मुंबई, : नवरात्रीच्या निमित्ताने शिवसेना उपनेत्या डॉ.नीलम गोऱ्हे यांच्या संकल्पनेतून ”साडेतीन शक्तीपीठाच्या दर्शनानिमित्त बये दार उघड” मोहिम आयोजित केली होती. यात दिनांक २७ आणि २८ सप्टेंबर रोजी नाशिक जिल्ह्यातील चांदवड, सप्तशृंगी माता येथे दर्शन घेऊन ज्योती प्रज्वलित करण्यात आली.
यानंतर २९ सप्टेंबर रोजी कोल्हापूरची अंबाबाई, ३० सप्टेंबर रोजी तुळजापूरची तुळजाभवानी आणि २ ऑक्टोबरला माहूरची रेणुका या साडेतीन शक्तीपीठाच्या ठिकाणी दर्शन आणि आरती शिवसेना महिला आघाडीच्या वतीने करण्यात आली.
या सर्व ठिकाणाहून आलेल्या ज्योतीचे दर्शन श्री. ठाकरे यांनी दसरा मेळाव्यास संबोधन करण्यापूर्वी घेतले. या शक्तीपीठाचा प्रसाद यावेळी शिवसेना उपनेत्या डॉ. नीलम गोऱ्हे यांनी श्री. ठाकरे यांना दिला. तसेच मेळावा सुरू होण्यापूर्वी श्री. सप्तश्रृंगी देवीची प्रतिमा भेट देण्यात आली.यावेळी शिवसेना नेते आदित्य ठाकरे, शिवसेना नेते सुभाष देसाई उपस्थित होते.