पुणे – मुंबई-पुणे एक्सप्रेस हायवेवर पांगोळीजवळ साता-याहून मुंबईकडे जाणारी एसटी बस पलटून झालेल्या अपघातात 2जणांचा जागीच मृत्यू झाला आहे. बसमध्ये सुमारे ३० ते ४० प्रवासी असल्याचे अपघातातील जखमींनी सांगितले आहे. त्यामुळे मृतांचा आकडा आणखी वाढण्याची शक्यता व्यक्त करण्यात येत आहे.
चालू बस रस्त्याच्या खाली उतरल्याने अचनाक पलटी झाली आणि ५० फूट खोल दरीत कोसळली अशी माहिती बसमधील एका जखमी प्रवाशाने दिली आहे. दरम्यान, पोलिस, डॉक्टर, ५ रुग्णवाहिका घटनास्थळी रवाना झाल्या आहेत. स्थानिक लोकांनी याठिकाणी मदतकार्य करण्यासही सुरुवात केली आहे. बस दरीत कोसळल्यामुळे मदतकार्यासाठी २ क्रेनही घटनास्थळी दाखल झाल्या आहेत. अपघात झालेल्या बसचा क्रमांक MH-07 9830 असा असल्याचे समजते खंडाला पोलिस प्रशिक्षण केंद्रानजीक हि घटना घडल्याचे वृत्त आहे