मुंबई : सांस्कृतिक कार्य संचालनालयातर्फे राज्यस्तरीय ढोल ताशा वादन स्पर्धेचे आयोजन करण्यात आले असून, इच्छुक संघांनी १६ सप्टेंबर २०१५ पर्यंत विहित नमुन्यात अर्ज करण्याचे आवाहन करण्यात आले आहे.
स्पर्धेत सहा महसूली विभागात प्राथमिक फेरी आयोजित करण्यात येणार असून, प्रत्येकी तीन संघांची अंतिम फेरीसाठी निवड करण्यात येणार आहे. अंतिम फेरीचे आयोजन पुणे येथे करण्यात येईल. प्राथमिक फेरी विविध महसूली विभागांत १८ व १९ सप्टेंबर २०१५ या कालावधीत तर, अंतिम फेरी पुणे येथे २२ व २३ सप्टेंबर २०१५ रोजी होणार आहे.
प्राथमिक फेरी व अंतिम फेरी यश मिळवणाऱ्या प्रथम तीन क्रमांकाच्या संघांना रोख रक्कम, सन्मानचिन्ह व प्रमाणपत्र देण्यात येईल. स्पर्धेच्या अटी, शर्ती व प्रवेशिकेचा नमुना maharashtra.gov.in या संकेतस्थळावर नवीन संदेश या मथळ्याखाली उपलब्ध आहे. संपूर्ण भरलेल्या प्रवेशिका mahaculture@gmail.com या ईमेल पत्त्यावर १६ सप्टेंबरपर्यंत पाठविण्याचे आवाहन करण्यात आले आहे.