पुणे : विद्यार्थ्यानी उत्तम नागरिक बनण्यासाठी प्रयत्नशील व्हावे असे मत यशस्वी एकेडमी फॉर स्किल्स संस्थेचे अध्यक्ष विश्वेश कुलकर्णी यांनी व्यक्त केले.
ते पिंपरी येथील टाटा मोटर्स स्किल डेव्हलपमेंट सेंटर येथे नीम योजनेअंतर्गत ऑटोमोटिव्ह स्किल्स डेव्हलपमेंट कौन्सिलचेप्रशिक्षण पूर्ण करणाऱ्या विद्यार्थ्याना प्रशस्तीपत्र प्रदान करतानाबोलत होते.यावेळी बोलतानाते पुढे म्हणाले की, स्किल इंडिया मिशन अंतर्गत उद्योगजगतातील प्रत्यक्ष कामाच्या अनुभवामुळे रोजगारक्षम पिढी तयार होत आहे, टाटा मोटर्ससारखे उद्योगसमूह पुढाकार घेऊन युवापिढीला रोजगारक्षम करण्यासाठी सातत्याने प्रयत्नशील असतात ही बाब निश्चितच आशादायी आहे.
नॅशनल एम्पलॉयबिलिटी एन्हान्समेंट मिशन अर्थात ‘नीम’ योजनेअंतर्गत विद्यार्थ्याना प्रत्यक्ष औद्योगिक आस्थापनेत ऑन द जॉब ट्रेनिंगची संधी मिळत असल्याने विद्यार्थ्याना अद्ययावत कौशल्य प्रशिक्षण प्राप्त होते, विशेषतः टाटा मोटर्सचे पदाधिकारी जयदीप देसाई व अनुराधा दास यांच्या प्रयत्नामुळे मुलींनादेखील असेम्ब्ली लाईनवरचे तांत्रिक प्रशिक्षण प्राप्त करण्याची संधी मिळाली असेही त्यांनी सांगितले. याप्रसंगी प्रशिक्षण पूर्ण करणाऱ्या १०२ विद्यार्थ्याना प्रशस्तीपत्र प्रदानकरण्यात आले. यामध्ये ४२ मुले व ६० मुलींचा
समावेश आहे. यावेळी आपल्या मनोगतात टाटा मोटर्स कंपनीचेपीव्हीबीयू प्लांट हेड जयदीप देसाई यांनी विद्यार्थाना मार्गदर्शन करताना सांगितले की, ‘नीम’ सारख्या योजनांच्या अंमलबजावणीमुळे युवकांना प्रत्यक्ष कंपनीत चालणारी कामकाज पद्धती जवळून पाहता येते,विशेष बाब म्हणजे प्रशिक्षणातील बहुतांश विद्यार्थी हे ग्रामीण भागातून आलेले व कोणत्याही तांत्रिक ज्ञानाचा अनुभव नसलेले असून यामध्ये मुलींची संख्या लक्षणीय आहे.तसेच या ऑन द जॉब ट्रेनिंगमुळे विद्यार्थ्यांना तांत्रिक ज्ञानासोबतच त्यांच्यातील आत्मविश्वाससुद्धा वाढल्याचे दिसत आहे. यावेळी त्यांनी प्रशिक्षण देणाऱ्या यशस्वी एकेडमी फॉर स्किल्सच्या सर्व सुपरवायजर व प्रशिक्षकांबद्दलही गौरवोद्गार काढले. याप्रसंगीं जयश्रीडफळ व परमेश्वरचव्हाण या विद्यार्थ्यानीही आपली मनोगते व्यक्त केली.या कार्यक्रमाला टाटा मोटर्सचे कौशल्य विकास विभाग प्रमुख श्रीनिवासन, पीव्हीबीयू वरिष्ठ मनुष्यबळव्यवस्थापिका अनुराधा दास, ‘यशस्वी’संस्थेचे संचालक मकरंद कुलकर्णी यांच्यासह विविध पदाधिकारी व विद्यार्थी उपस्थित होते.कार्यक्रमाचे प्रास्ताविक टाटा मोटर्स पीव्हीबीयूचे कौशल्य विकास प्रशिक्षणविभागाचे उपमहाव्यवस्थापक सुहास कुलकर्णी यांनी तर आभार प्रदर्शन मनुष्यबळ व्यवस्थापन विभागाचे उपमहाव्यवस्थापक अजय धुरी यांनी केले.
