मुंबई -ज्येष्ठ समाजसेवक अण्णा हजारे यांना निनावी पत्राद्वारे हत्येची धमकी देण्यात आली आहे. ‘अरविंद केजरीवाल यांच्याशी संबंध ठेवू नका, नाहीतर तुमचा नरेंद्र दाभोलकर करून टाकू,’ असा इशारा या पत्रातून देण्यात आला आहे. याप्रकरणी नगर जिल्ह्यातील पारनेर पोलीस ठाण्यात गुन्हा दाखल करण्यात आला आहे.
अण्णांना पाठविण्यात आलेले ‘धमकीपत्र’ इंग्रजीत असून त्यावर ७ ऑगस्टची तारीख असल्याची माहिती पोलिसांनी दिली आहे. अखिल भारतीय अंधश्रद्धा निर्मूलन समितीचे नरेंद्र दाभोलकर यांच्या हत्येची आठवणही पत्रातून करून देण्यात आली आहे. ‘अण्णांनी राळेगणसिद्धी या आपल्या गावीच राहावे. आम आदमी पक्षाचे नेते केजरीवाल यांच्याशी फार जवळीक वाढवू नये,’ असा इशाराही देण्यात आला आहे.
अरविंद केजरीवाल यांनी राजकीय पक्ष स्थापन केल्यानंतर अण्णा त्यांच्यापासून तसे पाहता फारसे जवळ नाहीत .पण आता अण्णांनी आंदोलन इशारा दिला आहे .