घोरपडी येथील रेल्वेची जागा, पुणे – दौंड रेल्वे मार्गावर आरओबीसाठी पुणे महापालिकेला द्यावी तसेच इतर पुणे रेल्वे स्टेशनसह प्रश्न सोडविणेसाठी केंद्रीय रेल्वे राज्यमंत्री दानवे यांना निवेदन. खा.बापट
पुणे : केंद्रीय रेल्वे राज्यमंत्री रावसाहेब दानवे यांनी नुकतीच पुणे येथील रेल्वे डीआरएम कार्यालयात पुणे शहर व जिल्ह्यातील लोकप्रतिनिधी व रेल्वे अधिकारी यांची पुणे विभागातील रेल्वेच्या प्रश्नांबाबत बैठक घेतली असता खासदार गिरीश बापट यांनी घोरपडी येथील रेल्वेची जागा पुणे – दौंड रेल्वे मार्गावर आरओबीसाठी पुणे महापालिकेला द्यावी तसेच इतर पुणे रेल्वे स्टेशनसह प्रश्न सोडविणेसाठी केंद्रीय रेल्वे राज्यमंत्री दानवे यांना निवेदन देवून विनंती केल्याचे खासदार बापट यांनी सागितले.
पुणे शहराच्या दृष्टीने पाच प्रमुख महत्त्वाच्या प्रश्नांबाबत निवेदन देवून केंद्रीय रेल्वे राज्यमंत्री यांना सदरचे प्रश्न सोडवण्यासाठी अधिकाऱ्यांना तातडीने सूचना करण्याबाबत विनंती केली. पुणे स्टेशनला पर्याय असणाऱ्या इतर रेल्वे स्टेशनवर जसे हडपसर रेल्वे स्टेशनला येणारे रस्ते रुंदीकरण करणे, रेल्वे स्टेशनवर प्रवाशांकरिता सुविधा उपलब्ध करून देणे, खडकी रेल्वे स्टेशनला टर्मिनल म्हणून विकसित करण्यासाठी आराखडा तयार करावा. पुणे – नाशिक रेल्वे मार्गाचे काम त्वरित सुरू करणेबाबत कार्यवाही करावी. पुणे स्टेशन येथील मालधक्का पुन्हा सुरू करणे. तसेच पुणे – दौंड रेल्वेमार्गावर घोरपडी येथे बांधण्यात येत असलेल्या आरओबीसाठी आवश्यक असणारी जागा रेल्वे विभागाने तातडीने देणेबाबत केंद्रीय रेल्वे राज्यमंत्री दानवे यांना निवेदनाद्वारे विनंती केल्याचे खासदार बापट यांनी सांगितले.