पुणे-पुणे मनपा ताब्यात घेण्याची वलग्ना करणाऱ्यांनी आधी सर्व जागांसाठी उमेदवार शोधावेत, राष्ट्रवादीच्या शहराध्यक्षांनी प्रसिद्धी साठी चे पोरखेळ बंद करावेत असे आवाहन भाजपचे शहर अध्यक्ष जगदीश मुळीक आणि संघटन सरचिटणीस राजेश पांडे तसेच शहर प्रवक्ता संदीप खर्डेकर यांनी म्हटले आहे.
राष्ट्रवादीच्या जगताप यांच्या प्रसिद्धीपत्रकाला भाजपच्या या पदाधिकाऱ्यांनी देखील पत्रकानेच उत्तर दिले आहे यात त्यांनी म्हटले आहेकी,’एकच गोष्ट वारंवार सांगितली की खरी वाटायला लागते, याच भावनेतून राष्ट्रवादी काँग्रेस पक्षाचे शहराध्यक्ष धादांत खोट बोलत असतात. पण पुणेकर सुज्ञ आहेत. राष्ट्रवादीच्या नाकर्तेपणाला ते चांगलेच ओळखून आहेत, भाजप प्रदेशाध्यक्ष
आ.चंद्रकांतदादा पाटील यांनी काय काम केले हे विचारणाऱ्यांनी कधीतरी चंद्रकांतदादांच्या कोथरूड मतदारसंघात यावे आणि दादांनी केलेल्या अफाट सेवाकार्याचा अभ्यास करावा.अर्थात यांच्या पक्षाचं अस्तित्वही जिथे नाही तिथे कोणी काय काम केलं हे त्यांना कसं समजणार !?
राष्ट्रवादीचे शहराध्यक्ष फक्त माध्यमात सापडतात, कामाच्या नावाने शून्य !?
पुणे मनपा ताब्यात घेण्याची वलग्ना करणाऱ्यांनी आधी सर्व जागांसाठी उमेदवार शोधावेत
आणि मग भाजपच्या प्रदेशाध्यक्षांवर टीका करावी. राष्ट्रवादी च्या शहर अध्यक्षांनी प्रसिद्धी मिळवण्याचे पोरखेळ बंद करून स्वतःच्या पक्षातील अस्तित्वाकडे अधिक लक्ष द्यावे असा सल्ला भाजप शहराध्यक्ष जगदीश मुळीक व संघटन सरचिटणीस राजेश पांडे यांनी दिला आहे.
