वि.वा.शिरवाडकर यांच्या अलौकिक प्रतिभेतून अवतरलेले नाटक म्हणजेच ‘नटसम्राट‘. नाटकाप्रमाणे चित्रपटरूपातही प्रेक्षकांसमोर आलेल्या या कलाकृतीला प्रेक्षकांनी आपलसं केलं. प्रेक्षकांनी उचलून धरलेल्या व नाना पाटेकर यांचा जबरदस्त अभिनय असलेल्या ‘नटसम्राट‘…असा नट होणे नाही चित्रपटाचा वर्ल्ड टेलिव्हिजन प्रीमियर रविवार २१ ऑगस्टला दुपारी १२.०० वा. व सायंकाळी ६.३० वा. झी टॅाकीजवर होणार आहे.
रंगभूमीवरील अभिनयाचा अनभिषिक्त सम्राट असलेल्या आणि आपल्या उतरत्या काळात आपल्या आप्तस्वकियांकडून दुर्लक्षिलेल्या गणपतराव बेलवलकर या नटाची कथा म्हणजे ‘नटसम्राट…असा नट होणे नाही.
अप्पासाहेब बेलवलकरांच्या भूमिकेत चतुरस्त्र अभिनेते नाना पाटेकर, अप्पासाहेबांच्या मित्राची भूमिका साकारणारे ज्येष्ठ अभिनेते विक्रम गोखले, कावेरीच्या भूमिकेतील मेधा मांजरेकर तसेच सुनील बर्वे, अजित परब, नेहा पेंडसे आणि मृण्मयी देशपांडे या कलाकारांच्या अभिनयाने सजलेला हा सिनेमा प्रेक्षकांसाठी दर्जेदार पर्वणीच असणार आहे ‘नटसम्राट’…असा नट होणे नाही या सिनेमाचा आस्वाद २१ ऑगस्टला दुपारी १२.०० वा. व सायंकाळी ६.३० वा. झी टॅाकीजवर घेता येईल.