पुणे-निवडणुका जाहीर होऊ द्या. आमच एकच ध्येय आहे. महाराष्ट्राचा विकास करणे हे गरजेचे आहे आणि ते आम्ही करीत आहोत. महाविकास आघाडी सरकार मार्फत करोना काळात किंवा त्यापूर्वी आम्ही कामे करत आहोत. विकास कामे कुठे ही थांबलेली नाहीत. मुख्यमंत्री,उपमुख्यमंत्री आणि महसुल मंत्री महोदय आम्ही सर्व मिळून एकत्रित काम करीत आहोत. काही महापालिकेच्या निवडणुका लवकरच लागतील. महाविकास आघाडीतील सर्वांनी एकत्रित लढावं, हाच मानस आहे. महाराष्ट्राला पुढे नेण्याचे काम जे करत आहोत ते सगळीकडे व्हावं अशी भूमिका आदित्य ठाकरे यांनी मांडली
शनिवारी शिवसेनेचे नेते राज्याचे पर्यटन मंत्री आदित्य ठाकरे हे पुणे दौर्यावर आले होते. यावेळी युवा सेनेच्या पदाधिकारी आणि कार्यकर्त्यांचा मेळावा पुणे स्टेशन येथे आयोजित करण्यात आला होता. त्यानंतर प्रसार माध्यमांशी त्यांनी संवाद साधला.त्या दरम्यान आगामी महापालिका निवडणुकीमध्ये युती की आघाडी होणार असा प्रश्न विचारला असता त्यांनी प्रतिक्रिया दिली आहे.
खूप दिवसानंतर आम्ही सर्व पदाधिकारी एकत्र आलो आहोत. गेल्या काही महिन्यांमध्ये लसीकरणासारख्या बाबतीत आमचे पदाधिकारी अग्रेसर राहिलेले आहेत. लोकांची सेवा करत आहेत. त्यांच्या संकल्पना जाणून घेण्यासाठी आम्ही एकत्र आलो होतो. शिवसेनेत कानमंत्र देण्यात येत नाही. जे काही असत, ते खुल असते, अशी प्रतिक्रिया आदित्य ठाकरे यांनी दिली.