ग्राहकांच्या सोयीसाठी पैसे भरण्याचे अतिरिक्त मार्ग उपलब्ध करून देऊन टाटा पॉवर शहरातील वीज बिले भरण्याच्या पद्धतीत क्रांती घडवून आणणार आहे. या सुविधेमुळे ग्राहकांना बिल भरण्याचे अधिक सुरक्षित पर्याय उपलब्ध होतील आणि त्यामुळे देशातील आर्थिक समावेशनातही योगदान दिले जाईल. टाटा पॉवरच्या भागधारकांच्या एकूण अनुभवात यामुळे मोठी भर पडेल याबद्दल टाटा पॉवरला आत्मविश्वास आहे. टाटा पॉवरशी व्यवहार करणाऱ्या ग्राहकांना दिल्या जाणाऱ्या सुविधांमध्ये सुधारणा करण्यासाठी आम्ही यापुढेही बांधील राहू.”
