राष्ट्रवादी काँग्रेसच्या पालिकेतील ‘कालचक्र प्रगतीचे’ हा कार्यअहवाल आता www.ncppune.com या संकेतस्थळावर उपलब्ध, जास्तीत जास्त नागरिकांनी संकेतस्थळाला भेट देण्याचे खासदार अॅड.वंदना चव्हाण यांचे आवाहन
पुणे :
राष्ट्रवादी काँग्रेस महानगरपालिकेत सत्तेत आल्यानंतर तीन वर्षांत केलेल्या विकासकामांच्या ‘कालचक्र प्रगतीचे’ हा कार्यअहवाल आता www.ncppune.com या संकेतस्थळावर उपलब्ध करण्यात आला असून जास्तीत जास्त नागरिकांनी ते लाईक / शेअर करावे असे आवाहन राष्ट्रवादी काँग्रेस च्या शहराध्यक्ष खासदार अॅड.वंदना चव्हाण यांनी केले आहे. कार्यअहवालाचे प्रकाशन माजी उपमुख्यमंत्री अजित पवार यांच्या हस्ते करण्यात आले होते.
मागील महिन्यात कार्य अहवालाचा प्रकाशन समारंभ झाला होता. या प्रसंगी महापौर दत्ता धनकवडे, खासदार अॅड.वंदना चव्हाण, आमदार अनिल भोसले ,बंडू केमसे, अंकुश काकडे, अश्विनी कदम, सुभाष जगताप ,बाबुराव चांदेरे आदी मान्यवर उपस्थित होते.
पुण्यातील ‘राष्ट्रवादी काँग्रेस’ हा पहिला पक्ष आहे ज्या पक्षाचा विकासकामांचा कार्यअहवाल प्रथमच संकेतस्थळावर उपलब्ध करण्यात आला आहे, याचा मला आनंद आहे,असे खासदार अॅड.वंदना चव्हाण यांनी प्रसिध्दीस दिलेल्या पत्रकात म्हटले आहे. राष्ट्रवादी काँग्रेसचा कार्यअहवाल सर्वांना पाहता यावा, जास्तीत जास्त तरुणाईपर्यंत पोचावा, एका क्लिकवर वाचायाला मिळावा हा यामागचा उद्देश आहे.पक्षाच्या कार्यकर्त्यांनी आपापल्या भागात जास्तीत जास्त नागरिकांपर्यंत कार्यअहवाल शेअर करावा, असे अवाहन खासदार अॅड.वंदना चव्हाण यांनी केले आहे.