पुणे:- शहरात दिवसेंदिवस कोरोनाचा प्रादुर्भाव वाढत चालला आहे.त्याचबरोबर लसीकरण प्रक्रियेलाही जोरदार सुरुवात झाली आहे. कोरोना काळात स्वतःच्या जीवाची परवा न करता खंबीरपणे उभे राहणाऱ्या आरोग्य कर्मचाऱ्यांना पहिल्या टप्प्यात लस देण्यास सुरुवात झाली. दुसऱ्या टप्प्यात सरकारी कर्मचारी यांना लस देण्यात आली आहे.
पुणे शहरात लसीकरण सुरू झाल्यावर पहिल्या दोन टप्प्यात अत्यावश्यक सेवेत असणाऱ्या आरोग्य – महानगरपालिका कर्मचारी, कचरावेचक अशा सर्वांना प्राधान्य देण्यात आले. त्या पार्श्वभूमीवर आम्हालाही लस द्या अशी मागणी खासगी शिक्षण संस्थेच्या शिक्षकांनी केली आहे. पुणे महापालिकेचे नगरसेवक आदित्य माळवे यांनी शिक्षकांच्या वतीने महापौर मुरलीधर मोहोळ यांना याबाबत पत्र दिले. महापालिका शाळेतील शिक्षकांनाही लस देण्यात आली होती. मात्र खासगी शिक्षण संस्थेचा याबाबत कुठलाही विचार करण्यात आला नाही. त्यामुळे अनुदानित, विनाअनुदानित खाजगी शिक्षण संस्थेमधील शिक्षकांना लवकरात लवकर कोव्हिडं लस उपलब्ध करून द्यावी. अशी विनंती आदित्य माळवे यांनी महापौरांकडे पत्राद्वारे केली आहे.
