पुणे, : गणेश विसर्जनाच्या कालावधीत सार्वजनिक ठिकाणी असलेल्या वीजयंत्रणेपासून नागरिकांनी सतर्क
राहण्याचे आवाहन महावितरणने केले आहे.
गणेश विसर्जनाच्या मिरवणुकीत वीजसेवेबाबत काही अडचणी, तक्रारी किंवा अन्य घटनांची माहिती देण्यासाठी
नागरिकांनी किंवा गणेश मंडळांच्या सदस्यांनी 24 तास सुरु असणार्या कॉलसेंटरच्या 18002003435 किंवा
18002333435 या टोलफ्री क्रमांकावर संपर्क साधावा. शहरातील महत्वाच्या लक्ष्मी रोड व टिळक रोडवरील गणेश
विसर्जन मिरवणुकीसाठी लक्ष्मी रोड येथे तात्पुरता नियंत्रण कक्ष सुरु करण्यात येत आहे. मिरवणुक संपेपर्यंत सुरु
राहणार्या या नियंत्रण कक्षात सहाय्यक अभियंत्यांची नियुक्ती करण्यात आली आहे.
गणेश मंडळांनी विसर्जनाच्या कालावधीत मिरवणुकीतील वाहने, देखावे आदी उच्च व लघुदाब वाहिन्या, रोहित्र,
फिडर पिलर आदी यंत्रणेपासून सुरक्षित अंतरावर राहतील याची काळजी घ्यावी. तसेच नागरिकांनी मिरवणूक
पाहण्यासाठी वीजयंत्रणा किंवा फिडर पिलरवर चढू नये किंवा त्याचा आधार घेऊ नये. कोणी असा प्रयत्न करीत असेल तर
वीजयंत्रणेपासून सुरक्षीत अंतरावर जाण्यास भाग पाडावे असे आवाहन करण्यात आले आहे.
दरम्यान, पुणे परिमंडलातील गणेश विसर्जनाच्या कालावधीत मोबाईल व्हॅनसह महावितरणचे अभियंता व कर्मचार्यांचे
पथक उपलब्ध राहणार आहे. गणेश विसर्जनाच्या कालावधीत विद्युत सेवेबाबत काही अडचणी आल्यास किंवा अन्य घटनांची
माहिती द्यावयाची असल्यास महावितरणच्या टोल फ्री 18002003435 किंवा 18002333435 क्रमांकावर संपर्क
साधण्याचे आवाहन केले आहे.