पुणे-देशाचे सार्वभौमत्व अबाधित ठेवण्यासाठी महत्त्वपूर्ण ठरणारा मोब लिंचींग विरोधी कायदा
लागू करण्यासाठी विशेष प्रयत्न करणार असल्याचे प्रतिपादन रमेश बागवे यांनी केले.
काँग्रेस-राष्ट्रवादी, रिपब्लिकन मित्र पक्षाचे कॅंटोनमेंट विधानसभेचे उमेदवार रमेश बागवे यांच्या प्रचारार्थ आज
काशेवाडी, हरकानगर, जुना मोटर स्टँड परिसरामध्ये पदयात्रा काढण्यात आली यावेळी नागरिकांनी
फुलांची व गुलाब पाकळ्यांची उधळण करून बागवे यांचे स्वागत केले. यावेळी नागरिकांशी संवाद
साधत असताना राज्यातील व देशातील वाढत्या मोबलिंचींग बाबतच्या घटनांविषयी चिंता व्यक्त
करीत आतापर्यंत भटके-विमुक्त दलित व मुस्लीम तरुणांच्या जातीय व धार्मिक विदेशातून करण्यात
आलेल्या हत्या ह्या देशाच्या सार्वभौमत्वाला मारक असून त्या थांबविण्यासाठी राजस्थान, पश्चिम
बंगाल या राज्यांच्या धर्तीवर महाराष्ट्रात देखील मोबलिंचींग विरोधी कायदा करण्यासाठी आग्रही
राहणार असल्याचा विश्वास बागवे यांच्याकडून यावेळी देण्यात आला.
याप्रसंगी नगरसेवक रफिक शेख, अविनाश बागवे, शिलार रतंगिरी, राहुल डंबाळे, बबलू
सय्यद, सुरेखा खंडागळे, दयानंद अडागळे, सुरेश व्यास, सुंदरम मुदलियार, अरूण गायकवाड, विठ्ठल
थोरात, सुनिल भावकर, उमर शेख, राजू शेख, रईस कुरेशी, सुनिल परदेशी, शिवराम बिबवे, मीरा
दोडके, मीरा बिगे, कविता जाधव, विनोद कराळे, भारत वाघमारे, अशोक गायकवाड, शकिल शेख,
सुरेश भंडारी, अभिजीत आढाव, रूपेश शेलार आदी मान्यवर उपस्थित होते.