पुणे- डेक्कन जिमखाना तर्फे अनिल. जी. रानडे मेमोरियल डेक्कन जिमखाना क्रिकेट लीग स्पर्धेचे आयोजन करण्यात आले आहे. ही स्पर्धा डेक्कन जिमखाना येथील क्रिकेट मैदानावर दि.13 ते 17 फेब्रुवारी 2018 या कालावधीत होणार आहे.
स्पर्धेविषयी अधिक माहिती देताना स्पर्धा संचालक मिहिर केळकर यांनी सांगितले की, स्पर्धेचे दुसरे वर्ष असून सर्व सामने विद्युत प्रकाश झोतात होणार आहेत. स्पर्धेत 150 हून अधिक सभासदांची निवड लिलाव पध्दतीने करण्यात आली असून यातील संघाचे मालक हे क्लबचे सभासद असून यात 8 संघ सहभागी झाले आहेत.
ते पुढे म्हणाले की, स्पर्धेत प्रत्येक संघात एकुण 10 खेळाडूंचा समावेश असणार आहे. स्पर्धेचे सामने 7 षटकाचे होणार आहेत. स्पर्धेसाठी क्रिकेट टेनिस बॉलचे सर्व नियम लागू आहेत. स्पर्धेतील साखळी फेरीचे सामने 13 ते 15 फेब्रुबारी दरम्यान होणार आहेत तर सुपर लीग सामने 16 फेब्रुवारी रोजी होती.स्पर्धचा उपांत्य व अंतिम फेरीचे सामने दि. 17 फेब्रुवारी 2018 या दिवशी होणार आहे.
स्पर्धेत हॉग्स, हॅट्ट्रिक्स्, मोटिव्हेटर्स, स्पार्टन्स, नॉर्थ-वेस्ट टायगर्स, वाडेश्वर विझार्डस, एमजे वुल्वस्, सिटी प्राईड सुपरस्टार हे 8संघ झुंजणार असल्याचे त्यांनी सांगितले.
तसेच, डेक्कन जिमखान्या तर्फे 17 फेब्रुवारी रोजी विशेष कामायनी संस्थेतील मुलांसाठी क्रिकेट सामन्याचे आयोजन केले गेले आहे. विशेष मुलांसाठी कामयानी संघटनेने हाती घेतलेल्या उत्कृष्ट कार्याबद्दल सामाजिक जागरूकता वाढावी व लोकांना या कार्याची ओळख व्हावी यासाठी हा उपक्रम आहे.