नागपूर – एकीकडे मनसे ने ‘स्मार्ट सिटी ‘ प्रकल्पाविरोधात रणशिंग फुंकले असताना , काँग्रेसनेही या प्रकल्पास विरोध चालविला असताना , या प्रकल्पाबाबत राष्ट्रवादी ने डबल ढोलकी ची भूमिका घेतली असताना आणि शिवसेना तळ्यात मळ्यात असताना आता ‘स्मार्ट सिटी ‘ प्रकल्पासाठी पुण्यातील भाजपचे सर्व आमदार सरसावले आहेत . पुण्यातील भाजप आमदारानी आज मुख्यमंत्री देवेंद्र फडणवीस यांची भेट घेउन निवेदन सादर केले. आणि आपण हस्तक्षेप करून स्मार्ट सिटी चा प्रकल्प पुण्यात राबवा आम्ही आणि तमाम पुणेकर तुमच्या पाठीशी आहोत अशी गावही हि त्यांनी यावेळी मुख्यमंत्र्यांना दिली
तत्पूर्वी आ.मेधा कुलकर्णी, माधुरी मिसाळ, विजयराव काळे , दिलीप कांबळे , जगदीश मुळुक, योगेश टिळेकर , भीमराव तापकीर आदींनी निदर्शने करीत मनसे आणि दोन्ही काँग्रेसचा निषेध केला .