वीजपुरवठा खंडित करण्याची कारवाई टाळण्याचे आवाहन
पुणे : वीजग्राहकांना वीजबील व थकबाकीचा भरणा करणे सोयीचे व्हावे यासाठी सार्वजनिक सुटीच्या दिवशी, दि. 24 ते 27 डिसेंबरला महावितरणचे व इतर अधिकृत वीजबील भरणा केंद्रे सुरु राहणार आहेत.
पुणे, पिंपरी चिंचवड शहरासह राजगुरुनगर, मुळशी व मंचर विभागातील वीजग्राहकांना वीजबीलाचा व थकबाकीचा भरणा करणे सोयीचे व्हावे यासाठी पुणे परिमंडलातील शहरी तसेच ग्रामीण भागातील महावितरणचे आणि इतर अधिकृत वीजबील भरणा केंद्ग सार्वजनिक सुटीच्या दिवशी म्हणजे गुरुवार (दि. 24) ते रविवार (दि. 27) कार्यालयीन वेळेत सुरु राहणार आहेत.
तसेच वीजबील भरण्याची मुदत संपल्यानंतरही दंडाच्या रकमेसह वीजबील ‘ऑनलाईन’ भरणाची सोय महावितरणने वीजग्राहकांना www.mahadiscom.in या संकेतस्थळावर उपलब्ध करून दिली आहे. सर्व लघुदाब वीजग्राहकांना क्रेडीट किंवा डेबीट कार्ड किंवा नेटबंॅकींगद्वारे वीजबील भरण्याची सुविधा उपलब्ध आहे. मुदतीनंतर ऑनलाईन वीजबीलांचा भरणा करणार्या ग्राहकांनी देयकाची पावती महावितरणच्या संबंधीत कार्यालयात दाखवावी आणि वीजपुरवठा खंडित करण्याची कारवाई टाळावी, असे आवाहन महावितरणने केले आहे.
पुणे परिमंडलातील थकबाकीदार वीजग्राहकांनी संभाव्य गैरसोय टाळण्यासाठी त्वरीत वीजबीलांचा भरणा करावा व वीजपुरवठा खंडित करण्याची कारवाई टाळावी. तसेच ज्या ग्राहकांना वीजबीलांबाबत काही तक्रार असेल त्यांनी महावितरणच्या नजीकच्या कार्यालयाशी संपर्क साधावा, असे आवाहन महावितरणने केले आहे.