पुणे- गेम ऑन ईव्हेंटस्‌ यांच्या तर्फे व पुणे मेट्रोपोलिटन जिल्हा टेनिस संघटना(पीएमडीटीए)यांच्या मान्यतेखाली अरूण वाकणकर मेमोरियल करंडक पुरूष टेनिस 2018 स्पर्धेत हौशी गटात जगदीश सुंदर याने आर्यन हुड याचा 7-6(9) असा टायब्रेकमध्ये पराभव करत विजेतेपद पटकावले.
डेक्कन जिमखाना कोर्टवर येथे पार पडलेल्या या स्पर्धेत दुहेरी गटात रोहित शिंदे व ज्ञानेश्वर पाटील या जोडीने जॉय व पृथ्वीराज पाटील यांचा 8-4 असा पराभव करत दुहेरी गटाचे विजेतेपद पटकावले.
स्पर्धेतील विजेत्या व उपविजेत्या खेळाडूंना करंडक पारितोषिक देण्यात आले. स्पर्धेचे पारितोषिक वितरण गेम ऑन ईव्हेंटस्‌चे संचालक सुनिल लुल्ला यांच्या हस्ते करण्यात आले. यावेळी मंदार वाकणकर उपस्थित होते
स्पर्धेचा सविस्तर निकाल: हौशी गट: अंतिम फेरी:
जगदीश सुंदर वि.वि आर्यन हुड 7-6(9)
दुहेरी गट- अंतिम फेरी
रोहित शिंदे/ज्ञानेश्वर पाटील वि.वि जॉय/पृथ्वीराज पाटील 8-4
