पुणे :
‘महाराष्ट्र कॉस्मॉपॉलिटन एज्युकेशन सोसायटी’च्या अल्पसंख्यांक समाजातील 5 हजार विद्यार्थी आणि शिक्षक वर्ग यांनी आज महात्मा फुले पुण्यतिथीदिनी अभिवादन मिरवणूक काढली. या मिरवणूकीचे उद्घाटन ज्येष्ठ समाजवादी नेते मधुकर निरफराके यांच्या हस्ते आणि संस्थेचे अध्यक्ष पी.ए.इनामदार यांच्या उपस्थितीत झाले. मिरवणुकीचे नेतृत्व संस्थेचे सचिव लतिफ मगदूम यांनी केले.
महापौर दत्तात्रय धनकवडे, नगरसेविका कमल व्यवहारे, संस्थेचे अध्यक्ष पी.ए.इनामदार, सुशिला नेटके, माजी नगरसेवक संतोष फरांदे, डॉ. एन.वाय.काझी, विशाखा खैर, शाहिद इनामदार, लतिफ मगदूम मिरवणुकीत सहभागी झाले होते.
आझम कॅम्पस येथून मिरवणुकीस सुरवात झाली. पुढे पुना कॉलेज, गोल्डन ज्युबिली इन्स्टिट्यूट, कासेवाडी, टिंबर मार्केट, रिझवान मशिद, गंजपेठ पोलीस चौकी, मोमीनपूरा रोड, चाँदतारा चौक आणि विद्यार्थ्यांच्या प्रेरक घोषणांसह ही मिरवणूक महात्मा फुले वाडा येथे पोहोचली. लतिफ मगदूम यांच्या हस्ते महात्मा फुले यांच्या प्रतिमेस पुष्पहार घालण्यात आला.
‘महात्मा फुले वाड्यातील विहीर, पाण्याचा हौद सर्व समाजातील लोकांना खुला करण्यात आला’ असा देखावा संस्थेच्या कला महाविद्यालयातील विद्यार्थ्यांनी सादर केला. एम.सी.ई सोसायटीच्या इंग्रजी माध्यमाच्या विद्यार्थ्यांचे बँड पथक, दरबार ब्रास बँड आणि ढोलताशा सामिल झाले होते. मिरवणुकीदरम्यान विद्यार्थ्यांनी महात्मा फुले यांचे घोषवाक्यांचे फलक हाती धरले होते.
मिरवणूकीमध्ये डॉ.व्हि.एन.जगताप, डॉ.भूषण पाटील, प्रा.मजिद सय्यद, प्रा.किरण देशमुख, प्रा.रबाब खान, डॉ. कीरण भिसे, प्रा. मुमताज सय्यद, प्रा.शैला बुटवाला, वाहिद बियाबानी, प्रा.गफार सय्यद, प्रा.अहमद शेख, प्रा. प्रविण शेख, सर्व संस्थांमधील शिक्षक, विद्यार्थी, पदाधिकारी, कर्मचारी सहभागी झाले होते.
