इस्लामाबाद – पेशावर मध्ये केलेल्या हिंसाचाराच्या घटनेनंतर ट्वीटर वर संभाषणे होवू लागली आहेत पाकिस्तानचे लष्करप्रमुख जनरल राहील शरीफ यांनी पंतप्रधान नवाझ शरीफ यांना तुरुंगात कैदेत असलेल्या 3 हजारहून अधिक दहशतवाद्यांना 48 तासांच्या आत फाशी द्यावी असे ट्वीटर वर म्हटले आहे. राहील शरीफ यांनी ट्वीट केले आहे की, मी पंतप्रधान नवाझ शरीफ यांना सर्व दहशतवाद्यांना फाशी देण्यास सांगितले आहे. 3 हजारहून अधिक दहशतवाद्यांना पुढच्या 48 तासांच फाशी द्यायला हवी.
जनरल शरीफ यांनी ट्वीटरवरच दहशतवाद्यांच्या विरोधात युद्ध पुकारल्याची घोषणा केली होती. त्यांनी ट्वीट केले होते की, खूप झाले. आता दहशतवाद्यांच्या बाजुने बोलणा-या लोकांच्या विरोधात कारवाई करायलाच हवी. जेव्हा पाकिस्तानी लष्कर पेशावरमध्ये दहशतवाद्यांच्या विरोधात लढत होते, त्याचवेळी जनरल शरीफ यांनी ट्वीटरवर खैबर पख्तूनवा प्रांतात दहशतवाद्यांच्या तळावर मोठा हवाई हल्ला केल्याची माहिती दिली होती. तासभरात 10 हवाई हल्ले केल्याचेही त्यांनी सांगितले. दुस-या एका ट्वीटमध्ये जनरलने तालिबानला म्हटले आहे की, ‘तहरीक ए तालिबानसाठी संदेश – तुम्ही आमच्या मुलांना मारले आहे. त्याची किंमत तुम्हाला मोजावीच लागणार आहे. या चिमुकल्यांच्या रक्ताच्या प्रत्येक थेंबाचा मोबदला आम्ही घेऊ. हे माझे वचन आहे.
तालिबानच्या विरोधात पंतप्रधान नवाझ यांनीही ट्वीट केले. पंतप्रधानांनी लिहिले की, तालिबान, पाकिस्तान आर्मी तुमच्यापर्यंत नक्की पोहोचेल आणि तुम्हाल संपवूनच राहील. पण ते तुमच्या बायका मुलांवर हल्ला करणार नाहीत. ते तुमच्या सारखे नाहीत. शरीफ यांनी पाकिस्तानी जनतेला लष्कराला पाठिंबा देण्याचे आव्हानही केले आहे