पुणे- महानगरपालिकेच्या बांधकाम विकास विभाग झोन क्र. ४ व झोन क्र. ६ च्या वतीने
अनधिकृत बांधकामावर कारवाई करणेत येऊन सुमारे १६८०० चौ. फुट क्षेत्र मोकळे करण्यात आले.
संबंधित मिळकतदारांना महाराष्ट्र प्रांतिक अधिनियम ४७८(१) नुसार नोटीस देण्यात आल्या होत्या.
झोन क्र. ४ च्या वतीने लोहगाव परिसरात स.नं. २५३ खेसे पार्क लोहगाव येथील ४ मिळकतदारांनी
केलेल्या आरसीसी पक्क्या स्वरुपाच्या बांधकामावर कारवाई करण्यात आली
सदर कारवाईत २ पोलिस गट, २५ बिगारी, १ जेसीबी, २ कटर, २ ब्रेकर यांच्या सहाय्याने कारवाई करण्यात आली
बांधकाम विकास विभाग झोन क्र. ६ व औंध महापालिका सहाय्यक आयुक्त कार्यालयाच्या वतीने
बोपोडी स.नं. २ए/८ येथील विनापरवाना बांधकामावर दिलेल्या नोटीसांच्या अनुषंगाने एमआरटीपी अॅक्ट
कलम ४७८(१) अन्वये नोटीस देऊन कारवाई करणेत आली.
सदर कारवाई अंतर्गत सी.पी. कामा व राजेंद्र कोठारी यांचे २२५० चौ. फुट तसेच अन्य अनुक्रमे ८
मिळकती यानुसार एकूण १०८०० चौ. फुट पक्के पत्र्याचे शेड इ. बिगर परवाना बांधकाम पाडण्यात आले.
बांधकाम घरपाडी विभागाकडील बिगारी १०, पोलिस कर्मचारी १ गट, १ जेसीबी इत्यादीच्या सहाय्याने
बांधकाम खात्यामार्फत कारवाई करण्यात आली.