भाजपचे नेते देवेंद्र फडणवीस म्हणाले या मुद्द्यावर आमची सर्वात जास्त निराशा
मुंबई- पेट्रोल-डिझेलचे भाव कमी करण्यासंदर्भात सरकारने स्पष्टपणे नकार दिला आहे. कालपरवापर्यंत केंद्र सरकारच्या विरोधात सायकल मोर्चे काढत होते. आता माझी अपेक्षा आहे स्वत:च्या सरकार विरोधात सायकल मोर्चे काढले पाहिजेत. याचे कारण केंद्र सरकारने तर कमी केले. 25 राज्य सरकारांनी कमी केले. पण महाराष्ट्र सारख्या पुरोगामी म्हणवणाऱ्या सरकार एक नवा पैसा कमी करायला तयार नाही. त्यामुळे कालपर्यंत यांचे आंदोलन किती बेगडी होते, हे या ठिकाणी लक्षात येते, असे माजी मुख्यमंत्रीविद्यमान विरोधीपक्षनेते देवेंद्र फडणवीस यांनी म्हटले आहे. बाजुच्या राज्यांपेक्षा 15-15 जास्त रुपयांनी पेट्रोल-डिझेल घ्यावे लागते आहे. अजूनही सरकारने पुनर्विचार केला पाहिजे. आम्ही अधिवेशनानंतर निश्चित आंदोलन करणार आहोत, असेही फडणवीस म्हणाले.