यंदाच्या महाराष्ट्र विधानसभा निवडणुकीसाठी सर्वांत श्रीमंत उमेदवार म्हणून मुंबईतील भाजपचे दिंडोशीचे उमेदवार मोहित कंबोज यांचे नाव काही माध्यमांनी आज पुढे आणले आहे आहे .उमेदवारी अर्ज भरताना सादर केलेल्या प्रतिज्ञापत्रात मोहित कंबोज यांनी आपली संपत्ती३५३,५३ कोटी रूपये असल्याचे म्हटले आहे हा अब्जाधिश उद्योगपती राजकारणातही सक्रिय आहे. ते भाजपच्या उत्तर भारतीय मोर्चा विभागाचे अध्यक्ष आहेत. आता नुकतेच त्यांना भाजप मुंबईचे उपाध्यक्षपद दिले गेले आहे. बॉम्बे बुलियन असोसिएशन या मुंबईतील सराफी संघटनेचे ते अध्यक्ष आहेत आणि भोजपुरी क्रिकेट लीगचे ते मालक आहेत ते अब्जाधिश असले तरी पदवीधर मात्र नाहीत. सन२००२मध्ये ते वाराणसीहून मुंबईत आले. २००५मध्ये त्यांनी आपली ज्वेलरी कंपनी सुरू केली व आज ते अब्जाधिशांपैकी एक बनले आहेत.
जास्त शिक्षण झाले नसल्याने मोहित यांनी पहिल्यापासून व्यवसायात लक्ष घातले. मोहित यांचा मुख्य व्यवसाय रियल इस्टेट आणिर ज्वेलरी हा आहे. याशिवाय मोहित यांनी बॉलिवूड, क्रिकेट लीग, ज्वेलरी, इन्फ्रास्ट्रक्चर, हॉटेल आणि रिसोर्ट आदि क्षेत्रांत गुंतवणूक केली आहे. बॉम्बे बुलियन असोसिएशन हि सोने आणि ज्वेलरीचा व्यापार करणा-या व्यापा-यांची संघटना आहे. ही संघटना सन १९४८ मध्ये सोन्याचा व्यापार करणा-या सर्व व्यावसायिकांनी मिळून स्थापन केली होती. सध्या त्या संघटनेचे अध्यक्षपद मोहित यांच्याकडे आहे.